vaarthavaathil

2012-01-29T07:22:00.001-08:00

സ്‌കൂള്‍ മേഖലയെ നിയന്ത്രിക്കാന്‍ പുതിയ കേന്ദ്രനിയമം

Posted on: 29 Jan 2012

എം.കെ. അജിത്കുമാര്‍

* സംഭാവനയും തലവരിയും പാടില്ല
* ചട്ടം ലംഘിച്ചാല്‍ മൂന്നുവര്‍ഷംവരെ തടവും അഞ്ചു ലക്ഷം രൂപ പിഴയും
* 50 ലക്ഷം രൂപവരെ സിവില്‍ നഷ്ടപരിഹാരത്തിനും വ്യവസ്ഥ

ന്യൂഡല്‍ഹി: സ്‌കൂള്‍ വിദ്യാഭ്യാസമേഖലയിലെ തട്ടിപ്പും ചട്ടങ്ങളുടെ ലംഘനവും തടയാന്‍ പുതിയ കേന്ദ്രനിയമം വരുന്നു. സ്വകാര്യ, അണ്‍-എയ്ഡഡ് സ്‌കൂളുകളുള്‍പ്പെടെ എല്ലാ പ്രൈമറി, സെക്കന്‍ഡറി, സീനിയര്‍ സെക്കന്‍ഡറി വിദ്യാഭ്യാസസ്ഥാപനങ്ങളും നിര്‍ദിഷ്ടനിയമത്തിന്റെ പരിധിയില്‍ വരും.

മാനവശേഷി മന്ത്രാലയത്തിനു കീഴിലുള്ള കേന്ദ്ര വിദ്യാഭ്യാസ ഉപദേശക ബോര്‍ഡിന്റെ (സി.എ.ബി.ഇ.) കീഴില്‍ ഇതിനായി രൂപവത്കരിച്ച പ്രത്യേക സമിതി കഴിഞ്ഞദിവസം ആദ്യയോഗം ചേര്‍ന്ന് നിയമനിര്‍മാണവുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്തു. മാനവശേഷി സഹമന്ത്രി പുരന്തേശ്വരി അധ്യക്ഷയായ സമിതിയില്‍ കര്‍ണാടകം, തമിഴ്‌നാട്, മഹാരാഷ്ട്ര, ഗുജറാത്ത്, പശ്ചിമ ബംഗാള്‍, മേഘാലയ എന്നിവിടങ്ങളിലെ വിദ്യാഭ്യാസമന്ത്രിമാരുള്‍പ്പെടെ 23 പേര്‍ അംഗങ്ങളാണ്. ഉന്നതവിദ്യാഭ്യാസ മേഖലയിലെ ദുഷ്പ്രവണതകള്‍ തടയാന്‍ ലക്ഷ്യമിടുന്ന ബില്‍ പാര്‍ലമെന്റില്‍ അവതരിപ്പിച്ചിട്ടുണ്ട്. അതുപോലെ സ്‌കൂള്‍ വിദ്യാഭ്യാസരംഗത്തെ കൊള്ളരുതായ്മകള്‍ പ്രത്യേക നിയമം വഴി തടയാനാണ് ഉദ്ദേശിക്കുന്നത്. വിദ്യാര്‍ഥികളുടെ പ്രവേശനത്തിന് പലവിധത്തില്‍ സംഭാവന കൈപ്പറ്റുക, ശമ്പളവും ആനുകൂല്യങ്ങളും നല്‍കാതെ അധ്യാപകരെ ചൂഷണം ചെയ്യുക, ഉയര്‍ന്ന ഫീസ് ഈടാക്കുക മുതലായവ നിയന്ത്രിക്കുകയാണ് ലക്ഷ്യം. രാജ്യത്തെ സ്‌കൂളുകളുടെ 38 ശതമാനം പ്രൈവറ്റ് എയ്ഡഡ്, അണ്‍ എയ്ഡഡ് മേഖലയിലാണ്.

സ്‌കൂളുകളെല്ലാം അവര്‍ നല്‍കുന്ന സേവനങ്ങളും പാലിക്കേണ്ട ചട്ടങ്ങളും അതുപോലുള്ള സംഗതികളും പ്രോസ്‌സ്‌പെക്ടസിലും വെബ്‌സൈറ്റുകളിലും നിയമപ്രകാരം പരസ്യപ്പെടുത്തുകയും സുതാര്യത ഉറപ്പുവരുത്തുകയും ചെയ്യുക എന്നതാണ് നിര്‍ദിഷ്ട നിയമത്തിന്റെ കാതല്‍. സ്വയം പ്രഖ്യാപിക്കുന്ന ചട്ടങ്ങള്‍ ലംഘിച്ചാല്‍ അതിന് ശിക്ഷയും നഷ്ടപരിഹാരവും ഉറപ്പാക്കും. അതേസമയം, ഉദ്യോഗസ്ഥരുടെ അനാവശ്യ ഇടപെടല്‍ ഒഴിവാക്കാനും അധികാരദുരുപയോഗം തടയാനും നിയമത്തില്‍ വ്യവസ്ഥയുണ്ടാക്കും. ചട്ടങ്ങള്‍ ലംഘിച്ചാല്‍ സിവില്‍ നഷ്ടപരിഹാരം നല്‍കേണ്ടിവരും. ഇതിനുപുറമേ ക്രിമിനല്‍ നടപടി നേരിടുകയും വേണം. കുറ്റത്തിന്റെ സ്വഭാവമനുസരിച്ച് പരമാവധി 50 ലക്ഷം രൂപവരെ സിവില്‍ നഷ്ടപരിഹാരമായി ഈടാക്കണമെന്ന നിര്‍ദേശം സി.എ.ബി.ഇ.യുടെ പ്രത്യേക സമിതി യോഗത്തില്‍ ഉയര്‍ന്നുവന്നു. സിവില്‍ നഷ്ടപരിഹാരം നല്‍കുന്ന കാര്യം തീരുമാനിക്കാന്‍ സംസ്ഥാന വിദ്യാഭ്യാസ ട്രൈബ്യൂണലുകള്‍ സ്ഥാപിക്കും.

ക്രിമിനല്‍ പ്രോസിക്യൂഷനുശേഷം ഒരുമാസം മുതല്‍ മൂന്നുവര്‍ഷം വരെ തടവുശിക്ഷയും 50,000 രൂപ മുതല്‍ അഞ്ചുലക്ഷം രൂപ വരെയുള്ള പിഴയുമാണ് പരിഗണനയിലുള്ളത്. സ്‌കൂള്‍ മാനേജുമെന്റുകള്‍ക്കെതിരായ കുറ്റങ്ങള്‍ മെട്രോപൊളിറ്റന്‍ മജിസ്‌ട്രേട്ടോ ജുഡീഷ്യല്‍ ഒന്നാംക്ലാസ് മജിസ്‌ട്രേട്ടോ ആണ് പരിഗണിക്കേണ്ടത്. തലവരിയോ സംഭാവനയോ ആവശ്യപ്പെടുന്ന കേസുകളില്‍ പോലീസിന് കോടതിയുടെ വാറന്റ് ഇല്ലാതെ തന്നെ കുറ്റക്കാരെ അറസ്റ്റ് ചെയ്യാം. തലവരി വാങ്ങലിന് ഇരയാവുന്ന രക്ഷിതാവിന് ക്രിമിനല്‍ക്കോടതിയെ നേരിട്ട് സമീപിക്കാം. സംഭാവന, തലവരി ഒഴികെയുള്ള കുറ്റങ്ങളുടെ കാര്യത്തില്‍, കേന്ദ്രമോ സംസ്ഥാന സര്‍ക്കാറുകളോ മറ്റ് അധികാരികളോ കൊടുക്കുന്ന പരാതിയുടെ അടിസ്ഥാനത്തില്‍ മാത്രമേ കോടതിക്ക് തുടര്‍നടപടി സ്വീകരിക്കാന്‍ സാധിക്കൂ.
ദേശീയ വിദ്യാഭ്യാസനയവും സുപ്രീംകോടതിയുടെ ഉത്തരവുകളും മറ്റും നിലവിലുണ്ടെങ്കിലും സ്വകാര്യ മാനേജ്‌മെന്റുകള്‍ ക്രമവിരുദ്ധമായ നടപടികള്‍ കൈക്കൊള്ളുന്നതായി സമിതി വിലയിരുത്തി. സി.ബി.എസ്.ഇ.യുടെ അംഗീകാരം ലഭിക്കുന്ന സ്‌കൂളുകള്‍ 'അഫിലിയേഷന്‍ ബൈലോസ്' പാലിക്കണമെന്നാണ് വ്യവസ്ഥ. പക്ഷേ, ഭൂരിഭാഗം സ്‌കൂളുകളും അവ ലംഘിക്കുകയാണ്. അംഗീകാരം പിന്‍വലിക്കുക മാത്രമാണ് ഇതിനുള്ള പ്രതിവിധിയെങ്കിലും അത് വിദ്യാര്‍ഥികളുടെ ഭാവിയെ ബാധിക്കും. സി.ബി.എസ്.ഇ. ചട്ടങ്ങളുടെ ലംഘനം സംസ്ഥാന സര്‍ക്കാറുകള്‍ പരിശോധിക്കുന്നത് അധികാരപ്രശ്‌നങ്ങള്‍ക്ക് ഇടയാവുകയും ചെയ്യുന്നുണ്ട്. ഈ പശ്ചാത്തലമെല്ലാം കണക്കിലെടുത്താണ് പുതിയ നിയമം ഉണ്ടാക്കുന്നത്.

Android- Malayalam

2011-12-27T21:09:00.001-08:00

ആൻഡ്രോയ്ഡിൽ മലയാളം വായിക്കാൻ

December 27, 2011 by Akhilan | 0 comments

ഇന്ന് സ്മാർട്ട്ഫോണുകളുടെ കാലമാണല്ലോ. അവർക്കിടയിൽ പ്രമുഖനാണ് ആൻഡ്രോയ്ഡ്. 2011 മൂന്നാം പാദത്തിലെ കണക്കനുസരിച്ച് ഇന്ത്യയിൽ ഏറ്റവുമധികം വിൽക്കപ്പെടുന്ന സ്മാർട്ട്ഫോണായി ആൻഡ്രോയ്ഡ് മാറിക്കഴിഞ്ഞു. എന്നിരുന്നാലും ഇന്ത്യൻ ഭാഷകളിൽ സ്വതേയുള്ള ആൻഡ്രോയ്ഡ് പിന്തുണ തുലോം തുച്ഛമാണ്. എന്നാൽ ഈ പോരായ്മത ചില്ലറ വഴികളിലൂടെ പരിഹരിക്കാവുന്നതാണ്.

ആൻഡ്രോയ്ഡ് ആപ്ലിക്കേഷനുകളെല്ലാം ഏ. പി. കെ. ഫയൽ ഫോർമാറ്റിലുള്ളതാണ് (ആൻഡ്രോയ്ഡ് ആപ്ലിക്കേഷൻ പാക്കേജ്). കംപ്യൂട്ടറുകളിൽ മലയാളം പിന്തുണയ്ക്കാത്തപ്പോൾ മലയാളം യുണീക്കോഡ് അക്ഷരശൈലി(ഫോണ്ട്) സന്നിവേശിപ്പിച്ച് (ട്രൂറ്റൈപ്പ്- ടി. ടി. എഫ്, ഓപ്പൺടൈപ്പ് - ഓ. ടി. എഫ്.) നമ്മൾ പ്രശ്നം പരിഹരിക്കുന്നത് പോലെ ആൻഡ്രോയ്ഡിലും യുണീക്കോഡ് ഏ. പി. കെ ഫോണ്ട് സന്നിവേശിപ്പിച്ച് ഈ പ്രശ്നം പരിഹരിക്കാവുന്നതാണ്. താഴെ മലയാളം പിന്തുണയ്ക്കുന്ന കുറേ ഏ. പി. കെ. ഫോണ്ടുകൾ ലഭ്യമാക്കിയിട്ടുണ്ട്. ഫ്ലിപ്പ്ഫ്ലോപ്പ് വ്യവസ്ഥയിൽ പ്രവർത്തിക്കുന്ന ഇവ ആൻഡ്രോയ്ഡ് മാർക്കറ്റിൽ നിന്നും നേരിട്ട് ഡൗൺലോഡ് ചെയ്യുകയല്ലാത്തതിനാൽ ആദ്യമേ തന്നെ നോൺ മാർക്കറ്റ് ആപ്ലിക്കേഷനുകൾ ഇനേബിൾ ചെയ്യുക( സെറ്റിങ്ങ്സ് > ആപ്ലിക്കേഷൻസ് > അൺനോൺ സോഴ്സസ് എന്നത് ചെക്ക് ചെയ്യുക)

ഫ്ലിപ്പ്‌ഫോണ്ട് പിന്തുണയ്ക്കുന്ന എല്ലാ ഡിവൈസുകളിലും ഇത് ഉപയോഗിക്കാവുന്നതാണ് (പ്രധാനമായും സംസങ്ങ് ഗാലക്സി സീരീസ്.) അല്ലാത്ത പക്ഷം ഡിവൈസ് റൂട്ട് ചെയ്യേണ്ടി വന്നേക്കാം. ഫോണ്ട് സന്നിവേശിപ്പിക്കുന്നതിനായി താഴെപ്പറയുന്ന വഴികൾ പിന്തുടരുക.

പടി 1:

താഴെ നൽകിയിരിക്കുന്നതിൽ നിന്നും ഫോണ്ടുകൾ ഡിവൈസിലേക്ക് ഡൗൺലോഡ് ചെയ്യുക. (കമ്പ്യൂട്ടറിൽ ഡൗൺലോഡ് ചെയ്തതിന് ശേഷം എസ്. ഡി. കാർഡിലേക്ക് മാറ്റിയാലും മതിയാകും.)

അക്ഷർ യുണീക്കോഡ്

അഞ്ജലി ഓൾഡ് ലിപി

ദ്യുതി

കാർത്തിക

രചന

രഘു മലയാളം

പടി 2:

ഡൗൺലോഡ് ലൊക്കേഷനിലെത്തി അവശ്യമായ ഫോണ്ടുകൾ ഡിവൈസിൽ സന്നിവേശിപ്പിക്കുക.

ഇതിനായി ഫോണ്ടുകൾ സെലക്ട് ചെയ്ത് തുടർന്നുള്ള ലളിതമായ സ്റ്റെപ്പുകൾ പിന്തുടർന്നാൽ മതിയാകും

പടി 3:

ആപ്ലിക്കേഷൻ ഇൻസ്റ്റാളായതിനു ശേഷം ഫോണ്ട് സെറ്റിങ്ങ്സ് മെനുവിലെത്തുക. ഇതിനായി സെറ്റിങ്ങ്സ് > ഡിസ്പ്ലൈ > ഫോണ്ട് സ്റ്റൈൽ എന്ന പാത പിന്തൂടരുക.

പടി 4:

ഇതുവരെയുള്ള പ്രകൃയകളെല്ലാം കൃത്യമായി നടന്നുവെങ്കിൽ സന്നിവേശിപ്പിച്ച പുതിയ ഫോണ്ട് അവിടെ കാണും. ‘ഡീഫോൾട്ട്’ എന്നതിലാവും സ്വതേ സെലക്ഷൻ കിടക്കുന്നത്. ഇത് മാറ്റി പുതിയ ഫോണ്ട് സെലക്ട് ചെയ്ത് ഓ.കെ. നൽകുക.

പടി 5:

ഡിവൈസ് ഒന്ന് റീസ്റ്റാർട്ട് ചെയ്യുക. ഇപ്പോൾ ഡിവൈസിൽ മലയാളം ഫോണ്ടുകളും റെന്റർ ചെയ്യുന്നത് കാണാം.

ഫോണ്ടുകൾ നീക്കം ചെയ്യാൻ: :

സാധാരണ ഒരു ആൻഡ്രോയ്ഡ് ആപ്ലിക്കേഷൻ ഡിവൈസിൽ നിന്നും നീക്കം ചെയ്യുന്നതിനു സമാനമായി ഈ ഫോണ്ടുകളും നീക്കം ചെയ്യാവുന്നതാണ്.

ഇതിനായി സെറ്റിങ്ങ്സ് > ആപ്ലിക്കേഷൻ > മാനേജ് ആപ്ലിക്കേഷൻ എന്ന വഴിയിലെത്തി അവശ്യമായ ഫോണ്ട് നീക്കം ചെയ്യാവുന്നതാണ്.

പ്രശ്നങ്ങൾ :

ആൻഡ്രോയ്ഡ് ഫ്രാഗ്‌മെന്റേഷനെ തുടർന്ന് ചില ഡിവൈസുകളിൽ ചില ഫോണ്ടുകൾ ഓടാറില്ല. അതേ പോലെ ചില ഡിവൈസുകളിൽ കൂട്ടക്ഷരങ്ങൾ അതിന്റെ ബീജാക്ഷരങ്ങളായാവും കാണുക.

പിൻകുറിപ്പ് :

ആൻഡ്രോയ്ഡ് 2.2 (ഫ്രോയോ) അധിഷ്ഠിതമായി പ്രവർത്തിക്കുന്ന സാംസങ്ങ് GT-S5570 (ഗാലക്സി പോപ്പ്) അടിസ്ഥാനമാക്കിയുള്ള വിവരണവും ചിത്രങ്ങളുമാണ് നൽകിയിരിക്കുന്നത്. ചില ഡിവൈസുകളിൽ ഇതിൽ നിന്നും ചില്ലറ വ്യത്യാസങ്ങൾ കണ്ടേക്കും. അവിടെയെടുക്കേണ്ട തീരുമാനങ്ങൾ നിങ്ങളുടെ മനോധർമ്മത്തിനു വിടുന്നു.
മുകളിൽ തന്നിരിക്കുന്ന ഫോണ്ടുകളിൽ ‘അക്ഷർ യുണീക്കോഡാണ്’ ഞാൻ വ്യക്തിപരമായി ശുപാർശ ചെയ്യുന്നത്. കാരണം, മലയാളത്തിനൊപ്പം ഇംഗ്ലീഷും ഡിസ്പ്ലൈ ചെയ്യണമല്ലോ. അക്ഷർ, ആൻഡ്രോയ്ഡിലെ സ്വതേയുള്ള അക്ഷരശൈലിയുമായി വളരെയധികം സാമ്യം പുലർത്തുന്നു. ഒപ്പം ഒട്ടു മിക്ക ഇൻഡിക് ഭാഷകളേയും പിന്തുണയ്ക്കുന്നുമുണ്ട്.

