ലണ്ടന്‍: ഇംഗ്ലീഷ് ഭാഷാ പ്രേമികളുടെ ബൈബിള്‍ എന്നറിയപ്പെടുന്ന ഓക്‌സ്‌ഫോര്‍ഡ് ഡിക്ഷണറിയുടെ പുസ്തകരൂപത്തിന് മരണമണി. അടുത്ത പതിപ്പ് മുതല്‍ ഇന്റര്നെറ്റ് പതിപ്പ് മാത്രം ഇറക്കാനാണ് ഓക്‌സ്‌ഫോര്‍ഡ് പ്രസാധകരുടെ ആലോചന. 1928 ലാണ് നിരവധി വോള്യങ്ങളിലായി ഓക്‌സ്‌ഫോര്‍ഡ് ഇംഗ്ലീഷ് ഡിക്ഷണറിയുടെ ആദ്യപതിപ്പ് പുറത്തിറങ്ങിയത്. 1989 ല്‍ രണ്ടാമത്തെ പതിപ്പും പുറത്തിറങ്ങി.
കഴിഞ്ഞ പത്തുവര്‍ഷമായി മൂന്നാമത്തെ പതിപ്പിനായുള്ള പ്രവര്‍ത്തനങ്ങള്‍ നടക്കുകയായിരുന്നു. പുതിയ പതിപ്പിനായി 80 നിഘണ്ടുസമാഹര്‍ത്താക്കളെയും ഭാഷാവിദഗ്ധരെയുമാണ് പ്രസാധകര്‍ ചുമതലപ്പെടുത്തിയിരിക്കുന്നത്. ഇതിനിടെയാണ് ഇനി വെബ് പതിപ്പ് മാത്രം മതിയെന്ന് പ്രസാധകര്‍ ആലോചിക്കുന്നത്.
ലോകത്താകമാനം അച്ചടിച്ച പുസ്തകങ്ങളെക്കാള്‍ ഡിജിറ്റര്‍ പുസ്തകങ്ങളുടെ പ്രചാരവും വില്‍പ്പനയും കൂടിക്കൊണ്ടിരിക്കുകയാണ്. അച്ചടിപുസ്തകങ്ങളെക്കാള്‍ ഇ ബുക്കുകള്‍ക്കാണ് വില്‍പനയെന്ന് അടുത്തിടെ ആമസോണ്‍ വെളിപ്പെടുത്തിയിരുന്നു.
എന്നാല്‍ എതിര്‍പ്പുകള്‍ മൂലം പ്രസാധകര്‍ ഈ തീരുമാനം പുനപ്പരിശോധിക്കുമെന്നാണ് ഇംഗ്ലീഷ് ഭാഷാ പ്രേമികള്‍ കരുതുന്നത്. ഇ ബുക്കുകളുടെ പ്രചാരണത്തിനിടെയിലും റെഫറന്‍സ് ഗ്രന്ഥങ്ങളുടെ അച്ചടി പതിപ്പുകളുടെ പ്രചാരം കുറയില്ലെന്നും ഓക്‌സ്‌ഫോര്‍ഡ് പ്രത്യാശ പ്രകടിപ്പിച്ചിട്ടുണ്ട്.
ഉപരിപഠനത്തിന് ഉയര്‍ന്ന ഫീസും മറ്റു പഠനചെലവുകളും താങ്ങാനാവില്ല എന്നു വിചാരിച്ച് മകനെ/മകളെ മികച്ച കോഴ്‌സിന് വിടാതിരിക്കേണ്ട. ഇത്തരം ബുദ്ധിമുട്ടുകള്‍ക്ക് പരിഹാരമേകുന്നതാണ് വിദ്യാഭ്യാസ വായ്പ. പക്ഷെ, ഇത്തരം വായ്പകള്‍ എടുക്കും മുമ്പ് പല കാര്യങ്ങളും ശ്രദ്ധിക്കേണ്ടതുണ്ട്. അവയെപ്പറ്റി വിശദീകരിക്കുകയാണ് ഇവിടെ. 
വനിതാ ടെന്നീസില്‍ മാറ്റത്തിന്റെ കാറ്റ് ആഞ്ഞടിക്കുമ്പോഴും കടപുഴകാത്ത വന്‍മരങ്ങള്‍ പോലെ നില്‍ക്കുകയാണ് വില്യംസ് സഹോദരിമാരായ സെറീനയും വീനസും. ആദ്യ കാലത്ത് വീനസായിരുന്നു മുന്നണിപ്പോരാളിയെങ്കില്‍ പ്രതിഭയുടെയും കരുത്തിന്റെയും ആള്‍രൂപമായി മാറിയ സെറീനയ്ക്കായി പിന്നീട് വനിതാടെന്നീസിലെ കുത്തക. 