സൗഹൃദ കൂട്ടായ്മയില്‍ ബ്ളോഗര്‍മാര്‍; കണക്ക് പാല്‍പായസമാക്കി മാത്സ് ബ്ളോഗ്

2011-09-12T10:37:00.000-07:00

കണ്ണൂര്‍: കണക്കിനെക്കൊണ്ടു ഞാന്‍ തോറ്റു എന്നു പറഞ്ഞു പിന്മാറാതെ കണക്കിന്‍െറ കൈപിടിച്ചു മുന്നേറുന്നവരുടെ എണ്ണമേറുന്നു. വെറുതെ പറയുന്നതല്ല, ബ്ളോഗര്‍മാരുടെ ഇടയിലേക്കു കടന്നാലറിയാം എന്താണു കാരണമെന്ന്. ഭീകരരൂപിയായ കണക്കിന്‍െറ പല്ലും നഖവും പറിച്ചെടുത്ത് കൊച്ചു പൂച്ചക്കുട്ടിയായി കൂടെ നടത്തുന്നത് മാത്സ് ബ്ളോഗാണ്. കണക്കിനെ ജനപ്രിയ വിഷയമാക്കി മുന്നേറുന്ന മാത്സ് ബ്ളോഗ് സന്ദര്‍ശിച്ചവരുടെ എണ്ണം ഇതുവരെ 34 ലക്ഷം കവിഞ്ഞു.
‘കണക്കിനെ പേടിക്കുകയേ വേണ്ട, പാല്‍പായസം പോലെ പകര്‍ന്നു നല്‍കേണ്ട ഒന്നാണത്...’ ബ്ളോഗിന്‍െറ ലളിതമായ വിജയ രഹസ്യം അതിന്‍െറ പ്രവര്‍ത്തകരിലൊരാളായ ജനാര്‍ദനന്‍ മാഷ് വെളിപ്പെടുത്തിയപ്പോള്‍ കണ്ണൂര്‍ ജവഹര്‍ ലൈബ്രറി ഹാളില്‍ നടന്ന സൈബര്‍ മീറ്റില്‍ നിറഞ്ഞ കൈയടികളുയര്‍ന്നു.
തുടക്കത്തില്‍ ഹൈസ്കൂള്‍ വിദ്യാര്‍ഥികള്‍ക്ക് ഗണിതം ലളിതമാക്കുക എന്നതായിരുന്നു ബ്ളോഗിന്‍െറ പ്രധാന ലക്ഷ്യം. എന്നാല്‍, വിദ്യാര്‍ഥികള്‍ മാത്രമല്ല, അധ്യാപകരും പൊതു സമൂഹവും ബ്ളോഗിനെ സഹര്‍ഷം വരവേറ്റു. അതോടെ കണക്കിനപ്പുറത്തേക്ക് മാത്സ് ബ്ളോഗിന്‍െറ അതിരുകള്‍ വികസിച്ചു. ചരിത്രവും ഐ.ടിയും ബ്ളോഗിലെ വിഭവങ്ങളായി. വിദ്യാഭ്യാസ രംഗത്തെ പുതുചലനങ്ങള്‍ ഒരോന്നും ബ്ളോഗ് സന്ദര്‍ശിച്ചാല്‍ മനസിലാക്കാന്‍ സാധിക്കും. ഇതു കൂടാതെ ഗവണ്‍മെന്‍റ് ഓര്‍ഡറുകള്‍, സര്‍ക്കുലറുകര്‍, ടൈംടേബിളുകള്‍ എന്നിവ ഡൗണ്‍ലോഡ് ചെയ്യാനുള്ള സൗകര്യവുമുണ്ട്. ശരാശരി 15000 പേര്‍ ദിനംപ്രതി ബ്ളോഗ് സന്ദര്‍ശിക്കുന്നുണ്ട്. എറണാകുളം ജില്ലയിലെ എടവനക്കാട്ടെ എച്ച്.ഐ.എച്ച്.എസ്.എസിലെ അധ്യാപകന്‍ വി. കെ. നിസാറും എസ്.ഡി.പി.വൈ. കെ.പി.എം.എച്ച്.എസിലെ കെ.ജി. ഹരികുമാറുമാണ് ബ്ളോഗ് തുടങ്ങിയത്. ഇപ്പോള്‍ സംസ്ഥാനത്തിന്‍െറ വിവിധ ഭാഗങ്ങളില്‍ നിന്നായി 16 പേരോളം ബ്ളോഗിന്‍െറ പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്നു. സൈബര്‍ലോകത്തിരുന്ന് കഥ പറഞ്ഞും കവിതയെഴുതിയും കൂട്ടുകാരായവരെല്ലാം ജവഹര്‍ ലൈബ്രറിയില്‍ നടന്ന ബ്ളോഗര്‍മാരുടെ കൂട്ടായ്മയില്‍ പങ്കെടുക്കാനെത്തി.
ഇന്‍റര്‍നെറ്റിലൂടെ പരിചിതരാണെന്നങ്കിലും പലരും നേരിട്ടു കാണുന്നത് ആദ്യമായിട്ടായിരുന്നു. കണ്ണൂര്‍ ജില്ലയിലെ ബ്ളോഗ് എഴുത്തുകാരാണ് കൂട്ടായ്മക്ക് നേതൃത്വം നല്‍കിയത്. കെ.പി. സുകുമാരന്‍, ശാന്താ കാവുമ്പായി, മുരളീമുകുന്ദന്‍, ജെ.എസ്. ബ്രൈറ്റ്, നൗഷാദ് അകമ്പാടം, ശരീഫ് കൊട്ടാരക്കര,ചിന്നമ്മ ടീച്ചര്‍, ടി. അനില്‍ കുമാര്‍, ബിജു കോട്ടിയ, ബിന്‍സി തുടങ്ങിയ സൈബര്‍ എഴുത്തുകാരടക്കം സംസ്ഥാനത്തിന്‍െറ വിവിധ ഭാഗങ്ങളില്‍നിന്നായി എഴുപതോളം പേര്‍ മീറ്റില്‍ പങ്കെടുത്തു.

വയലാ വാസുദേവന്‍പിള്ള അന്തരിച്ചു

2011-08-29T05:51:00.000-07:00

കൊച്ചി: മലയാള നാടകപ്രസ്ഥാനത്തിന്റെ വളര്‍ച്ചയ്ക്ക് മികച്ച സംഭാവനകള്‍ നല്‍കിയ ഡോ.വയലാ വാസുദേവന്‍പിള്ള അന്തരിച്ചു. എറണാകുളത്ത് ഒരു സ്വകാര്യ ആസ്പത്രിയിലായിരുന്നു അന്ത്യം. രോഗബാധിതനായി കുറച്ചുനാളായി ചികിത്സയിലായിരുന്നു അദ്ദേഹം. നാടകരംഗത്തെ സമഗ്രസംഭാവനയ്ക്കുള്ള നിരവധി ബഹുമതികള്‍ നേടിയിട്ടുള്ള വയലാ സ്‌കൂള്‍ ഓഫ് ഡ്രാമ ഡയറക്ടറായിരുന്നു.

കേന്ദ്ര സംഗീത നാടക അക്കാദമി പുരസ്‌കാരം, സംസ്ഥാന സംഗീത നാടക അക്കാദമി പുരസ്‌കാരം എന്നിവയും നേടിയിട്ടുണ്ട്. കേരള യൂണിവേഴ്‌സിറ്റിയുടെ കീഴിലുള്ള സെന്റര്‍ ഫോര്‍ പെര്‍ഫോമിങ് ആന്റ് വിഷ്വല്‍ ആര്‍ട്‌സ് ഡയറക്ടറുമായിരുന്നു. സംസ്‌കാരം ചൊവ്വാഴ്ച്ച സംസ്ഥാന ഔദ്യോഗിക ബഹുമതികളോടെ ചെറുതുരുത്തിയില്‍ നടക്കും. തൃശൂര്‍ അയ്യന്തോളിലായിരുന്നു താമസിച്ചിരുന്നത്. മൃതദേഹം ചൊവ്വാഴ്ച്ച രാവിലെ സംഗീത നാടക അക്കാദമി ഹാളില്‍ പൊതുദര്‍ശനത്തിന് വെച്ച ശേഷമാകും സംസ്‌കാരം നടക്കുക.

ജി.ശങ്കരപ്പിള്ളയുടെ ശിഷ്യനായി നാടകരംഗത്തേക്ക് കടന്നുവന്ന വയലാ തനത് നാടകസങ്കല്‍പ്പങ്ങളേയും വിശ്വോത്തര നാടകധാരകളേയും ഒരുപോലെ സ്വാംശീകരിച്ച വ്യക്തിയായിരുന്നു. യൂറോപ്യന്‍ നാടകങ്ങളെക്കുറിച്ചും രംഗവേദിയെക്കുറിച്ചും നിരവധി പുസ്തകങ്ങള്‍ എഴുതുകയും നിരന്തരം പ്രഭാഷണങ്ങള്‍ നടത്തുകയും ചെയ്തു അദ്ദേഹം. ഏറെ കാലമായി നാടകവുമായി ബന്ധപ്പെട്ട് അക്കാദമിക് രംഗത്താണ് ഡോ.വയലാ വാസുദേവന്‍പിള്ളയുടെ പ്രവര്‍ത്തനം.

നാടക കളരികളിലൂടെ സജീവമായ ശേഷം 1984 ലാണ് സ്‌കൂള്‍ ഓഫ് ഡ്രാമയില്‍ അസോസിയേറ്റ് ഡയറക്ടറായി ചുമതലയേല്‍ക്കുന്നത്. തിരുവനന്തപുരം മാര്‍ ഇവോനിയോസ് കോളേജില്‍ ഇംഗ്ലീഷ് പ്രൊഫസറായും സേവനമനുഷ്ഠിച്ചു. പിന്നീട് 1990 ല്‍ റോം യൂണിവേഴ്‌സിറ്റിയില്‍ ഒരു വര്‍ഷം നാടകപഠനത്തിനായി പോയി. ന്യൂയോര്‍ക്ക് യൂണിവേഴ്‌സിറ്റിയില്‍ ഫുള്‍ബ്രൈറ്റ് സ്‌കോളര്‍ഷിപ്പോടെ പോസ്റ്റ് ഡോക്ട്രല്‍ ഫെലോഷിപ്പും നേടിയിട്ടുണ്ട്.

വിശ്വദര്‍ശനം, തുളസീവരം, രംഗഭാഷ, അഗ്നി, വരവേല്‍പ്പ്, കുചേലഗാഥ, സൂത്രധാരാ ഇതിലെ ഇതിലേ, കുഞ്ഞിച്ചിറകുകള്‍, സ്വര്‍ണക്കൊക്കുകള്‍ തുടങ്ങിയ പുസ്തകങ്ങളും രചിച്ചിട്ടുണ്ട്. മൂന്ന് ദേശീയ പുരസ്‌കാരങ്ങളും ഒമ്പത് സംസ്ഥാന പുരസ്‌കാരങ്ങളും നേടി. ടോക്കിയോവിലെ മെയ്ജി സര്‍വകലാശാലയില്‍ വിസിറ്റിങ് പ്രൊഫസറായിരുന്നു.

കടപ്പാട് : മാതൃഭൂമി

colour code

2011-07-24T10:05:00.001-07:00

Major hexadecimal color codes

Color	Color Code	Color	Color Code
Red	#FF0000	White	#FFFFFF
Turquoise	#00FFFF	Light Grey	#C0C0C0
Light Blue	#0000FF	Dark Grey	#808080
Dark Blue	#0000A0	Black	#000000
Light Purple	#FF0080	Orange	#FF8040
Dark Purple	#800080	Brown	#804000
Yellow	#FFFF00	Burgundy	#800000
Pastel Green	#00FF00	Forest Green	#808000
Pink	#FF00FF	Grass Green	#408080

Color code chart
Use our HTML color picker if you need to choose from an almost infinite variety of colors. Also, if you like a color scheme of a web page view Tip142 for a fantastic tool that can be used to gather that page's color codes.

COLOR NAME	CODE	COLOR
Black	#000000	Black
Gray0	#150517	Gray0
Gray18	#250517	Gray18
Gray21	#2B1B17	Gray21
Gray23	#302217	Gray23
Gray24	#302226	Gray24
Gray25	#342826	Gray25
Gray26	#34282C	Gray26
Gray27	#382D2C	Gray27
Gray28	#3b3131	Gray28
Gray29	#3E3535	Gray29
Gray30	#413839	Gray30
Gray31	#41383C	Gray31
Gray32	#463E3F	Gray32
Gray34	#4A4344	Gray34
Gray35	#4C4646	Gray35
Gray36	#4E4848	Gray36
Gray37	#504A4B	Gray37
Gray38	#544E4F	Gray38
Gray39	#565051	Gray39
Gray40	#595454	Gray40
Gray41	#5C5858	Gray41
Gray42	#5F5A59	Gray42
Gray43	#625D5D	Gray43
Gray44	#646060	Gray44
Gray45	#666362	Gray45
Gray46	#696565	Gray46
Gray47	#6D6968	Gray47
Gray48	#6E6A6B	Gray48
Gray49	#726E6D	Gray49
Gray50	#747170	Gray50
Gray	#736F6E	Gray
Slate Gray4	#616D7E	Slate Gray4
Slate Gray	#657383	Slate Gray
Light Steel Blue4	#646D7E	Light Steel Blue4
Light Slate Gray	#6D7B8D	Light Slate Gray
Cadet Blue4	#4C787E	Cadet Blue4
Dark Slate Gray4	#4C7D7E	Dark Slate Gray4
Thistle4	#806D7E	Thistle4
Medium Slate Blue	#5E5A80	Medium Slate Blue
Medium Purple4	#4E387E	Medium Purple4
Midnight Blue	#151B54	Midnight Blue
Dark Slate Blue	#2B3856	Dark Slate Blue
Dark Slate Gray	#25383C	Dark Slate Gray
Dim Gray	#463E41	Dim Gray
Cornflower Blue	#151B8D	Cornflower Blue
Royal Blue4	#15317E	Royal Blue4
Slate Blue4	#342D7E	Slate Blue4
Royal Blue	#2B60DE	Royal Blue
Royal Blue1	#306EFF	Royal Blue1
Royal Blue2	#2B65EC	Royal Blue2
Royal Blue3	#2554C7	Royal Blue3
Deep Sky Blue	#3BB9FF	Deep Sky Blue
Deep Sky Blue2	#38ACEC	Deep Sky Blue2
Slate Blue	#357EC7	Slate Blue
Deep Sky Blue3	#3090C7	Deep Sky Blue3
Deep Sky Blue4	#25587E	Deep Sky Blue4
Dodger Blue	#1589FF	Dodger Blue
Dodger Blue2	#157DEC	Dodger Blue2
Dodger Blue3	#1569C7	Dodger Blue3
Dodger Blue4	#153E7E	Dodger Blue4
Steel Blue4	#2B547E	Steel Blue4
Steel Blue	#4863A0	Steel Blue
Slate Blue2	#6960EC	Slate Blue2
Violet	#8D38C9	Violet
Medium Purple3	#7A5DC7	Medium Purple3
Medium Purple	#8467D7	Medium Purple
Medium Purple2	#9172EC	Medium Purple2
Medium Purple1	#9E7BFF	Medium Purple1
Light Steel Blue	#728FCE	Light Steel Blue
Steel Blue3	#488AC7	Steel Blue3
Steel Blue2	#56A5EC	Steel Blue2
Steel Blue1	#5CB3FF	Steel Blue1
Sky Blue3	#659EC7	Sky Blue3
Sky Blue4	#41627E	Sky Blue4
Slate Blue	#737CA1	Slate Blue
Slate Blue	#737CA1	Slate Blue
Slate Gray3	#98AFC7	Slate Gray3
Violet Red	#F6358A	Violet Red
Violet Red1	#F6358A	Violet Red1
Violet Red2	#E4317F	Violet Red2
Deep Pink	#F52887	Deep Pink
Deep Pink2	#E4287C	Deep Pink2
Deep Pink3	#C12267	Deep Pink3
Deep Pink4	#7D053F	Deep Pink4
Medium Violet Red	#CA226B	Medium Violet Red
Violet Red3	#C12869	Violet Red3
Firebrick	#800517	Firebrick
Violet Red4	#7D0541	Violet Red4
Maroon4	#7D0552	Maroon4
Maroon	#810541	Maroon
Maroon3	#C12283	Maroon3
Maroon2	#E3319D	Maroon2
Maroon1	#F535AA	Maroon1
Magenta	#FF00FF	Magenta
Magenta1	#F433FF	Magenta1
Magenta2	#E238EC	Magenta2
Magenta3	#C031C7	Magenta3
Medium Orchid	#B048B5	Medium Orchid
Medium Orchid1	#D462FF	Medium Orchid1
Medium Orchid2	#C45AEC	Medium Orchid2
Medium Orchid3	#A74AC7	Medium Orchid3
Medium Orchid4	#6A287E	Medium Orchid4
Purple	#8E35EF	Purple
Purple1	#893BFF	Purple1
Purple2	#7F38EC	Purple2
Purple3	#6C2DC7	Purple3
Purple4	#461B7E	Purple4
Dark Orchid4	#571B7e	Dark Orchid4
Dark Orchid	#7D1B7E	Dark Orchid
Dark Violet	#842DCE	Dark Violet
Dark Orchid3	#8B31C7	Dark Orchid3
Dark Orchid2	#A23BEC	Dark Orchid2
Dark Orchid1	#B041FF	Dark Orchid1
Plum4	#7E587E	Plum4
Pale Violet Red	#D16587	Pale Violet Red
Pale Violet Red1	#F778A1	Pale Violet Red1
Pale Violet Red2	#E56E94	Pale Violet Red2
Pale Violet Red3	#C25A7C	Pale Violet Red3
Pale Violet Red4	#7E354D	Pale Violet Red4
Plum	#B93B8F	Plum
Plum1	#F9B7FF	Plum1
Plum2	#E6A9EC	Plum2
Plum3	#C38EC7	Plum3
Thistle	#D2B9D3	Thistle
Thistle3	#C6AEC7	Thistle3
Lavender Blush2	#EBDDE2	Lavender Blush2
Lavender Blush3	#C8BBBE	Lavender Blush3
Thistle2	#E9CFEC	Thistle2
Thistle1	#FCDFFF	Thistle1
Lavender	#E3E4FA	Lavender
Lavender Blush	#FDEEF4	Lavender Blush
Light Steel Blue1	#C6DEFF	Light Steel Blue1
Light Blue	#ADDFFF	Light Blue
Light Blue1	#BDEDFF	Light Blue1
Light Cyan	#E0FFFF	Light Cyan
Slate Gray1	#C2DFFF	Slate Gray1
Slate Gray2	#B4CFEC	Slate Gray2
Light Steel Blue2	#B7CEEC	Light Steel Blue2
Turquoise1	#52F3FF	Turquoise1
Cyan	#00FFFF	Cyan
Cyan1	#57FEFF	Cyan1
Cyan2	#50EBEC	Cyan2
Turquoise2	#4EE2EC	Turquoise2
Medium Turquoise	#48CCCD	Medium Turquoise
Turquoise	#43C6DB	Turquoise
Dark Slate Gray1	#9AFEFF	Dark Slate Gray1
Dark Slate Gray2	#8EEBEC	Dark slate Gray2
Dark Slate Gray3	#78c7c7	Dark Slate Gray3
Cyan3	#46C7C7	Cyan3
Turquoise3	#43BFC7	Turquoise3
Cadet Blue3	#77BFC7	Cadet Blue3
Pale Turquoise3	#92C7C7	Pale Turquoise3
Light Blue2	#AFDCEC	Light Blue2
Dark Turquoise	#3B9C9C	Dark Turquoise
Cyan4	#307D7E	Cyan4
Light Sea Green	#3EA99F	Light Sea Green
Light Sky Blue	#82CAFA	Light Sky Blue
Light Sky Blue2	#A0CFEC	Light Sky Blue2
Light Sky Blue3	#87AFC7	Light Sky Blue3
Sky Blue	#82CAFF	Sky Blue
Sky Blue2	#79BAEC	Sky Blue2
Light Sky Blue4	#566D7E	Light Sky Blue4
Sky Blue	#6698FF	Sky Blue
Light Slate Blue	#736AFF	Light Slate Blue
Light Cyan2	#CFECEC	Light Cyan2
Light Cyan3	#AFC7C7	Light Cyan3
Light Cyan4	#717D7D	Light Cyan4
Light Blue3	#95B9C7	Light Blue3
Light Blue4	#5E767E	Light Blue4
Pale Turquoise4	#5E7D7E	Pale Turquoise4
Dark Sea Green4	#617C58	Dark Sea Green4
Medium Aquamarine	#348781	Medium Aquamarine
Medium Sea Green	#306754	Medium Sea Green
Sea Green	#4E8975	Sea Green
Dark Green	#254117	Dark Green
Sea Green4	#387C44	Sea Green4
Forest Green	#4E9258	Forest Green
Medium Forest Green	#347235	Medium Forest Green
Spring Green4	#347C2C	Spring Green4
Dark Olive Green4	#667C26	Dark Olive Green4
Chartreuse4	#437C17	Chartreuse4
Green4	#347C17	Green4
Medium Spring Green	#348017	Medium Spring Green
Spring Green	#4AA02C	Spring Green
Lime Green	#41A317	Lime Green
Spring Green	#4AA02C	Spring Green
Dark Sea Green	#8BB381	Dark Sea Green
Dark Sea Green3	#99C68E	Dark Sea Green3
Green3	#4CC417	Green3
Chartreuse3	#6CC417	Chartreuse3
Yellow Green	#52D017	Yellow Green
Spring Green3	#4CC552	Spring Green3
Sea Green3	#54C571	Sea Green3
Spring Green2	#57E964	Spring Green2
Spring Green1	#5EFB6E	Spring Green1
Sea Green2	#64E986	Sea Green2
Sea Green1	#6AFB92	Sea Green1
Dark Sea Green2	#B5EAAA	Dark Sea Green2
Dark Sea Green1	#C3FDB8	Dark Sea Green1
Green	#00FF00	Green
Lawn Green	#87F717	Lawn Green
Green1	#5FFB17	Green1
Green2	#59E817	Green2
Chartreuse2	#7FE817	Chartreuse2
Chartreuse	#8AFB17	Chartreuse
Green Yellow	#B1FB17	Green Yellow
Dark Olive Green1	#CCFB5D	Dark Olive Green1
Dark Olive Green2	#BCE954	Dark Olive Green2
Dark Olive Green3	#A0C544	Dark Olive Green3
Yellow	#FFFF00	Yellow
Yellow1	#FFFC17	Yellow1
Khaki1	#FFF380	Khaki1
Khaki2	#EDE275	Khaki2
Goldenrod	#EDDA74	Goldenrod
Gold2	#EAC117	Gold2
Gold1	#FDD017	Gold1
Goldenrod1	#FBB917	Goldenrod1
Goldenrod2	#E9AB17	Goldenrod2
Gold	#D4A017	Gold
Gold3	#C7A317	Gold3
Goldenrod3	#C68E17	Goldenrod3
Dark Goldenrod	#AF7817	Dark Goldenrod
Khaki	#ADA96E	Khaki
Khaki3	#C9BE62	Khaki3
Khaki4	#827839	Khaki4
Dark Goldenrod1	#FBB117	Dark Goldenrod1
Dark Goldenrod2	#E8A317	Dark Goldenrod2
Dark Goldenrod3	#C58917	Dark Goldenrod3
Sienna1	#F87431	Sienna1
Sienna2	#E66C2C	Sienna2
Dark Orange	#F88017	Dark Orange
Dark Orange1	#F87217	Dark Orange1
Dark Orange2	#E56717	Dark Orange2
Dark Orange3	#C35617	Dark Orange3
Sienna3	#C35817	Sienna3
Sienna	#8A4117	Sienna
Sienna4	#7E3517	Sienna4
Indian Red4	#7E2217	Indian Red4
Dark Orange3	#7E3117	Dark Orange3
Salmon4	#7E3817	Salmon4
Dark Goldenrod4	#7F5217	Dark Goldenrod4
Gold4	#806517	Gold4
Goldenrod4	#805817	Goldenrod4
Light Salmon4	#7F462C	Light Salmon4
Chocolate	#C85A17	Chocolate
Coral3	#C34A2C	Coral3
Coral2	#E55B3C	Coral2
Coral	#F76541	Coral
Dark Salmon	#E18B6B	Dark Salmon
Salmon1	#F88158	Pale Turquoise4
Salmon2	#E67451	Salmon2
Salmon3	#C36241	Salmon3
Light Salmon3	#C47451	Light Salmon3
Light Salmon2	#E78A61	Light Salmon2
Light Salmon	#F9966B	Light Salmon
Sandy Brown	#EE9A4D	Sandy Brown
Hot Pink	#F660AB	Hot Pink
Hot Pink1	#F665AB	Hot Pink1
Hot Pink2	#E45E9D	Hot Pink2
Hot Pink3	#C25283	Hot Pink3
Hot Pink4	#7D2252	Hot Pink4
Light Coral	#E77471	Light Coral
Indian Red1	#F75D59	Indian Red1
Indian Red2	#E55451	Indian Red2
Indian Red3	#C24641	Indian Red3
Red	#FF0000	Red
Red1	#F62217	Red1
Red2	#E41B17	Red2
Firebrick1	#F62817	Firebrick1
Firebrick2	#E42217	Firebrick2
Firebrick3	#C11B17	Firebrick3
Pink	#FAAFBE	Pink
Rosy Brown1	#FBBBB9	Rosy Brown1
Rosy Brown2	#E8ADAA	Rosy Brown2
Pink2	#E7A1B0	Pink2
Light Pink	#FAAFBA	Light Pink
Light Pink1	#F9A7B0	Light Pink1
Light Pink2	#E799A3	Light Pink2
Pink3	#C48793	Pink3
Rosy Brown3	#C5908E	Rosy Brown3
Rosy Brown	#B38481	Rosy Brown
Light Pink3	#C48189	Light Pink3
Rosy Brown4	#7F5A58	Rosy Brown4
Light Pink4	#7F4E52	Light Pink4
Pink4	#7F525D	Pink4
Lavender Blush4	#817679	Lavendar Blush4
Light Goldenrod4	#817339	Light Goldenrod4
Lemon Chiffon4	#827B60	Lemon Chiffon4
Lemon Chiffon3	#C9C299	Lemon Chiffon3
Light Goldenrod3	#C8B560	Light Goldenrod3
Light Golden2	#ECD672	Light Golden2
Light Goldenrod	#ECD872	Light Goldenrod
Light Goldenrod1	#FFE87C	Light Goldenrod1
Lemon Chiffon2	#ECE5B6	Lemon Chiffon2
Lemon Chiffon	#FFF8C6	Lemon Chiffon
Light Goldenrod Yellow	#FAF8CC	Light Goldenrod Yellow

എക്കാലത്തെയും മികച്ച ടെസ്റ്റ് ടീമില്‍ നാല് ഇന്ത്യക്കാര്‍

2011-07-19T06:46:00.000-07:00

ദുബായ്: അന്താരാഷ്ട്ര ക്രിക്കറ്റ് കൗണ്‍സിലിന്റെ എക്കാലത്തെയും മികച്ച ടെസ്റ്റ് ടീമില്‍ നാല് ഇന്ത്യന്‍താരങ്ങള്‍. ടെസ്റ്റ് ക്രിക്കറ്റില്‍ ആദ്യം 10000 റണ്‍സ് തികച്ച സുനില്‍ ഗാവസ്‌കര്‍, ഓള്‍റൗണ്ടറും മുന്‍ക്യാപ്റ്റനുമായ കപില്‍ദേവ്, ക്രിക്കറ്റ് ഇതിഹാസം സച്ചിന്‍തെണ്ടുല്‍ക്കര്‍, ഓപ്പണിങ്ങിലെ വെടിക്കെട്ട് ബാറ്റ്‌സ്മാന്‍ വീരേന്ദര്‍ സെവാഗ് എന്നിവരാണ് ടീമിലിടം നേടിയ ഇന്ത്യന്‍താരങ്ങള്‍. ടെസ്റ്റ് ക്രിക്കറ്റ് മത്സരങ്ങള്‍ രണ്ടായിരം തികയ്ക്കുന്നതിന്റെ ഭാഗമായാണ് എക്കാലത്തേയുമായ ടെസ്റ്റ് ടീമിനെ ഐ. സി.സി. തിരഞ്ഞെടുത്തത്. ഐ.സി.സി. യുടെ വെബ്‌സൈറ്റിലൂടെയും ഫേസ്ബുക്ക്, ട്വിറ്റര്‍ അക്കൗണ്ടുകളിലൂടെയും നടത്തിയ വോട്ടെടുപ്പില്‍, 60 താരങ്ങളില്‍നിന്നാണ് അന്തിമ ഇലവനെ പ്രഖ്യാപിച്ചത്.

രണ്ട് ഓപ്പണിങ് ബാറ്റ്‌സ്മാന്മാര്‍, മൂന്ന് മധ്യനിര ബാറ്റ്‌സ്മാന്മാര്‍, ഒരു ഓള്‍റൗണ്ടര്‍, ഒരു വിക്കറ്റ് കീപ്പര്‍, മൂന്ന് പേസ് ബൗളര്‍മാര്‍, ഒരു സ്പിന്നര്‍ എന്നിങ്ങനെ പതിനൊന്നുപേരുടെ ടീമിനെ കണ്ടെത്താനാണ് ഐ.സി. സി. ആവശ്യപ്പെട്ടിരുന്നത്. നാല് ഇന്ത്യന്‍താരങ്ങള്‍ ടീമിലെത്തിയപ്പോള്‍ എക്കാലത്തെയും മഹാനായ താരം ഡോണ്‍ ബ്രാഡ്മാന്‍, വിക്കറ്റ്കീപ്പര്‍ ബാറ്റ്‌സ്മാന്‍ ആദം ഗില്‍ക്രിസ്റ്റ്, പേസ് ബൗളര്‍ ഗ്ലെന്‍ മഗ്രാത്ത്, സ്പിന്നര്‍ ഷെയ്ന്‍ വോണ്‍ എന്നീ ഓസ്‌ട്രേലിയക്കാരും ടീമിലിടം നേടി. മധ്യനിര ബാറ്റ്‌സ്മാന്‍ ബ്രയന്‍ ലാറയും പേസ് ബൗളര്‍ കര്‍ട്‌ലി അംബ്രോസുമാണ് വിന്‍ഡീസിന്റെ സംഭാവന. പാകിസ്താന്റെ മുന്‍ ക്യാപ്റ്റന്‍ വസീം അക്രവും ടീമിലെത്തി.
വീരേന്ദര്‍ സെവാഗും സുനില്‍ ഗാവസ്‌കറുമാണ് എക്കാലത്തെയും മികച്ച ടീമിന്റെ ഓപ്പണര്‍മാര്‍. ഡോണ്‍ ബ്രാഡ്മാന്‍, സച്ചിന്‍ തെണ്ടുല്‍ക്കര്‍, ബ്രയന്‍ലാറ എന്നിവരാണ് ടീമിലെ മധ്യനിര ബാറ്റ്‌സ്മാന്മാര്‍. ഓള്‍റൗണ്ടറായ കപില്‍ദേവിന് ശേഷം ഏഴാമനായാണ് ഗില്‍ക്രിസ്റ്റ് കളിക്കാനിറങ്ങുക. ഷെയ്ന്‍വോണ്‍, വസീം അക്രം, കര്‍ട്‌ലി അംബ്രോസ്, ഗ്ലെന്‍ മഗ്രാത്ത് എന്നിങ്ങനെയാണ് സ്‌പെഷലിസ്റ്റ് ബൗളര്‍മാരുടെ സ്ഥാനക്രമം.

ടെസ്റ്റ് ക്രിക്കറ്റിനുള്ള ജനപ്രീതി വെളിപ്പെടുത്തുന്നതാണ് ഓണ്‍ലൈന്‍ വോട്ടിങ്ങിലുണ്ടായ പ്രാതിനിധ്യമെന്ന് ഐ.സി.സി. ചീഫ് എക്‌സിക്യുട്ടീവ് ഹാറൂണ്‍ ലോര്‍ഗത്ത് പറഞ്ഞു. രണ്ടരലക്ഷത്തോളം പേരാണ് വോട്ടെടുപ്പില്‍ പങ്കെടുത്തത്. ആരാധകരുടെ തിരഞ്ഞെടുപ്പാണെങ്കിലും, ഈ ടീമിനെച്ചൊല്ലി വിവാദങ്ങളുണ്ടാകുമെന്ന് ഉറപ്പാണ്.
ശ്രീലങ്ക, ന്യൂസീലന്‍ഡ്, ദക്ഷിണാഫ്രിക്ക, ഇംഗ്ലണ്ട് എന്നീ പ്രമുഖ ടീമുകളില്‍നിന്ന് ഒരാള്‍പോലും എക്കാലത്തെയും മികച്ച ടീമിലെത്തിയിട്ടില്ലെന്നത് ചര്‍ച്ചാവിഷയമാകാനിരിക്കുന്നതേയുള്ളൂ. മുത്തയ്യ മുരളീധരനെയും റിച്ചാര്‍ഡ് ഹാഡ്‌ലിയെയും ഇയാന്‍ ബോതത്തെയും ഗ്രേയം പൊള്ളോക്കിനെയുംപോലുള്ള താരങ്ങള്‍ തിരഞ്ഞെടുക്കപ്പെടാതിരുന്നത് വരുംദിനങ്ങളില്‍ ചൂടേറിയ ചര്‍ച്ചകള്‍ക്ക് ഇടയാക്കിയേക്കും.

20,000 കോടിയുടെ നിധിശേഖരം; ശ്രീപദ്മനാഭസ്വാമി ക്ഷേത്രത്തിലെ നിലവറ വിസ്മയമായി

2011-06-30T21:24:00.001-07:00

കണ്ടെത്തിയതില്‍ ഒരു മാലയ്ക്ക് പത്തര കിലോ ഭാരം, 18 അടി നീളം
നിധി സൂക്ഷിച്ചിരുന്നത് കരിങ്കല്‍ച്ചുമരിലെ രഹസ്യ അറയില്‍
കുലശേഖരപ്പെരുമാള്‍കിരീടവും ലഭിച്ചു
പരിശോധിക്കാന്‍ ഇനിയും അറ ബാക്കി

തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ നിലവറയില്‍ നിന്ന് പുറത്തുവന്നത് പൊന്‍കിരീടവും മാലകളും രത്‌നങ്ങളും ഉള്‍പ്പെടെ ഏകദേശം ഇരുപതിനായിരം കോടി വില മതിക്കുന്ന നിധിശേഖരം. മുത്തശ്ശിക്കഥകളെ അനുസ്മരിപ്പിക്കുന്ന ദൃശ്യങ്ങളാണ് ക്ഷേത്രത്തിലെ രഹസ്യഅറകളിലൊന്ന് വ്യാഴാഴ്ച തുറന്നപ്പോള്‍ ഉണ്ടായത്. പതിറ്റാണ്ടുകളായി തുറന്നിട്ടില്ലെന്നു കരുതുന്ന നിലവറയാണിത്. സുപ്രീംകോടതിയുടെ ഉത്തരവിനെ തുടര്‍ന്നാണ് ജൂണ്‍ 27 ന് നിലവറകള്‍ തുറന്നുപരിശോധിച്ച് കണക്കെടുക്കാന്‍ തുടങ്ങിയത്. ഇതുവരെ അഞ്ച് അറകള്‍ തുറന്നു. ഇനി ഒന്നുകൂടി തുറക്കാനുണ്ട്. സമയക്കുറവു കാരണം വ്യാഴാഴ്ച കണ്ടെത്തിയ നിധിശേഖരത്തിന്റെ വില ഏകദേശമായാണ് കണക്കുകൂട്ടിയിരിക്കുന്നത്. പൈതൃകമൂല്യം കണക്കാക്കാതെയുള്ള വിലയാണിത്.

തിരുവിതാംകൂര്‍ മഹാരാജാവിന്റെ കിരീടധാരണത്തിന് ഉപയോഗിക്കുന്നു എന്ന് കരുതപ്പെടുന്ന കുലശേഖരപ്പെരുമാള്‍കിരീടവും ടണ്‍കണക്കിന് സ്വര്‍ണവും രത്‌നങ്ങളും കണ്ടെടുത്തു. ഒരു ടണ്ണോളം സ്വര്‍ണക്കതിര്‍, നൂറുകണക്കിന് സ്വര്‍ണമാലകള്‍, സ്വര്‍ണദണ്ഡുകള്‍, രത്‌നങ്ങള്‍ എന്നിവ ഉള്‍പ്പെടുന്നു. ഇതില്‍ ഒരു മാലയ്ക്ക് മാത്രം 18 അടി നീളവും പത്തര കിലോ ഭാരവുമുണ്ട്. മാലകള്‍ മാത്രം നൂറ് കിലോയുണ്ട്.കഴിഞ്ഞ മൂന്നു ദിവസങ്ങളിലായി നടന്ന പരിശോധനയില്‍ ആയിരം കോടിയോളം രൂപയുടെ സ്വര്‍ണവും വെള്ളിയും കണ്ടെടുത്തിരുന്നു. മറ്റ് അറകളിലൊന്നും കാണാത്ത നൂറ്റാണ്ടുകള്‍ പഴക്കമുള്ള സ്വര്‍ണവും രത്‌നങ്ങളുമാണ് ഇവിടെ നിന്നും കണ്ടെടുത്തത്.

നരസിംഹമൂര്‍ത്തിക്ഷേത്രത്തിന്റെ തെക്കേമൂലയിലെ ശ്രീ പണ്ടാരവക നിലവറയിലെ ഭൂഗര്‍ഭ അറയില്‍നിന്നാണ് അമൂല്യനിധികള്‍ കണ്ടെടുത്തത്. ബുധനാഴ്ച നടത്തിയ പരിശോധനയില്‍ ഈ നിലവറ പൂര്‍ണമായും തുറക്കാന്‍ കഴിഞ്ഞിരുന്നില്ല. നിലവറയുടെ ഉരുക്ക് അഴിയും അതിനുള്ളില്‍ ഈട്ടിത്തടികൊണ്ടുള്ള രണ്ട് വാതിലുകളും കഴിഞ്ഞ ദിവസം തുറന്നിരുന്നു. ഇതിനകത്ത് താഴേയ്ക്ക് പടിക്കെട്ടുകളോടുകൂടിയ ഒരു ഇടനാഴിയുണ്ട്. ഇതിലൂടെ കഷ്ടിച്ച് ഒരാള്‍ക്കുമാത്രമേ കടക്കാന്‍ കഴിയൂ. പടിക്കെട്ടുകളിറങ്ങി എട്ടടി വീതിയും നീളവുമുള്ള ഭൂഗര്‍ഭമുറിയിലെത്താം. ഈ മുറിയിലുള്ള കരിങ്കല്‍ഭിത്തിയിലെ രഹസ്യ അറകളിലാണ് നിധി സൂക്ഷിച്ചിരുന്നത്. കരിങ്കല്‍പാളികളില്‍ ചില അടയാളങ്ങള്‍ രേഖപ്പെടുത്തിയിരുന്നു. ഇത് പുരാവസ്തുവകുപ്പ് ഉദ്യോഗസ്ഥരുടെ സഹായത്തോടെ കമ്മീഷന്‍ പരിശോധിച്ചു. ഭിത്തികളില്‍ പാമ്പിന്റെ ചിത്രവും മൂന്ന് വരകളും അതിന് മുകളിലായി 'എസ്' ആകൃതിയിലുള്ള അടയാളവും ഉണ്ടായിരുന്നു. പാമ്പിന്റെ ചിത്രമുള്ള പാളികള്‍ അപകടത്തിന്റെ സൂചനയും 'എസ്' അടയാളമുള്ള പാളികള്‍ തള്ളിയാല്‍ തുറക്കാവുന്നവയുമാണെന്ന് അവര്‍ കമ്മീഷനെ ധരിപ്പിച്ചു. കമ്മീഷന്റെ നിര്‍ദേശ പ്രകാരം അഗ്‌നിശമനസേനയുടെ സഹായത്തോടെ ഭിത്തികള്‍ മാറ്റിയപ്പോഴാണ് നിധിശേഖരം കണ്ടെത്തിയത്.