സിഡ്‌നി: ഡോക്ടര്‍മാര്‍ മരിച്ചതായി വിധിയെഴുതിയ കുഞ്ഞ് അമ്മയുടെ നെഞ്ചിന്റെ ചൂടേറ്റ് ജീവിതത്തിലേക്ക് തിരിച്ചുവന്നു. ഓസ്‌ട്രേലിയയിലെ സിഡ്‌നിയിലാണ് 'ദിവ്യാത്ഭുതം' എന്ന് ഏവരും വിശേഷിപ്പിക്കുന്ന സംഭവം നടന്നത്.
ന്യൂയോര്‍ക്ക് : .യുണൈറ്റഡ് എയര്‍ലൈന്‍സില്‍ കോണ്ടിനെന്റ്ല്‍ എയര്‍ലൈന്‍സ് ലയിക്കുന്നതിന് അമേരിക്കന്‍ സര്‍ക്കാര്‍ അനുമതി നല്‍കി. ഇതോടെ ലോകത്തെ ഏറ്റവും വലിയ എയര്‍ലൈന്‍ കമ്പനിയായി പുതിയ കമ്പനി മാറും. 2900 കോടി ഡോളറായി വരുമാനം ഉയരുമെന്നും നിരീക്ഷിക്കപ്പെടുന്നു. 320 കോടി ഡോളറിനാണ് കോണ്ടിനെന്റലിനെ യുണൈറ്റഡ് ഏറ്റെടുക്കുന്നത്. അടുത്ത മാസം ഇരു കമ്പനികളുടെയും ഓഹരിയുടമകളുടെ അംഗീകാരം ലഭിക്കുന്നതോടെ ലയനം പൂര്‍ത്തിയാവുമെന്ന് കരുതുന്നു.
മൊബൈല്‍ഫോണ്‍ ഇന്ന് ഒരാവശ്യമെന്നല്ല, ഒഴിവാക്കാനാവാത്ത ഒന്നായിത്തന്നെ മാറിക്കഴിഞ്ഞു. ഏതു വിദൂരതയിലേക്കു പോകുമ്പോഴും അടുപ്പവും ആശ്വാസവും ആത്മവിശ്വാസവും പകരുന്ന ഒരുപകരണമായി അത് മാറിക്കഴിഞ്ഞു. അതേസമയം തന്നെ ഏതൊരുപകരണത്തിന്റെയും കാര്യത്തിലെന്ന പോലെ മൊബൈല്‍ഫോണിന്റെ കാര്യത്തിലും പല തരത്തിലുള്ള ദുരുപയോഗങ്ങള്‍ നടക്കുന്നുണ്ട്. പ്രത്യേകിച്ച് കുട്ടികളുടെയും യുവാക്കളുടെയും കാര്യത്തില്‍. മൊബൈല്‍ഫോണ്‍മൂലമുള്ള സാംസ്‌കാരിക, സാമൂഹിക പ്രശ്‌നങ്ങള്‍ പോലെ തന്നെ പ്രധാനമാണ് അതു കൊണ്ടുണ്ടാകാവുന്ന ആരോഗ്യ പ്രശ്‌നങ്ങളും. 
കോയമ്പത്തൂര്‍: തൃശ്ശൂരിലെ ലുലു കണ്‍വെന്‍ഷന്‍ സെന്ററില്‍ വേള്‍പൂള്‍ ഒരുക്കിയ 14,400 ചതുരശ്രയടി വലിപ്പമുള്ള ഓണപ്പൂക്കളത്തിന് ചെലവായത് 12 ടണ്‍ പൂക്കള്‍. ചെലവ് 19 ലക്ഷത്തോളം രൂപയും. ഗിന്നസ് ബുക്ക് ലക്ഷ്യമിട്ട് കോഴിക്കോട്ട് ഒരുക്കിയ 17,662 ചതുരശ്ര അടി വലിപ്പമുള്ള സ്‌നേഹപ്പൂക്കളത്തിന് ചെലവ് 30 ലക്ഷം രൂപ. ഓണാഘോഷത്തിന്റെ ഭാഗമായി കേരളത്തില്‍ വിവിധ സംഘടനകളും സ്ഥാപനങ്ങളും നടത്തുന്ന പൂക്കളമത്സരം 20,000-ത്തിലേറെ.