സ്വര്‍ണക്കിരീടം, സ്വര്‍ണവിഗ്രങ്ങള്‍, സ്വര്‍ണ ദണ്ഡുകള്‍, സ്വര്‍ണപ്പതക്കങ്ങള്‍, കോടികള്‍ വിലമതിക്കുന്ന അപൂര്‍വരത്‌നങ്ങള്‍ എന്നിവയുണ്ട്. ഇതില്‍ ബല്‍ജിയം വജ്രവും ഉള്‍പ്പെടുന്നു. ആയിരത്തില്‍പ്പരം ശരപ്പൊളിമാലകളില്‍ ഒരെണ്ണമാണ് പത്തര കിലോയുടേത്. പന്ത്രണ്ടു പാളികളുള്ള മാലകളില്‍ മരതകവും മാണിക്യവും പതിച്ചിരുന്നു. ഒരു ലക്ഷത്തോളം സ്വര്‍ണം,വെള്ളി രാശികള്‍,വജ്രങ്ങള്‍ പതിച്ച വീരശൃംഖലകള്‍,രണ്ട് കിലോ ഭാരമുള്ള സ്വര്‍ണ അരപ്പട്ടകള്‍,ഡച്ച് കാശിമാല എന്നിവയും ഉണ്ടായിരുന്നു. കണ്ടെടുത്ത നിധി സൂക്ഷിക്കാന്‍ അറുപത്തഞ്ചു ചാക്കുകളും മൂന്ന് വലിയ ഇരുമ്പുപെട്ടികളും വാങ്ങേണ്ടി വന്നു.
വായുസഞ്ചാരമില്ലെന്ന് കരുതി ബുധനാഴ്ച ആരും അറയ്ക്കുള്ളില്‍ ഇറങ്ങിയിരുന്നില്ല. വ്യാഴാഴ്ച അഗ്‌നിശമന സേന, പൊതുമരാമത്ത്-പുരാവസ്തു വിദഗ്ധര്‍ എന്നിവരുടെ സഹായത്തോടെയാണ് അറയ്ക്കുള്ളില്‍ ആളിറങ്ങിയത്. എന്നാല്‍ അറകള്‍ ആവശ്യത്തിന് വായുസഞ്ചാരമുള്ളതായിരുന്നു. അടിയന്തരഘട്ടം വന്നാല്‍ രക്ഷാപ്രവര്‍ത്തനത്തിനുള്ള സര്‍വ സന്നാഹങ്ങളുമായാണ് കമ്മീഷന്‍ കണക്കെടുപ്പിനെത്തിയത്.

ഇന്ന് കണ്ടെടുത്ത നിധിയില്‍ കുലശേഖരപ്പെരുമാള്‍ കിരീടം തിരുവിതാംകൂറിലെ രാജാവിന്റെ കിരീടധാരണത്തിനുപയോഗിക്കുന്നതാണ്. കിരീട ധാരണത്തിന് മുമ്പായി രാജാവ് ഹിരണ്യഗര്‍ഭത്തില്‍ (സ്വര്‍ണം കൊണ്ടുള്ള വലിയ വീപ്പ) മുങ്ങിയശേഷമാണ് ഈ കിരീടം ധരിക്കുന്നത്. തിരുവിതാംകൂര്‍ രാജാക്കന്‍മാര്‍ ഹിരണ്യഗര്‍ഭച്ചടങ്ങിനുമാത്രമേ കിരീടം ഉപയോഗിക്കാറുള്ളൂ. ചടങ്ങിനുശേഷമാണ് രാജാക്കന്‍മാര്‍ക്ക് പൊന്നുതമ്പുരാന്‍ എന്ന പേര് ലഭിക്കുന്നത്. ശ്രീമൂലം തിരുനാള്‍ വരെ ഹിരണ്യ ഗര്‍ഭച്ചടങ്ങ് ചെയ്തിരുന്നതായി ചരിത്രകാരന്‍മാര്‍ പറയുന്നു. ഹിരണ്യഗര്‍ഭച്ചടങ്ങിനുപയോഗിക്കുന്ന സ്വര്‍ണവീപ്പ കഷണങ്ങളായി മുറിച്ച് ബ്രാഹ്മണര്‍ക്ക് ദാനം ചെയ്തിരുന്നു. ഇനി രണ്ടറകള്‍ കൂടി തുറന്ന് പരിശോധിക്കാനുണ്ട്. നരസിംഹമൂര്‍ത്തിയുടെ തെക്കുപടിഞ്ഞാറേ മൂലയിലുള്ള ഭരതക്കോണ്‍ നിലവറയായ 'ബി' നിലവറയും നിത്യോപയോഗസാധനങ്ങള്‍ സൂക്ഷിക്കുന്ന 'എഫ്' നിലവറയും ഇനി തുറക്കാനുണ്ട്.

നെറ്റില്‍ ഒരു അക്ഷരക്കൂട്ടായ്മ

2011-06-10T11:00:00.000-07:00

സൗഹൃദക്കൂട്ടായ്മകളായ സോഷ്യല്‍ നെറ്റ്‌വര്‍ക്കിങ് സൈറ്റുകളുടെ കാലമാണിത്. ഫെയ്‌സ്ബുക്ക്, ഓര്‍ക്കുട്ട്, ട്വിറ്റര്‍ തുടങ്ങിയ സൗഹൃദക്കൂട്ടായ്മകള്‍ രാജ്യങ്ങളുടെ ഭാവി പോലും നിര്‍ണയിക്കുന്ന മുഖ്യഘടകമാകുന്ന കാലം. എന്നാല്‍, ഇവയുടെ ഉപയോക്താക്കളില്‍ ഭൂരിപക്ഷത്തിനും സൗഹൃദക്കൂട്ടായ്മകളെന്നാല്‍ വെറുമൊരു സമയം കൊല്ലി ഏര്‍പ്പാടോ, അല്ലെങ്കില്‍ പരിചയങ്ങള്‍ നിലനിര്‍ത്താനുള്ള പുത്തന്‍ ഉപാധികളോ മാത്രമാണ്.

അതില്‍ നിന്ന് വ്യത്യസ്തമായി, വെറും സൗഹൃദക്കൂട്ടായ്മ എന്നതിലുപരി പ്രസാധനത്തിന്റെയും വായനയുടെയും കൂടി ലോകം തുറക്കുകയാണ് ഫീല്‍ഡ്‌ഐ ഡോട്ട് കോം എന്ന സോഷ്യല്‍ നെറ്റ്‌വര്‍ക്കിങ് സൈറ്റ്. ടാബ്‌ലറ്റ് കമ്പ്യൂട്ടറുകളും ഇ-ബുക്ക് റീഡറുകളും വ്യാപകമാകുന്നതോടെ വലിയ പുസ്തകങ്ങള്‍ ചുമന്ന് നടക്കാതെ തന്നെ വായന അനായാസമാകുന്നു. നെറ്റില്‍ പുസ്തകങ്ങളും ലേഖനങ്ങളും പ്രസിദ്ധീകരിക്കുന്നതും ഇന്ന് അനായാസം സാധിക്കും. ഈ പുത്തന്‍ സാഹചര്യം മുതലെടുത്ത് പ്രസാധനകലയ്ക്ക് പുതിയൊരു വേദിയൊരുക്കുകയാണ് ഫീല്‍ഡ്‌ഐ.

ന്യൂസ് ലെറ്ററുകള്‍ മുതല്‍ അക്കാദമിക് പുസ്തകങ്ങള്‍ വരെ പ്രസിദ്ധീകരിക്കാന്‍ സൗകര്യവുമായാണ് ഫീല്‍ഡ്‌ഐ എത്തുന്നത്. പരിസ്ഥിതി സൗഹൃദമായ പ്രസിദ്ധീകരണ ശൈലിയാണ് ഫീല്‍ഡ് ഐ ലക്ഷ്യമിടുന്നതെന്ന് ഇതിന്റെ പിന്നണി പ്രവര്‍ത്തകര്‍ പറയുന്നു. എഴുത്തുകാര്‍ക്ക് വായനക്കാരുമായും തിരിച്ചും, വായനക്കാര്‍ക്ക് സഹവായനക്കാരുമായും സംവദിക്കാനുള്ള അവസരവും ഈ കൂട്ടായ്മ ഒരുക്കുന്നു.

അച്ചടി മാധ്യമങ്ങള്‍ ഒരര്‍ഥത്തില്‍ പരിസ്ഥിതിക്ക് വലിയ ഭീഷണിയാണ്. ന്യൂയോര്‍ക്ക് ടൈംസിന്റെ സണ്‍ഡെ എഡിഷന്‍ മാത്രം അച്ചടിക്കാനുള്ള കടലാസ് നിര്‍മിക്കാന്‍ 75000 വൃക്ഷങ്ങള്‍ നശിപ്പിക്കേണ്ടി വരുന്നു എന്നാണ് കണക്ക്. അപ്പോള്‍ ലോകമെങ്ങും പുസ്തകങ്ങളും പത്രങ്ങളും മാസികകളും അച്ചടിക്കുമ്പോള്‍ എത്ര വലിയ സമ്മര്‍ദം പ്രകൃതിക്ക് ഏല്‍ക്കേണ്ടി വരുന്നു എന്ന് ആലോചിക്കുക. മാത്രമല്ല, കടലാസ് നിര്‍മാണം വഴി പുറത്തു വരുന്ന രാസവസ്തുക്കളും പരിസ്ഥിതിക്ക് വലിയ ഭീഷണിയാണ്.

പരിസ്ഥിതി നേരിടുന്ന ഈ ഭീഷണികളെ ഒരളവു വരെ ചെറുക്കാന്‍ ഡിജിറ്റല്‍ പബ്ലീഷിങിന് കഴിയുമെന്ന് വിലയിരുത്തപ്പെടുന്നു. ഫീല്‍ഡ്‌ഐ പോലുള്ള പബ്ലീഷിങ് പ്ലാറ്റ്‌ഫോമുകളുടെ പ്രസക്തി ഈ പശ്ചാത്തലത്തിലാണ് വിലയിരുത്തേണ്ടത്.

ആര്‍ക്കു വേണമെങ്കിലും ഫീല്‍ഡ്‌ഐയില്‍ പുസ്തകങ്ങള്‍ അപ്‌ലോഡ് ചെയ്യാം. അതേ നിമിഷം ലോകത്തിന്റെ എല്ലാ ഭാഗത്തും പുസ്തകം ലഭ്യമാകും. ഒരു ന്യൂസ് ലെറ്ററിന്റെ 2000 കോപ്പി അച്ചടിച്ച് വിതരണം ചെയ്യാന്‍ ഏതാണ്ട് 50,000 രൂപ ചെലവു വരുമെങ്കില്‍, ഫീല്‍ഡ്‌ഐ വഴി അത് സൗജന്യമായി ലോകത്തിന്റെ വിവിധ ഭാഗങ്ങളില്‍ എത്തിക്കാനാകുമെന്നതാണ് നേട്ടം.

ഫീല്‍ഡ്‌ഐ കൊണ്ട് ഏറ്റവുമധികം പ്രയോജനം ലഭിക്കുക ഗവേഷകര്‍ക്കായിരിക്കും. ഗവേഷണ പ്രബന്ധങ്ങളും ലേഖനങ്ങളും പ്രസിദ്ധീകരിക്കാന്‍ വേദി കിട്ടാതെ വിഷമിക്കുന്ന ഇത്തരക്കാര്‍ക്ക് സുവര്‍ണാവസരമാണ് ഫീല്‍ഡ് ഐ ഒരുക്കുന്നത്. തുടര്‍ നോവലുകളും മറ്റും അപ് ലോഡ് ചെയ്യുമ്പോള്‍ ആവശ്യമെങ്കില്‍ ക്ലൈമാക്‌സ് മാറ്റുന്നതിനും ഇതില്‍ സൗകര്യമുണ്ട്. വായനക്കാര്‍ക്ക് ഇഷ്ടമുള്ള പേജുകള്‍ തിരഞ്ഞെടുക്കുന്നതിനുള്ള സംവിധാനവും ഒരുക്കിയിട്ടുണ്ട്.

സര്‍ക്കാര്‍, സര്‍ക്കാരിതര പ്രസിദ്ധീകരണങ്ങള്‍, വിവിധ വിഷയങ്ങളെക്കുറിച്ച് അറിവുകള്‍ പ്രദാനം ചെയ്യുന്ന പുസ്തകങ്ങള്‍ എന്നിവയും ഇവിടെ ഒരുക്കിയിട്ടുണ്ട്. രാമായണം, മഹാഭാരതം, ഖുര്‍ ആന്‍, ബൈബിള്‍ തുടങ്ങിയ പുസ്തകങ്ങളും വായനയ്ക്കായി ഫീല്‍ഡ്‌ഐയിലുണ്ട്.

വ്യക്തികളുടെ ആവിഷ്‌കാര സ്വാതന്ത്ര്യമാണ് മറ്റൊരു പ്രത്യേകത. എഴുത്തുകാരന്റെ ചിത്രവും വിവരങ്ങളും അടങ്ങുന്ന പേജും ഉള്‍പ്പെടുത്താം. പുസ്തകത്തെക്കുറിച്ചുള്ള വിവരങ്ങള്‍ നല്‍കുന്നതിന് സൗജന്യ എസ്എംഎസ് സേവനവും പ്രയോജനപ്പെടുത്താം.

ജെബി മള്‍ട്ടിമീഡിയയുടെ സഹകരണത്തോടെ ഹെറിറ്റേജ് ഇന്ത്യ ഫൗണ്ടേഷനാണ് ഫീല്‍ഡ്‌ഐ പ്ലാറ്റ്‌ഫോം യാഥാര്‍ഥ്യമാക്കുന്നത്. യുണൈറ്റഡ് നേഷന്‍സ് എണ്‍വിരോണ്‍മെന്റ് പ്രോഗ്രാ (യുഎന്‍ഇപി) മിന് കീഴിലുള്ള 'ക്ലൈമറ്റ് ന്യൂട്രല്‍ നെറ്റ്‌വര്‍ക്കി'ന്റെ പങ്കാളിത്തം ലഭിക്കുന്ന ആദ്യസംരംഭം കൂടിയാണിത്.

ന്യൂഡല്‍ഹിയില്‍ 2011 ജൂണ്‍ അഞ്ചിന് യുഎന്‍ഇപിയുടെ നേതൃത്വത്തില്‍ നടക്കുന്ന ലോകപരിസ്ഥിതി ദിനാചരണത്തിന്റെ ഭാഗമായി ഫീല്‍ഡ്‌ഐയുടെ ഉദ്ഘാടനം നടക്കും.

-കെ.വി.രാജേഷ്‌

നികുതി ലാഭിക്കാന്‍ നിക്ഷേപ പദ്ധതികളേറെ

2011-05-29T23:00:00.001-07:00

പുതുതായി ലഭ്യമായ അടിസ്ഥാനസൗകര്യ ബോണ്ടുകളിലെ നിക്ഷേപമുള്‍പ്പെടെ 1.2 ലക്ഷം രൂപ സമ്പാദ്യമാക്കി മാറ്റിയാല്‍ ആദായനികുതിയിനത്തില്‍ നല്ലൊരു തുക ലാഭിക്കാനാവും. ഭാവിയില്‍ ഇവയൊക്കെ മികച്ച നിക്ഷേപമായി മാറുകയുംചെയ്യും

നിക്ഷേപങ്ങളിലൂടെ ആദായനികുതിബാധ്യ ത കുറയ്ക്കാം. പുതുതായി ലഭ്യമായ അടിസ്ഥാ നസൗകര്യബോണ്ടുകളിലെ നിക്ഷേപമുള്‍പ്പെ ടെ 1.2 ലക്ഷം രൂപ ഇത്തവണ സമ്പാദ്യമാക്കി മാറ്റിയാല്‍ ആദായനികുതിയിനത്തില്‍ നല്ലൊ രു തുക ലാഭിക്കാനാവും. ഭാവിയില്‍ ഇവ യൊക്കെ മികച്ച നിക്ഷേപമായി മാറുകയും ചെയ്യും. ഇക്കഴിഞ്ഞ ബജറ്റില്‍ ആദായനികുതി നിരക്കുകളില്‍ തെല്ലൊരു ആശ്വാസം ലഭിച്ചിട്ടുണ്ടെങ്കിലും വിലക്കയറ്റത്തിനു മുന്നില്‍ ഇത്തരം ആശ്വാസങ്ങള്‍ക്ക് പ്രസക്തി നഷ്ടപ്പെട്ടിരിക്കുകയാണ്.

80 സി, 80 സിസിസി, 80 സിസിഡി വകുപ്പുകള്‍ നികുതിദായകര്‍ക്ക് സുപരിചിതമായി. മൂന്ന് വകുപ്പുകളിലും കൂടി നിക്ഷേപം നടത്താവുന്ന കൂടിയ പരിധി ഒരുലക്ഷം രൂപയായി തുടരുന്നു. ഈ പരിധിയെത്തി നില്‍ക്കുന്ന നികുതിദായകര്‍ക്ക് ഈ വര്‍ഷം മുതല്‍ ലഭ്യമായ നിക്ഷേപപദ്ധതിയാണ് അടിസ്ഥാനസൗകര്യ ബോണ്ടു കള്‍.

2012-17 കാലഘട്ടത്തില്‍ രാജ്യത്തിന്റെ അടിസ്ഥാനസൗകര്യ മേഖലയില്‍ ഒരുലക്ഷം കോടി ഡോളര്‍ നിക്ഷേപമുണ്ടാകണമെന്നാണ് ആസൂത്രണ കമ്മീഷന്‍ ലക്ഷ്യമിടുന്നത്. നടപ്പുപദ്ധതി ഘട്ടത്തില്‍ 50 കോടി ഡോളറിന്റെ നിക്ഷേപമാണ് ലക്ഷ്യം. അതുകൊണ്ടുതന്നെയാണ് 2010 ലെ ബജറ്റിലൂടെ 20,000 രൂപയുടെ അധിക കിഴിവ് ലഭ്യമാക്കുന്ന വകുപ്പ് 80 സിസിഎഫ് അവതരിപ്പിച്ചത്.
വിജ്ഞാപനപ്രകാരം എല്‍.ഐ.സി, ഐ.എഫ്.സി.ഐ, ഐ.ഡി.എഫ്.സി. എന്നീ പൊതുമേഖലാ സ്ഥാപനങ്ങള്‍ക്ക് പുറമെ റിസര്‍വ് ബാങ്ക് അംഗീകരിച്ച ബാങ്കിങ് ധനകാര്യ സ്ഥാപനങ്ങളിലെ അടിസ്ഥാന സൗകര്യ കമ്പനികള്‍ക്കും ഇത്തരം ബോണ്ടുകള്‍ ഇറക്കാന്‍ അനുമതിയുണ്ട്.

ഇങ്ങനെയുള്ള ബോണ്ടുകളില്‍ വ്യക്തികള്‍, ഹിന്ദു അവിഭക്ത കുടുംബങ്ങള്‍ എന്നീ ഗണങ്ങളില്‍പെട്ട നികുതിദായകര്‍ക്ക് നിക്ഷേപം നടത്താം. 5,000 രൂപയുടെ ഗുണിതങ്ങളായി നിക്ഷേപം നടത്താമെങ്കിലും ഒരു സാമ്പത്തിക വര്‍ഷത്തില്‍ കിഴിവായി അവകാശപ്പെടാവുന്നത് 20,000 രൂപയ്ക്ക് മാത്രമാണ്.

ബോണ്ടുകളുടെ കാലപരിധി 10 വര്‍ഷമാണെങ്കിലും ലോക്ക്-ഇന്‍-പിരീഡ് 5 വര്‍ഷമാണ്. ലോക്ക്-ഇന്‍ പിരീഡിനു ശേഷം പണമായി മാറ്റുകയോ പണയം വെയ്ക്കുകയോ ആവാം. നിക്ഷേപകര്‍ 'പാന്‍' വിവരങ്ങള്‍ നല്‍കണം . ഡീ മാറ്റ് അക്കൗണ്ട് വഴിയും നിക്ഷേപം നടത്താം. പലിശയ്ക്ക് നികുതി ബാധ്യതയുണ്ട്.