അഹമ്മദാബാദ്: സ്വയംവരത്തെക്കുറിച്ച് പുരാണകഥകളില്‍ വായിച്ചറിഞ്ഞും പിന്നീട് റിയാലിറ്റി ഷോയില്‍ കണ്ടും അറിഞ്ഞവര്‍ക്ക് അഹമ്മദാബാദിലെ ഒരു ഗ്രാമത്തില്‍ നിന്നൊരു സ്വയംവര വാര്‍ത്ത. ഇവിടെ നടന്നത് റിയാലിറ്റി ഷോയല്ല റിയല്‍ സ്വയംവരമാണെന്ന് മാത്രം. ഭാനുമതി റാവല്‍ എന്ന 55 വയസുകാരി വിധവയാണ് തന്റെ ഗ്രാമത്തിലെ സമപ്രായക്കാരായ 36 പേരില്‍ നിന്ന് തന്റെ ജീവിതപങ്കാളിയെ കണ്ടെത്തിയത്. രാജേന്ദ്ര റാവല്‍ ആണ് ഭാനുമതിയുടെ പുതിയ തോഴന്‍. 
മുംബൈ: ക്രെഡിറ്റ് കാര്‍ഡ് രംഗത്തെ ആഗോള ഭീമന്മാരായ വിസ, മാസ്റ്റര്‍കാര്‍ഡ് എന്നിവയോട് മത്സരിക്കാന്‍ ഇന്ത്യന്‍ പേയ്‌മെന്റ് പ്രോസസിങ് പ്ലാറ്റ്‌ഫോം വരുന്നു. ഇന്ത്യാപേ എന്ന പേരിലുള്ള ഇത് രണ്ട് വര്‍ഷത്തിനുള്ളില്‍ രംഗത്തെത്തും. പൂര്‍ണമായും ഇന്ത്യന്‍ സാങ്കേതികതയില്‍ വികസിപ്പിക്കുന്ന ഇന്ത്യാപേ കാര്‍ഡിന് റിസര്‍വ് ബാങ്കിന്റെ പിന്തുണയുമുണ്ടാവും. നാഷണല്‍ പേയ്‌മെന്റ്‌സ് കോര്പ്പറേഷന് ഓഫ് ഇന്ത്യ (എന്‍പിസിഐ)യാണ് ഇത് വികസിപ്പിക്കുന്നത്. 
ദാംബുള്ള: വീരേന്ദര്‍ സെവാഗിന് സെഞ്ച്വറി നിഷേധിക്കുന്നതിനുവേണ്ടി മനപ്പൂര്‍വം നോബോള്‍ എറിഞ്ഞ സംഭവത്തില്‍ സുരാജ് രണ്ടീവിന് നിര്‍ദ്ദേശം നല്‍കിയത് ശ്രീലങ്കന്‍ ബാറ്റ്‌സ്മാന്‍ തിലകരത്‌നെ ദില്‍ഷനെന്ന് വെളിപ്പെടുത്തല്‍. കവര്‍ പോയിന്റില്‍ ഫീല്‍ഡു ചെയ്ത ദില്‍ഷനാണ് സിംഹള ഭാഷയില്‍ നിര്‍ദ്ദേശം നല്‍കിയതെന്ന് ശ്രീലങ്കന്‍ പത്രങ്ങള്‍ റിപ്പോര്‍ട്ടു ചെയ്തു. വേണമെങ്കില്‍ ഒരു നോബോള്‍ എറിഞ്ഞുകൊള്ളൂ എന്നായിരുന്നു നിര്‍ദ്ദേശം. ക്യാപ്ടന്‍ സംഗക്കാരയ്ക്ക് ഇതില്‍ പങ്കില്ലെന്നും പത്രങ്ങള്‍ റിപ്പോര്‍ട്ടു ചെയ്തു.
കോഴിക്കോട്: മലയാളികള്‍ക്ക് ഓണസമ്മാനമായി സെക്കന്‍ഡ് ബില്ലിങ് സൗകര്യത്തോടെ ആഗോള ഐ.ടി. കാര്‍ഡ് വിപണിയിലെത്തിച്ചതായി ബി.എസ്.എന്‍.എല്‍. ജനറല്‍ മാനേജര്‍ സി. സുനിത പത്രസമ്മേളനത്തില്‍ അറിയിച്ചു.
പാലും പാല്പായസവുമില്ലാതെ എന്ത് ഓണാഘോഷം? ഓണം കെങ്കേമമാക്കാന്‍ ഇക്കുറി അന്യ സംസ്ഥാനങ്ങളില്‍ നിന്ന് കേരളത്തിലേക്ക് എത്തുന്നത് 500 ഓളം പാല്‍ ടാങ്കറുകള്‍. പാല്‍ ക്ഷാമംമൂലം ഓണസദ്യക്ക് മങ്ങലേല്‍ക്കാതിരിക്കാന്‍ മില്‍മ തികഞ്ഞ ജാഗ്രതയിലാണെന്ന് ചെയര്‍മാന്‍ പി.ടി. ഗോപാലക്കുറുപ്പ്. കര്‍ണാടകത്തില്‍നിന്നും തമിഴ്‌നാട്ടില്‍നിന്നുമായി ഈ ദിവസങ്ങളില്‍ കേരളത്തിലേക്ക് കൊണ്ടുവരിക പ്രതിദിനം ആറുലക്ഷം ലിറ്റര്‍ പാലാണ്. ഒരു ടാങ്കര്‍ 15,000 ലിറ്റര്‍ പാലാണ് വഹിക്കുക. 
ന്യൂഡല്‍ഹി: ഏറെ നാളത്തെ അനിശ്ചിതത്വത്തിനൊടുവില്‍ മെസഞ്ചര്‍ സേവനങ്ങളിലേക്ക് പ്രവേശനം സാധ്യമാക്കണമെന്ന സര്‍ക്കാര്‍ ആവശ്യത്തോട് ബ്ലാക്‌ബെറി നിര്‍മാണ കമ്പനിയായ റിസര്‍ച്ച് ഇന്‍ മോഷന്‍ (റിം) വഴങ്ങി. ബ്ലാക്‌ബെറി വഴി കൈമാറുന്ന ഇ-മെയിലടക്കമുള്ള സന്ദേശങ്ങള്‍ നിരീക്ഷിക്കാനുള്ള സങ്കേതം സര്‍ക്കാരിന് നല്‍കുമെന്ന് കമ്പനി വൃത്തങ്ങള്‍ പറഞ്ഞു. 
കുവൈത്ത്: രാജ്യത്ത് ഒരു വര്‍ഷം പൂര്‍ത്തിയാക്കിയ, കുടുംബ-ആശ്രിത വിസ കൈവശമുള്ളവര്‍ക്ക് തൊഴില്‍ ലഭിച്ചാല്‍ വിസ മാറ്റിനല്‍കാന്‍ സര്‍ക്കാര്‍ തീരുമാനിച്ചു.
മുംബൈ: മുംബൈ ഭീകരാക്രമണത്തില്‍ ഭീകരര്‍ തകര്‍ത്ത താജ്മഹല്‍ ഹോട്ടലിലെ ഹെറിറ്റേജ് വിഭാഗം വ്യാഴാഴ്ച തുറന്നു. മാനേജ്‌മെന്‍റും ജീവനക്കാരും ഒത്തുകൂടിയ വികാരനിര്‍ഭരമായ ചടങ്ങില്‍ ചെയര്‍മാന്‍ രത്തന്‍ ടാറ്റ, വൈസ് ചെയര്‍മാന്‍ ആര്‍.കെ. കൃഷ്ണകുമാര്‍, മാനേജിങ് ഡയറക്ടര്‍ റെയ്മണ്ട് ബിക്‌സണ്‍ തുടങ്ങിയവര്‍ പങ്കെടുത്തു.
ലണ്ടന്‍: ലോകത്ത് ഇതുവരെ സൃഷ്ടിക്കപ്പെട്ടിട്ടുള്ളതില്‍ ഏറ്റവും ശക്തമായ വൈറസ് ഉപയോഗിച്ച് ബ്രിട്ടനില്‍ വന്‍ കവര്‍ച്ച. കമ്പ്യൂട്ടര്‍ ഹാക്കര്‍മാര്‍ ഏതാണ്ട് 3000 ബാങ്ക് അക്കൗണ്ടുകളില്‍ നുഴഞ്ഞു കയറി 6.75 ലക്ഷം പൗണ്ടാണ് കൊള്ളയടിച്ചത്. 
മുംബൈ: രാജ്യത്തെ ഏറ്റവും വലിയ ടെലികോം സേവനദാതാക്കളായ ഭാരതി എയര്‍ടെല്‍ വീണ്ടും വിദേശ ഏറ്റെടുക്കലിന്. ഇത്തവണ സീഷെല്‍സിലെ ഏറ്റവും വലിയ ടെലികോം കമ്പനിയായ ടെലികോം സീഷെല്‍സിനെയാണ് ഭാരതി സ്വന്തമാക്കുന്നത്. ഇതോടെ കമ്പനിയുടെ ആഫ്രിക്കയിലെ സാന്നിധ്യം കൂടുതല്‍ ശക്തിപ്പെടും. 