സീനിയര്‍ സിറ്റിസണ്‍ സേവിങ്‌സ് സ്‌കീം

ജീവിതസായാഹ്നത്തില്‍ നിക്ഷേപം നടത്തേണ്ട പദ്ധതിയാണിതെന്ന് ഒറ്റനോട്ടത്തില്‍ തോന്നിയേക്കാം. എന്നാല്‍, മുതല്‍മുടക്കിനുള്ള പണം സ്വരൂപിക്കാന്‍ 45 വയസ്സുമുതലെങ്കിലും ശ്രമിക്കുന്നതാണ് വിവേകം. കാരണം, ഇത്തരം സ്‌കീമുകളില്‍ ഏറ്റവും കൂടുതല്‍ പലിശ നേടിത്തരുന്ന സമ്പാദ്യപദ്ധതിയാണിത് എന്നതുതന്നെ. എന്നാല്‍, ഈ പദ്ധതിയില്‍ നിക്ഷേപിക്കാവുന്ന കൂടിയ പരിധി 15 ലക്ഷം രൂപയായി പരിമിതപ്പെടുത്തിയിട്ടുണ്ട്. അതേസമയം, പദ്ധതിയില്‍ ചേരുന്നതിനുള്ള കുറഞ്ഞ പ്രായം 60 വയസ്സാണ്.

(സൂപ്പര്‍ആന്വേഷനിലൂടെയോ അല്ലാതെയോ റിട്ടയര്‍ ചെയ്തവര്‍ക്ക് പ്രായം 55-എന്നാല്‍ റിട്ടയര്‍ചെയ്ത തീയതിമുതല്‍ 6 മാസത്തിനുള്ളില്‍ നിക്ഷേപം നടത്തിയിരിക്കണം). 2007 ഏപ്രില്‍ മുതല്‍ ഈ നിക്ഷേപങ്ങള്‍ക്കും വകുപ്പ് 80സി പ്രകാരമുള്ള കിഴിവിനര്‍ഹതയുണ്ടെങ്കിലും ഒരുലക്ഷം എന്ന കടമ്പ അവശേഷിക്കുന്നു. അതിനാല്‍ മുന്‍പുള്ള വര്‍ഷങ്ങളില്‍ മറ്റു നിക്ഷേപങ്ങള്‍ നടത്തി വകുപ്പ് 80 സിയുടെ പൂര്‍ണ പ്രയോജനം നേടിയശേഷം 60 അഥവാ 55 തികയുന്നവര്‍ഷം അവ പിന്‍വലിച്ച് ഈ പദ്ധതിയിലേക്ക് മാറ്റി കൂടുതല്‍ പലിശയും നികുതിലാഭവും നേടിയെടുക്കുന്നതാവും അഭിലഷണീയം.

ഈ പദ്ധതിയില്‍ 10,000 രൂപയുടെ ഗുണിതങ്ങളായാണ് നിക്ഷേപം നടത്തേണ്ടത്. കാലാവധി 5 വര്‍ഷം. സ്വന്തംപേരിലോ ജീവിത പങ്കാളിയുമായി ജോയിന്റായോ നിക്ഷേപം നടത്താം. പലിശയ്ക്ക് നികുതി ബാധ്യതയുണ്ട്; ടിഡിഎസും ബാധകം.

വകുപ്പ് 80 സിസിഡി

സ്വകാര്യ മേഖലയിലുള്ളവര്‍ക്ക് പെന്‍ഷന്‍ ലഭിക്കാന്‍ സാധ്യതയില്ലാത്തതിനാല്‍ അവര്‍ക്ക് തിരഞ്ഞെടുക്കാവുന്ന പദ്ധതിയാണ് ലൈഫ് ഇന്‍ഷൂറന്‍സ് കോര്‍പ്പറേഷന്‍ അഥവാ മറ്റ് അംഗീകൃത ഇന്‍ഷൂറന്‍സ് സ്ഥാപനങ്ങള്‍ നടത്തുന്ന ആദായനികുതി നിയമത്തിലെ 10 (23 എബി) പ്രകാരമുള്ള ആന്വിറ്റി ഫണ്ടുകള്‍. ഇതിലേക്ക് നടത്തുന്ന നിക്ഷേപങ്ങള്‍ക്ക് വകുപ്പ് 80 സിസിസിപ്രകാരം നേരത്തെ പറഞ്ഞ ഒരുലക്ഷം രൂപ എന്ന മൊത്തം പരിധിക്കുവിധേയമായി കിഴിവിന് അര്‍ഹതയുണ്ട്. വ്യവസ്ഥകള്‍:

1. നിക്ഷേപത്തോട് കാലാകാലങ്ങളില്‍ ചേര്‍ക്കുന്ന പലിശ അഥവാ ബോണസിന് പുനര്‍നിക്ഷേപം എന്നനിലയില്‍ കിഴിവിന് അര്‍ഹതയില്ല.
2. ഈ പദ്ധതിപ്രകാരമുള്ള നിക്ഷേപം സറണ്ടര്‍ചെയ്യുകയാണെങ്കില്‍ അങ്ങനെ ലഭിക്കുന്ന തുകയില്‍ ഈ വകുപ്പുപ്രകാരം അവകാശപ്പെട്ട കിഴിവിന്റെ ഭാഗം സറണ്ടര്‍ചെയ്യുന്ന വര്‍ഷത്തെ വരുമാനമായി കണക്കാക്കി നികുതിവിധേയമാക്കും.
3. പദ്ധതിപ്രകാരം ലഭിക്കുന്ന പെന്‍ഷന്‍, ബോണസ് എന്നിവയും അതതുവര്‍ഷത്തെ വരുമാനമായി കണക്കാക്കും.
4. നോമിനിക്ക് ലഭിക്കുന്ന തുക അവരുടെ വരുമാനമായി പരിഗണിച്ച് ലഭിക്കുന്ന വര്‍ഷം നികുതിബാധ്യതവരും.

വകുപ്പ് 80 സിസിഡി

കേന്ദ്രസര്‍ക്കാരിന്റെ പുതിയ പെന്‍ഷന്‍ പദ്ധതിപ്രകാരം കേന്ദ്ര ജീവനക്കാര്‍ 2004 ഏപ്രില്‍ മുതല്‍ അടക്കുന്ന തുകകള്‍ക്കും മുന്‍പറഞ്ഞ ഒരുലക്ഷം രൂപ എന്ന പരിധിക്കുവിധേയമായി കിഴിവ് ലഭ്യമാണ്. ഈ പദ്ധതി സ്വകാര്യമേഖലയിലെ ജീവനക്കാര്‍ക്കും സ്വയം തൊഴില്‍ചെയ്യുന്നവര്‍ക്കും 2008-09 മുതല്‍ ബാധകമാക്കിയിട്ടുണ്ട്. പ്രധാന വ്യവസ്ഥകള്‍:

1. ജീവനക്കാരന്‍ അടക്കുന്ന തുകയില്‍ ശമ്പളത്തിന്റെ 10 ശതമാനം എന്ന പരിധിക്കുവിധേയമായി കിഴിവ് ലഭ്യമാണ്. ഇതിലേക്കായി ശമ്പളം എന്ന പദത്തിന്റെ നിര്‍വചനത്തില്‍ അടിസ്ഥാനശമ്പളവും തൊഴില്‍കരാര്‍പ്രകാരം ഡിഎ ലഭ്യമാണെങ്കില്‍ ആ തുകയും ഉള്‍പ്പെടും.
2. സ്വയം തൊഴില്‍ചെയ്യുന്നവരുടെ മൊത്തവരുമാനത്തിന്റെ (ഗ്രോസ് ടോട്ടല്‍ ഇന്‍കം) 10 ശതമാനംവരെ കിഴിവായി ലഭിക്കും.
3. കേന്ദ്രസര്‍ക്കാര്‍ അഥവാ മറ്റു തൊഴിലുടമ അടയ്ക്കുന്ന, ശമ്പളത്തിന്റെ 10 ശതമാനത്തില്‍ കൂടാത്ത വിഹിതത്തിനും കിഴിവിന് അര്‍ഹതയുണ്ട്. ഇവിടെ ഒരു സംശയം ഉയര്‍ന്നേക്കാം. കേന്ദ്രസര്‍ക്കാര്‍, അഥവാ മറ്റു തൊഴിലുടമ അടയ്ക്കുന്ന വിഹിതത്തിനും ജീവനക്കാരന് കിഴിവ് നല്‍കുന്നത് ന്യായമാണോ? ഒറ്റനോട്ടത്തില്‍ കേന്ദ്രസര്‍ക്കാരും മറ്റും ജീവനക്കാരനുവേണ്ടി അടയ്ക്കുന്ന തുകയ്ക്കും കിഴിവ് നല്‍കുന്നത് ശരിയല്ലെന്നു തോന്നാമെങ്കിലും ഈ പദ്ധതിയില്‍നിന്നും തിരികെ ലഭിക്കുന്ന മൊത്തം തുകയ്ക്കും അവ ലഭിക്കുന്ന വര്‍ഷം ജീവനക്കാരന്‍ നികുതി നല്‍കണമെന്ന വസ്തുത പരിഗണിച്ചാല്‍ അന്യായമെന്ന് പറയാനാവില്ല. ഇതു സംബന്ധിച്ച് കേന്ദ്ര പ്രത്യക്ഷനികുതി ബോര്‍ഡ് 29-9-2008ല്‍ പുറത്തിറക്കിയ സര്‍ക്കുലര്‍ നമ്പര്‍ 9/2008 (എഫ്. നം. 275/192/2008-ഐടി (ബി) പ്രസക്തമാണ്.
4. 3-ല്‍ പറഞ്ഞിരിക്കുന്നതുപോലെ ഈ പദ്ധതിയില്‍ നിന്ന് വിരമിക്കുന്നതുവഴിയോ അക്കൗണ്ട്അവസാനിക്കുമ്പോഴോ ലഭിക്കുന്ന മൊത്തം തുകയ്ക്കും നികുതി ദായകനോ നോമിനിക്കോ നികുതി ബാധ്യത വന്നുചേരും.
5. കാലാകാലങ്ങളില്‍ ലഭിക്കുന്ന പെന്‍ഷന്‍ തുകകള്‍ക്കും നികുതി ബാധ്യതയുണ്ട്.

ഭവനവായ്പയുടെ പലിശ

ഭവനവായ്പയുടെ മുതല്‍ തിരിച്ചടവിനും മറ്റും വകുപ്പ് 80 സി പ്രകാരമുള്ള കിഴിവിന് അര്‍ഹതയുണ്ട്. ഇതിനുപരിയായി ഭവനവായ്പാ പലിശയ്ക്കും നികുതിയാശ്വാസം വകുപ്പ് 24(ബി) പ്രകാരം ലഭ്യമാണ്. ഈ രണ്ടു വകുപ്പുകള്‍ തമ്മിലുള്ള ഒരു താരതമ്യമടക്കം വ്യവസ്ഥകള്‍ വിശദീകരിക്കാം:

1. വകുപ്പ് 80സി-ല്‍ നിന്നും വ്യത്യസ്തമായി ഈ നികുതിയാശ്വാസം ഒരു കിഴിവല്ല; കൃര്ൗവ ശി്ൗ സ്ുീവ ്യി്്യവിറള്‍ എന്ന വരുമാന ഗണത്തിലെ നഷ്ടം (ചവഷമറഹ്വവ കൃര്ൗവ) ആയി പരിഗണിച്ച് മറ്റ് വരുമാനങ്ങളുമായി തട്ടിക്കിഴിച്ചാണ് നികുതിയാശ്വാസം ലഭ്യമാക്കുന്നത്.
2. മുതല്‍ തിരിച്ചടവിനുള്ള പരിധി ഒരു ലക്ഷം എന്ന മൊത്തം പരിധിക്കുള്ളില്‍ ഉള്‍പ്പെടും. പലിശ സംബന്ധിച്ചാണെങ്കില്‍ ഈ പരിധി 1.50 ലക്ഷം രൂപയാണ്. എന്നാല്‍ വായ്പയെടുത്ത വര്‍ഷാന്ത്യം മുതല്‍ മൂന്നു വര്‍ഷത്തിനുള്ളില്‍ വീട് വാങ്ങുകയോ പണികഴിപ്പിക്കുകയോ ചെയ്തിരിക്കണം. അല്ലാത്തപക്ഷം കൂടിയ പരിധി 30,000 രൂപയായി പരിമിതപ്പെടും. പലിശയ്ക്കുള്ള കിഴിവിന്റെ പരിധി സ്വന്തം താമസത്തിനുപയോഗിക്കുന്ന ഭവനത്തിനായെടുത്ത പലിശയ്ക്ക് മാത്രമാണ്. വാടകയ്ക്ക് നല്‍കി വരുമാനമുണ്ടാക്കുമ്പോള്‍ ആ വരുമാനത്തില്‍ നിന്നുമുള്ള കിഴിവിന് പരിധികളില്ല. (നഷ്ടവും സംഭവിക്കാം).
3. വകുപ്പ് സി. പ്രകാരമുള്ള കിഴിവ് വായ്പ അടച്ചുതുടങ്ങുമ്പോള്‍ മുതല്‍ തന്നെ ലഭ്യമാണ്. എന്നാല്‍ വകുപ്പ് 24(ബി) പ്രകാരമുള്ള പലിശയ്ക്കുള്ള നികുതിയിളവ് ഭവനം വാങ്ങുകയോ സ്വായത്തമാക്കുകയോ ചെയ്യുന്ന തീയതി മുതല്‍ മാത്രമാണ് ലഭ്യമാവുക. അതിന് മുന്‍പുള്ള പലിശ അഞ്ച് തുല്യ ഗഡുക്കളായി വീതിച്ച് അവകാശപ്പെടണം. തന്നാണ്ടിലെ പലിശയും ചേര്‍ത്ത് മൊത്തം ഒരു വര്‍ഷത്തെ പരിധി 1.50 ലക്ഷം രൂപ തന്നെ.
4. അംഗീകൃത സ്ഥാപനങ്ങളില്‍ നിന്നെടുത്ത വായ്പയിന്മേലുള്ള പലിശയ്ക്ക് മാത്രമേ കിഴിവ് ലഭിക്കൂ എന്ന് വകുപ്പ് 80 സിയിലുള്ള വ്യവസ്ഥ വകുപ്പ് 24(ബി)യില്‍ ഇല്ല. അതിനാല്‍ ബന്ധുക്കള്‍ക്കും സ്‌നേഹിതര്‍ക്കും നല്‍കുന്ന പലിശയും അവകാശപ്പെടാം.
5. വകുപ്പ് 80 സിയില്‍ ലഭിക്കുന്ന കിഴിവ് ഭവനം വാങ്ങുന്നതിനോ പണികഴിപ്പിക്കുന്നതിനോ വേണ്ടി എടുത്ത വായ്പകളുടെ മുതല്‍ തിരിച്ചടവിന് മാത്രമാണ് ലഭ്യം.
അറ്റകുറ്റപ്പണികള്‍, പുതുക്കിപ്പണിയല്‍, നവീകരണം എന്നിവയ്ക്കായെടുത്ത വായ്പാ തിരിച്ചടവിന് കിഴിവ് ലഭ്യമല്ല. എന്നാല്‍ ഇങ്ങനെ ഒരു വേര്‍തിരിവ് വകുപ്പ് 24 (ബി)യില്‍ പറയുന്നില്ല. മേല്‍പ്പറഞ്ഞ കാര്യങ്ങള്‍ക്കായെടുത്ത വായ്പാ പലിശ സ്വന്തം താമസത്തിനുപയോഗിക്കുന്ന ഭവനത്തിനാണെങ്കില്‍ 30,000 രൂപ വരെ കുറവുചെയ്യാം. വാടകയ്ക്ക് നല്‍കിയ ഭവനങ്ങളെ സംബന്ധിച്ചാണെങ്കില്‍ പൂര്‍ണമായും കിഴിവ് അവകാശപ്പെടാം.
6. വകുപ്പ് 24 (ബി) പ്രകാരമുള്ള നികുതിയാശ്വാസത്തിനുള്ള പരിധി നിര്‍ണയിക്കുന്നതില്‍ സ്വന്തം താമസത്തിനുള്ള കെട്ടിടം എന്നും വാടകയ്ക്ക് നല്‍കിയ കെട്ടിടം എന്നും വേര്‍തിരിവുണ്ട്. എന്നാല്‍ വകുപ്പ് 80സി-ല്‍ ഈ വിവേചനമില്ല. ഈ വകുപ്പുപ്രകാരം കെട്ടിടം താമസത്തിനുള്ളത് ആയിരിക്കണമെന്ന് മാത്രമേ നിബന്ധനയുള്ളൂ (വാണിജ്യ കെട്ടിടങ്ങള്‍ക്ക് വകുപ്പ് 80 സി ബാധകമല്ല).
7. വകുപ്പ് 80 സി പ്രകാരമുള്ള കിഴിവ് അടവ് നടത്തുമ്പോള്‍ മാത്രമേ ലഭ്യമാകൂ. എന്നാല്‍ വകുപ്പ് 24(ബി)ക്കുള്ള ഇളവ് പലിശ ബാധ്യത വരുമ്പോള്‍ത്തന്നെ (അടവ് നടത്തിയില്ലെങ്കിലും) ലഭ്യമാണ്.
8. വകുപ്പ് 80 സിയിലെ വ്യവസ്ഥ പ്രകാരം കെട്ടിടം അഞ്ചുവര്‍ഷത്തിന് മുന്‍പ് കൈമാറ്റം ചെയ്യാനാവില്ല. അതിന് മുന്‍പ് കൈമാറ്റം ചെയ്താല്‍ ആ വര്‍ഷത്തെ കിഴിവ് അവകാശപ്പെടാനാവില്ലെന്ന് മാത്രമല്ല, മുന്‍പ് അനുവദിച്ച കിഴിവുകള്‍ വില്പന നടത്തുന്ന വര്‍ഷത്തെ വരുമാനമായി പരിഗണിച്ച് നികുതിയും നല്‍കണം. (മൂലധന നേട്ടത്തിന് പുറമെയാണിത്). ഇങ്ങനെ ഒരു നിബന്ധന വകുപ്പ് 24(ബി)യില്‍ ഇല്ല.

വിദ്യാഭ്യാസ വായ്പ

വിദ്യാഭ്യാസം പരോക്ഷമായ നിക്ഷേപം തന്നെയാണ്. അതുകൊണ്ടുതന്നെയാണ് ട്യൂഷന്‍ ഫീസിന് വകുപ്പ് 80സി പ്രകാരം നല്‍കുന്ന കിഴിവുപോലെ തന്നെ വിദ്യാഭ്യാസ വായ്പകളുടെ പലിശയ്ക്കും വ്യവസ്ഥകള്‍ക്ക് വിധേയമായി കിഴിവ് അനുവദിച്ചിരിക്കുന്നത്. ഈ കിഴിവിന് പരിധിയില്ല. പ്രധാന വ്യവസ്ഥകള്‍:

1. സ്വന്തം ഉപരിപഠനത്തിനായോ ജീവിതപങ്കാളി, മക്കള്‍ എന്നിവരുടെ ഉപരിപഠനത്തിനായോ എടുത്ത വിദ്യാഭ്യാസ വായ്പയുടെ പലിശയടവിനാണ് കിഴിവിനര്‍ഹത. 'ഉപരിപഠനം' എന്ന വാക്കിന്റെ നിര്‍വചനം 2009-10 സാമ്പത്തിക വര്‍ഷം മുതല്‍ ഉദാരവത്കരിച്ചത് നികുതിദായകര്‍ക്ക് ആശ്വാസകരമായി. സീനിയര്‍ ഹയര്‍ സെക്കന്‍ഡറി പരീക്ഷ അഥവാ തത്തുല്യ പരീക്ഷ പാസ്സായശേഷം നടത്തുന്ന കോഴ്‌സ് എന്നാണ് നിര്‍വ്വചനം. ഉദാഹരണം വഴി പുതുക്കിയ നിര്‍വ്വചനത്തിന്റെ പ്രയോജനം വ്യക്തമാക്കാം. ഹയര്‍സെക്കന്‍ഡറി പരീക്ഷ പാസ്സായശേഷം കോമേഴ്‌സ്യല്‍ പൈലറ്റ് കോഴ്‌സിനു ചേരാന്‍ വേണ്ടി വായ്പയെടുത്താല്‍ അത് 2008-09വര്‍ഷം വരെ 'ഉപരിപഠനം' എന്ന നിര്‍വ്വചനത്തില്‍ വരുമായിരുന്നില്ല, വകുപ്പ് 80-ഇയുടെ പ്രയോജനവും ലഭിക്കുമായിരുന്നില്ല. എന്നാല്‍ ഇപ്പോള്‍ ഈ കോഴ്‌സിനും ഇതുപോലുള്ള മറ്റു കോഴ്‌സുകള്‍ക്കും അര്‍ഹതയുണ്ട്.

2. ഏതെങ്കിലും സാമ്പത്തിക സ്ഥാപനത്തില്‍ നിന്നോ അംഗീകൃത ധര്‍മ്മസ്ഥാപനത്തില്‍ നിന്നോ എടുത്ത വിദ്യാഭ്യാസ വായ്പകളുടെ പലിശ മാത്രമാണ് കിഴിവിനര്‍ഹതപ്പെട്ടത്. സാമ്പത്തിക സ്ഥാപനം എന്ന പദത്തിന്റെ നിര്‍വ്വചനവും വകുപ്പില്‍ തന്നെ ലഭ്യമാണ്. ഇതുപ്രകാരം 1949ലെ ബാങ്കിങ് റെഗുലേഷന്‍ ആക്ടിന്റെയും പ്രസ്തുത നിയമത്തിലെ 51-ാം വകുപ്പിന്റെയും പരിധിയില്‍ വരുന്ന സ്ഥാപനം അഥവാ കമ്പനി, കേന്ദ്ര സര്‍ക്കാര്‍ പ്രത്യേകം പ്രഖ്യാപിച്ച ധനകാര്യ സ്ഥാപനം എന്നിവ നിര്‍വ്വചനത്തില്‍പ്പെടുന്നു. ആദായ നികുതി നിയമത്തിലെ 10(23സി), 80ജി(2)(എ) എന്നിവ പ്രകാരമുള്ള സ്ഥാപനങ്ങളെയാണ് 'അംഗീകൃത ധര്‍മ്മസ്ഥാപനം' എന്ന പദത്തിന്റെ നിര്‍വ്വചനത്തില്‍ ഉള്‍പ്പെടുത്തിയിരിക്കുന്നത്.

3. പലിശ അടയ്ക്കാന്‍ തുടങ്ങുന്ന വര്‍ഷം മുതല്‍ പിന്നീടുള്ള ഏഴു വര്‍ഷം അഥവാ വായ്പ തീരുന്നവര്‍ഷം വരെ കിഴിവ് അവകാശപ്പെടാം. മുതല്‍ തിരിച്ചടവിന് നികുതിയിളവില്ല.

മെഡിക്ലെയിം

ഭീമമായ ചികിത്സാ ചെലവ് താങ്ങാന്‍ ഉതകുന്ന പദ്ധതിയാണ് മെഡിക്ലെയിം പോളിസികള്‍. ഇതിലേക്ക് അടയ്ക്കുന്ന പ്രീമിയങ്ങള്‍ ആദായനികുതി നിയമത്തിലെ വകുപ്പ് 80ഡി പ്രകാരം കിഴിവിന് അര്‍ഹമാണ്. പ്രധാന വ്യവസ്ഥകള്‍.

1. സ്വന്തം പേരിലോ, ജീവിതപങ്കാളി, മക്കള്‍, മാതാപിതാക്കള്‍ എന്നിവരുടെ പേരിലോ അടയ്ക്കുന്ന പ്രീമിയങ്ങള്‍ക്ക് പൊതുവേ ലഭിക്കുന്ന കിഴിവ് 15000രൂപയാണെങ്കിലും മാതാപിതാക്കള്‍ക്കായി അടയ്ക്കുന്ന പ്രീമിയങ്ങള്‍ക്ക് മറ്റൊരു 15000രൂപവരെ കിഴിവ് ലഭിക്കും. ഇവരിലാരെങ്കിലും സീനിയര്‍ സിറ്റിസണ്‍ ആണെങ്കില്‍ പരിധി 20,000രൂപയായി ഉയരും.
2. ക്യാഷ് ഒഴിച്ച് മറ്റേതു രീതിയിലും പ്രീമിയം അടയ്ക്കാം. (ഉദാ. അക്കൗണ്ട്‌പേയി ചെക്ക്, ഡ്രാഫ്റ്റ്, ഇ-പെയ്‌മെന്റ് തുടങ്ങിയവ).
3. കേന്ദ്ര സര്‍ക്കാരിന്റെ അംഗീകാരമുള്ള മെഡിക്കല്‍ ഇന്‍ഷൂറന്‍സ് പദ്ധതികളിലേക്ക് അടയ്ക്കുന്ന പ്രീമിയങ്ങള്‍ക്ക് മാത്രമാണ് കിഴിവ്.
4. ചികിത്സാച്ചെലവിലേക്കായി ഇന്‍ഷൂറന്‍സ് സ്ഥാപനം നല്‍കുന്ന തുകയ്ക്ക് നികുതി ബാധ്യതയില്ല.

മൊബൈലുകളില്‍ ഇനി ഇന്റര്‍നെറ്റില്ലാതെ ഫെയ്‌സ്ബുക്ക്

2011-05-25T01:00:00.000-07:00

മൊബൈല്‍ ഉപഭോക്താക്കള്‍ക്ക് ഒരു സന്തോഷ വാര്‍ത്ത. ഇന്റര്‍നെറ്റ് കണക്ഷനോ ജി.പി.ആര്‍.എസ് സൗകര്യമോ ഇല്ലാതെ തന്നെ മൊബൈലുകളില്‍ ഇനി ഫെയ്‌സ്ബുക്ക് ലഭിക്കും. ഏതുതരം ഹാന്‍ഡ് സെറ്റുകളിലും ഫെയ്‌സ്ബുക്ക് ലഭ്യമാക്കാനുതകുന്ന പുതിയ ആപ്ലിക്കേഷനാണ് ഇതിന് സഹായിക്കുന്നത്.

സിംഗപ്പൂര്‍ ആസ്ഥാനമായി പ്രവര്‍ത്തിക്കുന്ന സോഫ്റ്റ്‌വെയര്‍ നിര്‍മ്മാതാക്കളായ u20pia ന്ന സ്ഥാപനമാണ് പുതിയ ആപ്ലിക്കേഷന്‍ വികസിപ്പിച്ചിരിക്കുന്നത്. 'അണ്‍സ്‌ട്രെക്‌ച്ചേര്‍ഡ് സപ്ലിമെന്ററി ഡാറ്റ' ( യു.എസ്.എസ്.ഡി) എന്ന ടെക്‌നോളജിയാണ് ഇതിന് സഹായിക്കുന്നതെന്ന് കമ്പനിയുടെ ചീഫ് എക്‌സിക്യൂട്ടിവ് ഓഫീസര്‍ സുമേഷ് മേനോന്‍ പറഞ്ഞു.

മൊബൈല്‍ കമ്പനികള്‍ സാധാരണയായി ഉപയോഗിക്കുന്ന സംവിധാനമാണ് യു.എസ്.എസ്.ഡി. ബാലന്‍സ് വിവരങ്ങളും മറ്റ് സേവനങ്ങളെക്കുറിച്ചുള്ള വിവരങ്ങളും സാധാരണയായി ഈ സംവിധാനത്തിലൂടെയാണ് അറിയിക്കാറുള്ളത്.

എന്നാല്‍ മറ്റുള്ളവരുടെ ഫെയ്‌സ്ബുക്ക് വോള്‍സിലെ അപ്‌ഡേറ്റുകള്‍ കാണാനും കമന്റ് പോസ്റ്റ് ചെയ്യാനും മാത്രമേ പുതിയ സംവിധാനം സഹായിക്കുകയുള്ളു. ചിത്രങ്ങളും ഗ്രാഫിക്‌സുകളും ഒന്നും യു.എസ്.എസ്.ഡിയില്‍ ചെയ്യാന്‍ സാധിക്കില്ല. മൊബൈലിലൂടെ എസ്.എം.എസ് അയക്കുന്നതുപോലെയായിരിക്കും ഇതിന്റെയും പ്രവര്‍ത്തനം- സുരേഷ് മേനോന്‍ പറഞ്ഞു.

ഭാരതി എയര്‍ടെല്ലുമായി ചേര്‍ന്നാണ് കമ്പനി പ്രവര്‍ത്തനം തുടങ്ങിയിരിക്കുന്നത്. എയര്‍ടെല്‍ ഉപഭോക്താക്കള്‍ക്ക് യുഎസ്എസ്ഡി സേവനം സൗജന്യനിരക്കില്‍ ലഭിക്കുന്നതാണ്. അതേസമയം ഫെയ്‌സ്ബുക്കിന്റെ മുഴുവന്‍ സൗകര്യങ്ങള്‍ക്കും ലഭിക്കണമെങ്കില്‍ ദിവസം ഒരു രൂപ സര്‍വീസ് ചാര്‍ജ് നല്‍കണം.

രണ്ടുരൂപയ്ക്ക് 28 കിലോ അരി

2011-05-16T20:56:00.001-07:00

സംസ്ഥാനത്തെ ബി.പി.എല്‍. കാര്‍ഡുടമകള്‍ക്ക് മെയില്‍ രണ്ടുരൂപ നിരക്കില്‍ 28 കിലോ അരിക്കും ഏഴ് കിലോ ഗോതമ്പിനും അര്‍ഹത ഉണ്ടാവുമെന്ന് സിവില്‍ സപ്ലൈസ് ഡയറക്ടര്‍ അറിയിച്ചു. എ.പി.എല്‍. കാര്‍ഡുടമകള്‍ക്ക് കിലോക്ക് 8.90 രൂപ നിരക്കില്‍ പരമാവധി 10 കിലോ വരെ അരിയും 6.70 രൂപ നിരക്കില്‍ രണ്ട് കിലോ വരെ ഗോതമ്പും സ്‌റ്റോക്കിന്റെ ലഭ്യതയ്ക്കനുസരിച്ച് ലഭിക്കും. എ.പി.എല്‍. വിഭാഗത്തില്‍പ്പെട്ട രണ്ടുരൂപ നിരക്കിലുള്ള ഭക്ഷ്യധാന്യവിതരണ പദ്ധതിയില്‍ ഉള്‍പ്പെട്ടവര്‍ക്കും ഈ അളവില്‍ അരിക്കും ഗോതമ്പിനും അര്‍ഹതയുണ്ടാവും. രണ്ടുരൂപ നിരക്കില്‍ ഭക്ഷ്യധാന്യങ്ങള്‍ ലഭിക്കുന്നതിന് അര്‍ഹതയുള്ള എല്ലാ എ.പി.എല്‍. കാര്‍ഡുടമകളും അപേക്ഷാഫോറം റേഷന്‍കാര്‍ഡ് സഹിതം അതത് താലൂക്ക് സപ്ലൈ ഓഫീസില്‍ എത്തിക്കുന്നതിന് റേഷന്‍കടകളില്‍ ഏല്പിക്കണം. അപേക്ഷാഫോറത്തിന്റെ മാതൃക റേഷന്‍കടകളിലും www.civilsupplieskerala.gov.in വെബ്‌സൈറ്റിലും ലഭ്യമാണ്. താലൂക്ക് സപ്ലൈ ഓഫീസില്‍ അപേക്ഷ സ്വീകരിക്കുന്ന അവസാന തീയതി മെയ് 25.

എന്‍ഡോസള്‍ഫാന്‍ ദുരിതബാധിതര്‍ക്ക് സൗജന്യമായി ഭക്ഷ്യധാന്യം ലഭിക്കും. എ.എ.വൈ. വിഭാഗത്തില്‍പ്പെട്ടവര്‍ക്ക് രണ്ടുരുപ നിരക്കില്‍ 35 കിലോ അരി ഓരോ മാസവും ലഭിക്കും. അന്നപൂര്‍ണ കാര്‍ഡുടമകള്‍ക്ക് പ്രതിമാസം 10 കിലോ അരി സൗജന്യമായി നല്‍കും. വൈദ്യുതീകരിക്കാത്ത വീടുകള്‍ക്ക് അഞ്ചുലിറ്റര്‍ മണ്ണെണ്ണയും വൈദ്യുതീകരിച്ച വീടുകള്‍ക്ക് രണ്ടുലിറ്റര്‍ മണ്ണെണ്ണയും പ്രതിമാസം 12.30 മുതല്‍ 12.70 വരെ നിരക്കില്‍ ലഭിക്കും. കിലോഗ്രാമിന് 13.50 നിരക്കില്‍ ബി.പി.എല്‍-എ.എ.വൈ. വിഭാഗത്തിലെ ഓരോ അംഗത്തിനും 400 ഗ്രാം പഞ്ചസാര ഓരോ മാസവും ലഭിക്കും. എ.പി.എല്‍. വിഭാഗത്തില്‍പ്പെട്ടവര്‍ക്ക് കിലോഗ്രാമിന് 12 രൂപ നിരക്കില്‍ കാര്‍ഡൊന്നിന് രണ്ട് കിലോ ആട്ട പ്രതിമാസം കിട്ടും. എ.പി.എല്‍. വിഭാഗത്തില്‍പ്പെട്ടവര്‍ക്ക് ജനവരി മുതല്‍ ജൂണ്‍ വരെ ഒരുമിച്ചോ തവണകളായോ 12.70 നിരക്കിലുള്ള 17 കിലോ അരിയും 9.20 രൂപ നിരക്കില്‍ എട്ട് കിലോ ഗോതമ്പും ലഭിക്കും. പരാതി 18004251550 ടോള്‍ ഫ്രീ നമ്പരിലോ ബന്ധപ്പെട്ട ജില്ലാ / താലൂക്ക് സപ്ലൈ ഓഫീസിലോ അറിയിക്കാം.

Maths Questions in News

2011-03-25T20:04:00.000-07:00

പതിനാലുകാരി സിഇഒ

2011-03-22T01:12:00.000-07:00

നമ്മളില്‍ പലരും ഒരു കമ്പനിയുടെ ചീഫ് എക്‌സിക്യൂട്ടീവ് ഓഫീസറായാല്‍ കൊള്ളാമെന്ന മോഹം മനസ്സില്‍ കൊണ്ടു നടക്കുന്നവരാണ്. പലര്‍ക്കും അത് ഒരു മോഹമായി തന്നെ തുടരും. അത് നടക്കാതെ വരുമ്പോള്‍, 'സിഇഒ ആകാന്‍ പരിചയസമ്പത്തും കഠിനാധ്വാനവുമൊക്കെ വേണം' എന്നു കരുതിയാവും നാം സമാധാനിക്കുക.

ഇവിടെയാണ് 14കാരിയായ സിന്ധുജ രാജാരാമന്‍ വ്യത്യസ്തയാകുന്നത്. ലോകത്തെ തന്നെ ഏറ്റവും പ്രായം കുറഞ്ഞ ചീഫ് എക്‌സിക്യൂട്ടീവ് ഓഫീസര്‍ എന്ന അപൂര്‍വ്വ നേട്ടത്തിന് ഉടമയായിരിക്കുകയാണ് ചെന്നൈ സ്വദേശിയായ ഈ ഒമ്പതാം ക്ലാസ്സുകാരി.

ചെന്നൈ ആസ്ഥാനമായുള്ള സെപ്പന്‍ എന്ന അനിമേഷന്‍ കമ്പനിയുടെ സിഇഒ ആണ് ഈ കൊച്ചുമിടുക്കി. ഈ സ്ഥാനത്തെത്താന്‍ എന്തു യോഗ്യതയാണ് ഈ 'കൊച്ചുപെണ്ണി'ന് എന്ന് സ്വാഭാവികമായും നമുക്ക് സംശയം തോന്നാം. അനിമേഷന്‍ രംഗത്ത് ഇതിനോടകം വ്യക്തിമുദ്ര പതിപ്പിക്കാന്‍ സിന്ധുജയ്ക്ക് ആയിട്ടുണ്ട്. ഐടി കമ്പനികളുടെ കൂട്ടായ്മയായ നാസ്‌കോം കഴിഞ്ഞ വര്‍ഷം ഹൈദരാബാദില്‍ സംഘടിപ്പിച്ച ഗെയിമിങ് ആന്‍ഡ് അനിമേഷന്‍ കോണ്‍ക്ലേവില്‍ ഏറ്റവും വേഗതയാര്‍ന്ന 2ഡി, 3ഡി അനിമേറ്ററായിരുന്നു ഇവള്‍. കോറെല്‍ കോര്‍പ്പറേഷന്‍ സര്‍ട്ടിഫൈ ചെയ്ത ഏറ്റവും പ്രായം കുറഞ്ഞ കാരിക്കേച്ചറിസ്റ്റും.

അനിമേറ്റര്‍ എന്ന നിലയില്‍ താന്‍ അഭിമാനിക്കുന്നുവെന്നും സിഇഒ എന്നത് ഒരു സ്ഥാനം മാത്രമാണെന്നുമാണ് സിന്ധുജയുടെ പക്ഷം.

''അനിമേഷന്‍ രംഗത്ത് പ്രായപരിധികള്‍ ഒന്നും തന്നെയില്ല. കഴിവുണ്ടെങ്കില്‍ ഏതു പ്രായക്കാര്‍ക്കും ഈ രംഗത്തേക്ക് കടന്നുവരാം. അത് കൊച്ചുകുട്ടിയാവട്ടെ പ്രായമുള്ളയാളാവട്ടെ''സിന്ധുജയുടെ വാക്കുകളില്‍ ഒരു സിഇഒയുടെ ഗൗരവം.

ഇന്ത്യയില്‍ അനിമേഷന് അനന്തസാധ്യതയാണെന്നും രാജ്യത്ത് വലിയൊരു അനിമേഷന്‍ ബൂം തന്നെ ഉണ്ടാവുമെന്നും അവള്‍ പറയുന്നു. ഇത് മുന്നില്‍ കണ്ടാണ് പല മുന്‍നിര കമ്പനികളും അനിമേഷന്‍ രംഗത്തേക്ക് ചുവടുവെയ്ക്കുന്നത്. എല്ലാവര്‍ക്കും അനിമേഷനും മള്‍ട്ടിമീഡിയയും വേണമെന്ന അവസ്ഥയാണ് ഇപ്പോള്‍. മത്സരം വെല്ലുവിളി സൃഷ്ടിക്കുന്നുണ്ടെങ്കിലും താന്‍ അത് ആസ്വദിക്കുന്നുണ്ടെന്ന് സിന്ധുജ പറയുന്നു.

ലോകത്തെ ഏറ്റവും പ്രായം കുറഞ്ഞ സിഇഒ എന്ന നിലയില്‍ ഉടന്‍ തന്നെ ഗിന്നസ് ബുക്കിന്റെ താളുകളില്‍ ഇടം നേടും സിന്ധുജ. അനിമേഷന്‍ രംഗത്ത് ഇനിയും പഠിക്കാന്‍ ഏറെയുണ്ടെന്ന് വിശ്വസിക്കുന്ന സിന്ധുജയുടെ ലക്ഷ്യം കാനഡയിലെ വാന്‍കോവര്‍ ഫിലിം സ്‌കൂളില്‍ അനിമേഷനില്‍ ഉപരിപഠനം നടത്തുക എന്നതാണ്. പിന്നെ 'സെപ്പന്‍ അനിമേഷ'നെ വലിയൊരു അനിമേഷന്‍ കമ്പനിയായി വളര്‍ത്തണം. തന്നെക്കൊണ്ട് അത് സാധ്യമാണെന്ന് സിന്ധുജയുടെ വാക്കുകളില്‍ നിന്ന് വായിച്ചെടുക്കാം.

കേരളത്തിന് 13 പുതിയ വണ്ടികള്‍

2011-02-26T06:10:00.000-08:00

ന്യൂഡല്‍ഹി: യാത്ര, ചരക്കുകൂലി കൂട്ടാതെ തുടര്‍ച്ചയായി മൂന്നാംതവണ മന്ത്രി മമതാബാനര്‍ജി റെയില്‍വേ ബജറ്റ് അവതരിപ്പിച്ചു. ജനപക്ഷത്തുള്ളതെന്നാണ് 2011-12 വര്‍ഷത്തേക്കുള്ള ബജറ്റിനെ മമത വിശേഷിപ്പിക്കുന്നത്. നിയമസഭാതിരഞ്ഞെടുപ്പ് മുന്നില്‍കണ്ട് പശ്ചിമബംഗാളിനും കേരളത്തിനും അനുകൂലമായ പ്രഖ്യാപനങ്ങളേറെ. ഇത് പ്രതിപക്ഷത്തിന്റെ രൂക്ഷവിമര്‍ശത്തിനും ഇടയാക്കി.

ഇന്ത്യന്‍ റെയില്‍വേയുടെ ചരിത്രത്തിലാദ്യമായി വരുമാനം ഒരു ലക്ഷം കോടിരൂപ കവിയുമെന്ന് ബജറ്റ് പ്രഖ്യാപിക്കുന്നു. എന്നാല്‍ കടുത്ത പ്രതിസന്ധിയിലാണ് റെയില്‍വേയെന്ന് മമത ബജറ്റ്പ്രസംഗത്തില്‍ പറഞ്ഞു.

മന്‍മോഹന്‍സിങ്ങ് സര്‍ക്കാറിന്റെ കാലത്ത് തുടര്‍ച്ചയായി എട്ടാംതവണയാണ് നിരക്കുവര്‍ധനയില്ലാതെ റെയില്‍ബജറ്റ് അവതരിപ്പിക്കുന്നത്.

* ചരിത്രത്തിലെ ഉയര്‍ന്ന പദ്ധതിവിഹിതം; -57,630 കോടി

* വരുമാനം ഒരു ലക്ഷം കോടി കവിയും

* 56 പുതിയ എക്‌സ്പ്രസ് തീവണ്ടികള്‍, മൂന്ന് ശതാബ്ദി വണ്ടികളും ഒമ്പത് തുരന്തോ ട്രെയിനുകളും.

* 1,300 കിലോമീറ്റര്‍ പുതിയ റെയില്‍പ്പാത. 867 കിലോമീറ്റര്‍ പാത ഇരട്ടിപ്പിക്കും. 1,017 കിലോമീറ്റര്‍ ഗേജ് മാറ്റം.

* പുതിയ റെയില്‍പാതയ്ക്കായി 9,583 കോടി.

* പുതിയ സൂപ്പര്‍ എ.സി. ക്ലാസ് തുടങ്ങുന്നു

* 236 റെയില്‍വേസ്റ്റേഷനുകള്‍ പുതുതായി 'ആദര്‍ശ്' പദവിയിലേക്ക്

* യാത്രാവണ്ടികളുടെ വേഗം മണിക്കൂറില്‍ 160-200 കിലോമീറ്ററാക്കുന്നതിനെക്കുറിച്ച് സാധ്യതാപഠനം.

* സമഗ്രസാമൂഹികവികസനത്തിനായി പ്രധാനമന്ത്രിയുടെ റെയില്‍ വികാസ് പദ്ധതി.

* ജയ്പുര്‍-ഡല്‍ഹി, അഹമ്മദാബാദ്-മുംബൈ റൂട്ടുകളില്‍ എ.സി. ഡബിള്‍ ഡക്കര്‍ ട്രെയിന്‍ സര്‍വീസ്.

* സ്വാമി വിവേകാനന്ദന്റെ സ്മരണാര്‍ഥം നാല് 'വിവേക് എക്‌സ്പ്രസ്' വണ്ടികള്‍.

* രവീന്ദ്രനാഥ ടാഗോറിന്റെ 150-ാം ജന്മവാര്‍ഷികം പ്രമാണിച്ച് നാല് 'കവിഗുരു എക്‌സ്പ്രസ്' വണ്ടികള്‍.

* സംസ്ഥാനതലസ്ഥാനങ്ങളെയും പ്രധാന നഗരങ്ങളെയും ബന്ധിപ്പിച്ച് 10 'രാജ്യറാണി' എക്‌സ്പ്രസ്സുകള്‍.

* വിനോദസഞ്ചാരം പ്രോത്സാഹിപ്പിക്കാന്‍ നാല് റൂട്ടുകളില്‍ 'ജന്മഭൂമി ഗൗരവ്' എക്‌സ്പ്രസ്സുകള്‍.

* 33 വണ്ടികളുടെ യാത്രാലക്ഷ്യം ദീര്‍ഘിപ്പിച്ചു.

* 17 വണ്ടികളുടെ സര്‍വീസുകളുടെ എണ്ണം കൂട്ടി.

* പഌറ്റ്‌ഫോമില്‍ യാത്രക്കാര്‍ക്ക് ലഗേജ് കൊണ്ടുപോകാന്‍ ട്രോളി സൗകര്യം

* 107 പുതിയ റെയില്‍പ്പാതകളുടെ സര്‍വേ.

* 1,000 കിലോമീറ്റര്‍ റെയില്‍പ്പാത വൈദ്യുതീകരിക്കും.

* ഗ്രൂപ്പ്- സി, ഡി തസ്തികകളിലായി 1.75 ലക്ഷം ഒഴിവുകള്‍ നികത്തും. മാര്‍ച്ചോടെ 16,000 വിമുക്തഭടന്മാരെ റെയില്‍വേയില്‍ നിയമിക്കും.

* പതിനഞ്ച് പോളിടെക്‌നിക്കുകള്‍ തുടങ്ങും.

സുരക്ഷയ്ക്കായി

* തീവണ്ടികളുടെ കൂട്ടിയിടി ഒഴിവാക്കാനുള്ള പ്രത്യേക സംവിധാനം (എ.സി.ഡി.) പുതിയ എട്ട് റെയില്‍വേ സോണുകളിലേക്കുകൂടി.

* പുകമഞ്ഞില്‍ സുരക്ഷിത യാത്രയ്ക്കായി വണ്ടികളില്‍ ജി.പി.എസ്. അധിഷ്ഠിത സംവിധാനം ഏര്‍പ്പെടുത്തും.

* റോഡ് യാത്രികര്‍ കുറഞ്ഞ ഭാഗങ്ങളില്‍ ആളില്ലാ ലെവല്‍ക്രോസ് ഒഴിവാക്കും.

* 200 മേല്‍പ്പാലങ്ങളും 325 സബ്‌വേകളും പണിയും.

* സുരക്ഷിതയാത്ര ഉറപ്പാക്കാന്‍ സംസ്ഥാനങ്ങള്‍ക്ക് സ്‌പെഷല്‍ പാക്കേജായി രണ്ടു തീവണ്ടികളും രണ്ടു പദ്ധതികളും.

* അഖിലേന്ത്യാതലത്തില്‍ ഒറ്റനമ്പറിലുള്ള ഹെല്‍പ്‌ലൈന്‍.

ഹരിത ഊര്‍ജവര്‍ഷം

* 2011-'12 'റെയില്‍ ഹരിതഊര്‍ജ വര്‍ഷ'മായി ആചരിക്കും.

* ഇതിന്റെ ഭാഗമായി സൗരോര്‍ജം, ജൈവഇന്ധനം തുടങ്ങിയവ കൂടുതലായി പ്രയോജനപ്പെടുത്തും.

* റെയില്‍വേ ഭവനങ്ങളിലേക്ക് 14 ലക്ഷം സി.എഫ്.എല്ലുകള്‍.

കേരളത്തിന് 13 പുതിയ വണ്ടികള്‍

* പതിമൂന്ന് പുതിയ തീവണ്ടികളും ആലപ്പുഴയില്‍ വാഗണ്‍ ഫാക്ടറി എന്ന വാഗ്ദാനവുമാണ് തിരഞ്ഞെടുപ്പിലേക്കു നീങ്ങുന്ന കേരളത്തിനു മുന്നില്‍ മമതാ ബാനര്‍ജിയുടെ തുരുപ്പുചീട്ടുകള്‍.

* എന്നാല്‍, പാതയിരട്ടിപ്പിക്കല്‍, വൈദ്യുതീകരണം, സംസ്ഥാനത്തിനകത്തെ റെയില്‍ ബന്ധമില്ലായ്മ തുടങ്ങിയ പ്രശ്‌നങ്ങള്‍ക്ക് പരിഹാരമില്ല. പാലക്കാട് കോച്ച് ഫാക്ടറിയും കടലാസില്‍ തുടരും.

* നാഗര്‍കോവില്‍-തിരുവനന്തപുരം തീവണ്ടി കൊച്ചുവേളി വരെ നീട്ടി

* ഷൊര്‍ണൂര്‍-എറണാകുളം റൂട്ടില്‍ ആഴ്ചയില്‍ ആറ് ദിവസം ഓടിയിരുന്ന പാസഞ്ചര്‍ ദിവസേനയാക്കി

* പാലക്കാട്-പൊള്ളാച്ചി ഗേജ്മാറ്റം ഈ വര്‍ഷം പൂര്‍ത്തിയാക്കും

* മാവേലിക്കര-ചെങ്ങന്നൂര്‍, കായംകുളം-ഹരിപ്പാട് പാതയിരട്ടിപ്പിക്കല്‍ ഈ വര്‍ഷം പൂര്‍ത്തിയാക്കും

* മധുര-കോട്ടയം, എരുമേലി-പുനലൂര്‍-തിരുവനന്തപുരം, മധുര-എറണാകുളം പാതയുടെ സര്‍വെ നടപടികള്‍ ഈ വര്‍ഷം

* നേമത്തും കോട്ടയത്തും പാസഞ്ചര്‍ ടെര്‍മിനലുകള്‍.

* കണ്ണൂര്‍ - മട്ടന്നൂര്‍, തലശ്ശേരി - മൈസൂര്‍ ലൈനുകളുടെ സര്‍വേ.

* ഹൈ സ്പീഡ് പാസഞ്ചര്‍ കോറിഡോറുകളുടെ സാധ്യതാ പഠനത്തില്‍ ചെന്നൈ- ബാംഗ്ലൂര്‍ - കോയമ്പത്തൂര്‍ - എറണാകുളം റൂട്ടും.

* കേരളത്തില്‍ പണി തുടങ്ങുന്ന പുതിയ ലൈനുകള്‍ അങ്കമാലി - ശബരിമലയും തിരുനാവായ - ഗുരുവായൂരുമാണ്.

* അങ്കമാലി - ശബരിമല ലൈനിന് (116 കി.മി.) 550 കോടി രൂപ ചെലവ് വരുമെന്നാണ് പുതിയ എസ്റ്റേിമേറ്റ്. പുതിയ ബജറ്റില്‍ 83 കോടി രൂപ അനുവദിച്ചു. പണി പൂര്‍ത്തിയാക്കാന്‍ 379.6 കോടികൂടി വേണ്ടിവരും.

* തിരുനാവായ - ഗുരുവായൂര്‍ ലൈനിന് (35 കി.മീ) 6.66 കോടി. പണി പൂര്‍ത്തിയാക്കാന്‍ 96.8 കോടി കൂടി വേണ്ടി വരും.

പുതിയ തീവണ്ടികള്‍

ബിലാസ്പുര്‍ - എറണാകുളം എക്‌സ്പ്രസ്സ്(പ്രതിവാരം)
എറണാകുളം ബാംഗ്ലൂര്‍ എക്‌സ്പ്രസ്സ്(പ്രതിവാരം)
മംഗലാപുരം - പാലക്കാട് ഇന്റര്‍സിറ്റി(പ്രതിദിനം)
എറണാകുളം- ആലപ്പുഴ - കൊല്ലം മെമു കൊല്ലം - നാഗര്‍കോവില്‍ മെമു
ഹൗറ - മംഗലാപുരം (പാലക്കാട് വഴി)
പോര്‍ബന്തര്‍- കൊച്ചുവേളി എക്‌സ്പ്രസ്സ്(കൊങ്കണ്‍ വഴി-പ്രതിവാരം)
ചെന്നൈ- പുതുച്ചേരി - തിരുവനന്തപുരം സ്റ്റുഡന്റ്‌സ് എക്‌സ്പ്രസ്സ്
ദിബ്രുഗഢ് - തിരുവനന്തപുരം - കന്യാകുമാരി വിവേക് എക്‌സ്പ്രസ്സ്
ചെന്നൈ- തിരുവനന്തപുരം തുരന്തോ(ആഴ്ചയില്‍ രണ്ടുദിവസം)
നിലമ്പൂര്‍ - തിരുവനന്തപുരം ലിങ്ക് എക്‌സ്പ്രസ്സ്(പ്രതിദിനം)
ഭവ്‌നഗര്‍- കൊച്ചുവേളി എക്‌സ്പ്രസ്സ്(കൊങ്കണ്‍ വഴി-പ്രതിവാരം)
ഗോവ വാസ്‌കോ-മംഗലാപുരം-കോഴിക്കോട്-പാലക്കാട്-വേളാങ്കണ്ണി എക്‌സ്പ്രസ്(പ്രതിവാരം)

ആറന്മുള പൊന്നമ്മ അന്തരിച്ചു

2011-02-21T06:45:00.000-08:00

തിരുവനന്തപുരം: മലയാള സിനിമയിലെ അമ്മ ആറന്മുള്ള പൊന്നമ്മ (96) അന്തരിച്ചു. തിങ്കളാഴ്ച വൈകിട്ട് ആറു മണിയോടെ തിരുവനന്തപുരത്തെ സ്വകാര്യ ആസ്പത്രിയിലായിരുന്നു അന്ത്യം. വാര്‍ധക്യസഹജമായ അസുഖങ്ങള്‍ മൂലം ഏറെ നാളായി ചികിത്സയിലായിരുന്നു. സംസ്‌കാരം ചൊവ്വാഴ്ച്ച തിരുവനന്തപുരത്ത് നടക്കും. നടന്‍ സുരേഷ് ഗോപിയുടെ ഭാര്യ രാധികയുടെ അമ്മൂമ്മയാണ് ആറന്‍മുള പൊന്നമ്മ. സുരേഷ് ഗോപിയുടെ വീട്ടിലായിരുന്നു താമസം. ഭര്‍ത്താവ് കൃഷ്ണപിള്ളയും മകന്‍ ഡോ. രാജശേഖരനും മകള്‍ രാജമ്മയും ഇപ്പോള്‍ ജീവിച്ചിരിപ്പില്ല. ഗൗരീശങ്കരം എന്ന ചിത്രത്തിലാണ് അവസാനമായി വേഷമിട്ടത്.

മേലേടത്ത് കേശവപിള്ളയുടേയും പാറുക്കുട്ടിയമ്മയുടേയും അഞ്ച് മക്കളില്‍ ഒരാളായി പത്തനംതിട്ട ജില്ലയിലെ ആറന്മുളയിലായിരുന്നു പൊന്നമ്മയുടെ ജനനം. പൊന്നമ്മയ്ക്ക് ഒമ്പത് വയസുള്ളപ്പോള്‍ പിതാവ് മരിച്ചു. ചെറുപ്പം മുതലേ കര്‍ണാടക സംഗീതം അഭ്യസിച്ച പൊന്നമ്മ. 14 ാം വയസില്‍ പാലായിലെ ഒരു പ്രൈമറി സ്‌കൂളില്‍ സംഗീതാധ്യാപികയായി .പിന്നീട് സ്വാതിതിരുന്നാള്‍ മ്യൂസിക് അക്കാദമിയില്‍ തുടര്‍ പഠനത്തിനുശേഷം തിരുവനന്തപുരം കോട്ടണ്‍ഹില്‍ ഗേള്‍സ് ഹൈസ്‌കൂളില്‍ സംഗീതാധ്യാപികയായി. സ്‌കൂള്‍ പഠനകാലത്ത് ഫിലിപ്പോസ് മാര്‍ ക്രിസോസ്റ്റത്തിന്റെ സഹപാഠിയായിരുന്നു പൊന്നമ്മ.

ഗായകന്‍ യേശുദാസിന്റെ അച്ഛനായ അഗസ്റ്റിന്‍ ജോസഫിന്റെ നായികയായി 29 ാം വയസില്‍ ഭാഗ്യലക്ഷ്മി എന്ന നാടകത്തിലൂടെയാണ് പൊന്നമ്മ അഭിനയരംഗത്തേയ്ക്ക് വന്നത്. തുടര്‍ന്ന് അവര്‍ നാടകങ്ങളില്‍ സജീവമായി. 1950ല്‍ പുറത്തിറങ്ങിയ ശശിധരന്‍ എന്ന ചലച്ചിത്രത്തില്‍ മിസ് കുമാരിയുടെ അമ്മയായി അഭിനയിച്ചുകൊണ്ടാണ് ചലച്ചിത്രരംഗത്തേക്ക് എത്തിയത്. അതേവര്‍ഷം തിക്കുറിശ്ശി നായകനായ അമ്മ എന്ന ചിത്രത്തിലും പൊന്നമ്മ അമ്മ വേഷം ചെയ്തു.

തുടര്‍ന്ന് പൊന്നമ്മയെ തേടിവന്നതെല്ലാം അമ്മ വേഷങ്ങളായിരുന്നു. അറുപത് വര്‍ഷങ്ങളോളം അഭിനയരംഗത്ത് ഉണ്ടായിരുന്ന ആറന്മുള പൊന്നമ്മ തിക്കുറിശ്ശി, പ്രേം നസീര്‍, സത്യന്‍, സുകുമാരന്‍, മമ്മൂട്ടി, മോഹന്‍ലാല്‍, സുരേഷ് ഗോപി എന്നിവരുടെയല്ലാം അമ്മയായി അഭിനയിച്ചിട്ടുണ്ട്. 1995 ല്‍ അടൂരിന്റെ കഥാപുരുഷന്‍ എന്ന സിനിമയിലെ അഭിനയത്തിന് സഹനടിക്കുള്ള ദേശീയ പുരസ്‌കാരവും 2006ല്‍ സമഗ്ര സംഭാവനയ്ക്കുള്ള കേരള സര്‍ക്കാരിന്റെ ജെ.സി. ഡാനിയേല്‍ പുരസ്‌കാരവും നിരവധി തവണ സംസ്ഥാന ബഹുമതിയും ലഭിച്ചിട്ടുണ്ട്.

ശശിധരന്‍ എന്ന ചിത്രത്തില്‍ തുടങ്ങി അഴിയാത്ത ബന്ധങ്ങള്‍, പത്താമുദയം, ഓപ്പോള്‍, തീക്കടല്‍, ഹൃദയം ഒരു ക്ഷേത്രം, വിരുതന്‍ ശങ്കു, കാവാലം ചുണ്ടന്‍, കണ്ടം ബെച്ച കോട്ട്, അമ്മ, സിന്ദൂരരേഖ, ആകാശദൂത്, അദൈ്വതം, ഒരു സായാഹ്നത്തിന്റെ സ്വപ്‌നം, അച്ചുവേട്ടന്റെ വീട്, രാരീരം, ജനാധിപത്യം, ലേലം, കഥാപുരുഷന്‍, പുതുക്കോട്ടയിലെ പുതുമണവാളന്‍ തുടങ്ങി നൂറുകണക്കിന് ചിത്രങ്ങളില്‍ വേഷമിട്ട ആറന്‍മുള പൊന്നമ്മ മൂന്ന് സിനിമാ തലമുറകള്‍ക്കൊപ്പം അമ്മ-അമ്മൂമ്മ വേഷങ്ങളില്‍ തിളങ്ങിയ നടിയാണ്.

അധ്യാപകര്‍ക്ക് രജിസ്‌ട്രേഷനും ലൈസന്‍സും വരുന്നു

2011-02-18T19:00:00.001-08:00

തിരുവനന്തപുരം: മറ്റ് പ്രൊഫഷണലുകളിലെന്നപോലെ അധ്യാപകര്‍ക്കും രജിസ്‌ട്രേഷനും ലൈസന്‍സും ഏര്‍പ്പെടുത്തുന്നു. മെഡിക്കല്‍ കൗണ്‍സില്‍, ബാര്‍ കൗണ്‍സില്‍ എന്നിവയ്ക്കു സമാനമായി എന്‍. സി. ടി. ഇയുടെ നേതൃത്വത്തില്‍ അധ്യാപക യോഗ്യത നേടുന്നവര്‍ക്ക് രജിസ്‌ട്രേഷനുള്ള സംവിധാനം ഉണ്ടാക്കും. രജിസ്ട്രഷന്‍ ലഭിക്കുന്നവര്‍ക്കേ അധ്യാപക ജോലിയില്‍ പ്രവേശിക്കാന്‍ അവസരമുണ്ടാകൂ. ലൈസന്‍സ് ലഭിക്കുന്നവര്‍ക്ക് ഇന്ത്യയിലെവിടെയും അധ്യാപക ജോലിയില്‍ പ്രവേശിക്കുകയും ചെയ്യാം.

കേന്ദ്ര സര്‍ക്കാര്‍ രൂപം നല്‍കിയ അധ്യാപകര്‍ക്കുള്ള മാര്‍ഗ്ഗനിര്‍ദേശക ചട്ടങ്ങളിലാണ് ഇത് സംബന്ധിച്ച നിര്‍ദേശങ്ങളുള്ളത്. ഇതിന്മേല്‍ അഭിപ്രായമറിയിക്കണമെന്നാവശ്യപ്പെട്ട് കേന്ദ്രം സംസ്ഥാനങ്ങള്‍ക്ക് കത്ത് നല്‍കിയിട്ടുണ്ട്. വിദ്യാഭ്യാസ അവകാശ നിയമം നടപ്പാക്കുന്നതിന്റെ ഭാഗമായാണ് അധ്യാപകര്‍ക്ക് പെരുമാറ്റച്ചട്ടം ഏര്‍പ്പെടുത്തുന്നത്. രജിസ്‌ട്രേഷനുള്ള സംവിധാനം സംസ്ഥാനതലത്തില്‍ ഏര്‍പ്പെടുത്തണമെന്നും വിവിധ സംസ്ഥാനങ്ങളിലുള്ളവയുടെ ഏകോപനമായിരിക്കണം ദേശീയതലത്തില്‍ വരേണ്ടതെന്നുമാണ് സംസ്ഥാനത്തിന്റെ അഭിപ്രായം. മറ്റ് പ്രൊഫഷണലുകളില്‍ ഈ മാതൃകയാണ് നിലനില്‍ക്കുന്നത്.

അധ്യാപകരാകുന്നതിനുള്ള വിദ്യാഭ്യാസ യോഗ്യത നേടിക്കഴിഞ്ഞാല്‍ ഇതിനുള്ള രാജിസ്‌ട്രേഷന്‍ നേടണം. അപേക്ഷകന്‍ നേടിയ വിദ്യാഭ്യാസ യോഗ്യത അംഗീകാരമുള്ളതാണോയെന്ന് രജിസ്‌ട്രേഷന്‍ സമയത്ത് പരിശോധിക്കും. സാധാരണ അതാത് വിദ്യാഭ്യാസ ഓഫീസുകളിലാണ് ഇവ പരിശോധിക്കുക.

രജിസ്ട്രഷന്‍ കിട്ടുന്ന സമയത്ത് അധ്യാപകര്‍ പ്രതിജ്ഞയും എടുക്കണം. അധ്യാപകവൃത്തിയുടെ അന്തസ്സും ആഭിമാനവും കാത്തുസൂക്ഷിക്കാന്‍ താന്‍ ശ്രമിക്കുമെന്നും പെരുമാറ്റച്ചട്ടം അനുസരിക്കുമെന്നുമാണ് പ്രതിജ്ഞ.

സ്വകാര്യ ട്യൂഷന്‍ എടുക്കുന്നതിനെ പെരുമാറ്റച്ചട്ടം വിലക്കുന്നു. അധ്യയന സമയത്തിന് മുമ്പും പിമ്പും ട്യൂഷന്‍ എടുക്കുന്നത് അധ്യാപകരുടെ പ്രകടനത്തെ ബാധിക്കും. കൂടാതെ ട്യൂഷന്‍ എടുക്കുന്ന കുട്ടികള്‍ക്ക് കൂടുതല്‍ പരിഗണന നല്‍കാനും ഇത് കാരണമാകും. കുട്ടികളെ ഭീഷണിപ്പെടുത്തുകയോ, ശാരീരികമായോ, മാനസ്സികമായോ ബുദ്ധിമുട്ടിക്കുകയോ ചെയ്യരുത്. അടിക്കുക, മണിക്കൂറുകളോളം മുട്ടേല്‍ നിര്‍ത്തുക, ശാരീരിക ക്ഷതമേല്പിക്കുക, ലൈംഗികമായി ചൂഷണം നടത്തുക, ഒറ്റക്ക് ക്ലാസ് മുറിയില്‍ പൂട്ടിയിടുക, മൈതാനത്ത് ഓടിക്കുക തുടങ്ങി നിരവധി ശിക്ഷാരീതികള്‍ രാജ്യത്ത് നിലവിലുണ്ട്. എന്നാല്‍ ഇത്തരം ശിക്ഷകള്‍ക്ക് കുട്ടികളെ വിധേയമാക്കരുത്.

കുട്ടികളില്‍ നിന്നോ രക്ഷിതാക്കളില്‍ നിന്നോ സമ്മാനങ്ങള്‍ വാങ്ങരുതെന്നും പെരുമാറ്റച്ചട്ടം വ്യവസ്ഥ ചെയ്യുന്നു. എന്നാല്‍ അധ്യാപകരോടുള്ള അടുപ്പംകൊണ്ട് ആശംസാ കാര്‍ഡ്, പൂവ് എന്നിവ ചില കുട്ടികള്‍ നല്‍കിയെന്ന് വരും. അവ വാങ്ങുന്നതില്‍ തെറ്റില്ല. ഇതിനപ്പുറം മറ്റ് സമ്മാനങ്ങള്‍ കൈപ്പറ്റരുത്. വിലപിടിപ്പുള്ള സമ്മാനങ്ങള്‍ നല്‍കുന്ന കുട്ടി ഇന്‍േറണല്‍ അസസ്‌മെന്റിലും മറ്റും കൂടുതല്‍ പരിഗണന പ്രതീക്ഷിക്കുന്നുണ്ടാകും. അധ്യാപകര്‍ തമ്മില്‍ ഗ്രൂപ്പ് തിരിഞ്ഞ് ചെളിവാരിയെറിയുന്നതും പരാതി നല്‍കുന്നതും വിലക്കുന്നു. ജൂനിയര്‍ അധ്യാപകര്‍ക്ക് എല്ലാ പ്രവൃത്തികളിലും മുതിര്‍ന്ന അംഗങ്ങള്‍ പങ്കാളിത്തം നല്‍കണം. കുട്ടികളുടെ ശാരീരികവും സാമൂഹ്യവും ബൗദ്ധികവും ധാര്‍മികവും ആത്മീയവുമായ വികാസത്തിന്റെ ഉത്തരവാദിത്വം അധ്യാപകര്‍ക്കാണ്. ജാതി, മതം, സാമ്പത്തികസ്ഥിതി, ഭാഷ, ജന്മസ്ഥലം എന്നിവയുടെ അടിസ്ഥാനത്തില്‍ വിവേചനമില്ലാതെ കുട്ടികളോട് ഇടപെടാന്‍ അധ്യാപകര്‍ക്ക് കഴിയണം.

പെരുമാറ്റച്ചട്ടം ലംഘിക്കുന്നവരുടെ അധ്യാപക ലൈസന്‍സ് റദ്ദാക്കുന്നതുള്‍പ്പെടെയുള്ള അച്ചടക്ക നടപടി സ്വീകരിക്കാന്‍ വ്യവസ്ഥയുണ്ട്. എന്നാല്‍ അതിനുള്ള അധികാരം ദേശീയ സമിതിക്കായിരിക്കും. ശുപാര്‍ശ സംസ്ഥാന കമ്മിറ്റി നല്‍കണം. പെരുമാറ്റച്ചട്ടത്തിന്മേലുള്ള സംസ്ഥാനത്തിന്റെ അഭിപ്രായം കേന്ദ്രത്തെ അറിയിക്കും. അതിനായി അധ്യാപക സംഘടനകളുമായുള്ള ചര്‍ച്ചകള്‍ സര്‍ക്കാര്‍ ആരംഭിച്ചിട്ടുണ്ട്.

പോസ്റ്റല്‍ സ്റ്റാംപില്‍ ഇനി സ്വന്തം ഫോട്ടോ

2011-02-04T09:54:00.000-08:00

ന്യൂഡല്‍ഹി: സ്വന്തം മുഖചിത്രം പോസ്റ്റല്‍ സ്റ്റാംപില്‍ കാണണമെന്നുണ്ടോ? ഇന്ത്യാ പോസ്റ്റ് അതിന് അവസരമൊരുക്കുന്നു. 'മൈ സ്റ്റംപ്' എന്ന പേരിലുള്ള ഈ പദ്ധതി ഫിബ്രവരി 12ന് ആരംഭിക്കും.

പോസ്റ്റല്‍ സേവനത്തെ കൂടുതല്‍ ജനപ്രിയമാക്കി കൊണ്ട് നഷ്ടപ്രതാപം വീണ്ടെടുക്കുകയാണ് ഇതുവഴി ലക്ഷ്യമിടുന്നത്. മൈ സ്റ്റാംപിലൂടെ കൂടുതല്‍ വ്യക്തിഗത സേവനം ലഭ്യമാക്കാന്‍ ഇന്ത്യാ പോസ്റ്റിനാകും. സ്വന്തം ചിത്രത്തോടെയുള്ള സ്റ്റാംപുകള്‍ കത്തുകളില്‍ ഒട്ടിക്കാന്‍ അവസരം വരുന്നതോടെ, സ്വകാര്യ കൊറിയര്‍ കമ്പനികളുടെ സേവനം വിട്ട്, ഒട്ടേറെ പേര്‍ പോസ്റ്റല്‍ സേവനം പ്രയോജനപ്പെടുത്താനെത്തുമെന്നാണ് പോസ്റ്റല്‍ വകുപ്പിന്റെ കണക്കുകൂട്ടല്‍.

കഴിഞ്ഞ അഞ്ച് വര്‍ഷത്തോളമായി ഇന്ത്യാ പോസ്റ്റിന്റെ വരുമാനം കുത്തനെ ഇടിയുകയാണ്. പോസ്റ്റല്‍ സേവനം ഉപയോഗിക്കുന്ന വ്യക്തികളുടെ എണ്ണം നാള്‍ക്കുനാള്‍ കുറയുകയും ചെയ്യുന്നു. ഇപ്പോഴത്തെ കുട്ടികള്‍ പലരും സ്റ്റാംപ് ഉപയോഗിച്ചിട്ടുപോലുമില്ലെന്ന് പോസ്റ്റല്‍ വകുപ്പിലെ ഒരു ഉദ്യോഗസ്ഥ പറയുന്നു.

കുട്ടികളെ ആകര്‍ഷിക്കാനായുള്ള സ്റ്റാംപുകളും ഇന്ത്യാപോസ്റ്റ് പുറത്തിറക്കും. മൃഗങ്ങളുടേയും മറ്റും ചിത്രങ്ങളോടുകൂടിയ വര്‍ണാഭമായ സ്റ്റാംപുകളായിരിക്കും ഇവ.

വ്യക്തിഗത സ്റ്റംപുകള്‍ വിജയിച്ചാല്‍ കമ്പനികള്‍ക്ക് അവരുടെ ലോഗോ സ്റ്റാംപില്‍ ഉള്‍പ്പെടുത്താനുള്ള അവസരവുമൊരുക്കും. അതോടെ, റിലയന്‍സിന്റെയും ടാറ്റയുടെയും വിപ്രോയുടെയുമൊപ്പം ലോഗോയോടു കൂടിയ സ്റ്റാംപുകള്‍ വ്യാപകമാകും.

വ്യക്തിഗത സ്റ്റംപുകള്‍ വര്‍ഷങ്ങള്‍ക്ക് മുമ്പ് തന്നെ ഇംഗ്ലണ്ടും അമേരിക്കയുമൊക്കെ നടപ്പാക്കിയിട്ടുള്ള താണ്.

പ്രായപരിധി ആറായി; വരും കൊല്ലം ഒന്നാം ക്ലാസില്‍ കുട്ടികള്‍ ഉണ്ടാകില്ല

2011-02-02T19:14:00.001-08:00

തിരുവനന്തപുരം: കേന്ദ്ര വിദ്യാഭ്യാസ അവകാശ നിയമം നടപ്പാക്കാന്‍ തീരുമാനിച്ചതോടെ ജൂണില്‍ തുടങ്ങുന്ന അടുത്ത അധ്യയന വര്‍ഷം കേരളത്തിലെ സ്‌കൂളുകളില്‍ ഒന്നാം ക്ലാസില്‍ കുട്ടികള്‍ ഉണ്ടാകില്ല. ഒന്നാം ക്ലാസില്‍ ചേരാന്‍ ആറ് വയസ്സ് വേണമെന്ന നിബന്ധന നടപ്പാകുന്നതോടെയാണ് അടുത്ത വര്‍ഷം ഒന്നാം ക്ലാസ് ഫലത്തില്‍ ഇല്ലാതാകുന്നത്. ഇതിന്റെ തുടര്‍ച്ചയായി അതിനടുത്ത വര്‍ഷം രണ്ടാം ക്ലാസില്‍ കുട്ടികളുണ്ടാകില്ല. അതിനടുത്ത വര്‍ഷം മൂന്നാം ക്ലാസിലും. ഒരു ബാച്ച് അപ്പാടെ ഇല്ലാതാകുന്നത് ആറ് വയസ്സുണ്ടെങ്കിലേ ഒന്നാം ക്ലാസില്‍ ചേരാന്‍ കഴിയൂവെന്ന നിബന്ധന നടപ്പാക്കുന്നതുകൊണ്ടാണ്.

അഞ്ചുവയസ്സുള്ള കുട്ടികളെ പ്രീപ്രൈമറിയില്‍ ചേര്‍ക്കാന്‍ അവസരമുണ്ടാക്കും.ഇതിനായി സര്‍ക്കാര്‍,എയ്ഡഡ് സ്‌കൂളുകളില്‍ പ്രീപ്രൈമറി ക്ലാസുകള്‍ തുടങ്ങും.ഒന്നാം ക്ലാസിലെ അധ്യാപകരായിരിക്കും പ്രീപ്രൈമറിയില്‍ പഠിപ്പിക്കുക.ആദ്യം ആറ് മാസം ഒന്നാം ക്ലാസില്‍ ചേരുന്നതിന് ഇളവ് നല്‍കുന്നതിനാണ് സര്‍ക്കാര്‍ ഉദേശിച്ചത്.എന്നാല്‍ ഇത് കൂടുതല്‍ പ്രശ്‌നങ്ങള്‍ക്കേ വഴിതെളിക്കൂവെന്ന വിലയിരുത്തലിനെ തുടര്‍ന്നാണ് ആറ് വയസ്സാക്കാന്‍ തന്നെ തീരുമാനിച്ചത്.ദേശീയ തലത്തില്‍ ഒന്നാം ക്ലാസില്‍ ചേര്‍ക്കാന്‍ ആറ് വയസ്സാണെന്നതും ഇതിന് പ്രേരണയായി.

വിദ്യാഭ്യാസ അവകാശ നിയമം നടപ്പാക്കുന്നതിനെക്കുറിച്ച് പഠിക്കാന്‍ നിയോഗിച്ച ലിഡാ ജേക്കബ് കമ്മിറ്റി,കെ. ഇ. ആര്‍. പരിഷ്‌കരണത്തിനായി നിയോഗിച്ച സി.പി.നായര്‍ കമ്മിറ്റി എന്നിവയുടെ റിപ്പോര്‍ട്ടുകള്‍ ഏകീകരിക്കാന്‍ നിയോഗിച്ച സമിതിയാണ് ഇത് സംബന്ധിച്ച നിര്‍ദേശം മുന്നോട്ടുവെച്ചത്.ഫിബ്രവരി 15 ന് മുമ്പ് സമിതി ഒരു പ്രാവശ്യം കൂടി യോഗം ചേര്‍ന്ന് നിര്‍ദേശങ്ങള്‍ക്ക് അന്തിമ രൂപം നല്‍കും.

അധ്യാപക വിദ്യാര്‍ഥി അനുപാതം എല്‍.പി.യില്‍ 1:30 ഉം യു.പി.യില്‍ 1:35 ഉം ആയിരിക്കുമെന്നതാണ ് മറ്റൊരു പ്രധാന മാറ്റം.നിലവില്‍ ഇത് 1:45 ആണ്.മാത്രമല്ല രണ്ടാം ഡിവിഷന്‍ വേണമെങ്കില്‍ 51 വിദ്യാര്‍ഥികള്‍ വേണമായിരുന്നു.എന്നാല്‍ കെ. ഇ. ആര്‍. ഭേദഗതി ചെയ്ത് പുതിയ അനുപാതം നിലവില്‍ വരുത്തും.മാത്രമല്ല എല്‍.പിയില്‍ 31 കുട്ടികളും യു.പി.യില്‍ 36 കുട്ടികളുമുണ്ടെങ്കില്‍ രണ്ടാം ഡിവിഷന്‍ ഉണ്ടാകും.ഫലത്തില്‍ 15 വിദ്യാര്‍ഥികള്‍ എല്‍.പി.യിലും 18 കുട്ടികള്‍ യു.പി.യിലും ഒരു ക്ലാസിലുണ്ടാകുമെന്ന സ്ഥിതി വരും.അധ്യാപകരുടെ തൊഴില്‍ നഷ്ടത്തിന് ഇതൊരു വലിയ ആശ്വാസമാകും.

അഞ്ചാം ക്ലാസ് എല്‍.പിയിലേക്കും എട്ടാം ക്ലാസ് യു.പി.യിലേക്കും മാറ്റണമെന്ന കേന്ദ്ര നിയമത്തിലെ നിര്‍ദേശം അതേപടി നടപ്പാക്കില്ല.വിദ്യാര്‍ഥിയുടെ ഒരു കിലോമീറ്റര്‍ ചുറ്റളവില്‍ എല്‍.പി.യും മൂന്ന് കിലോമീറ്റര്‍ ചുറ്റളവില്‍ യു.പി.യും ഇല്ലെങ്കില്‍ അവിടെ മാത്രം ഘടനാമാറ്റം നടപ്പാക്കിയാല്‍ മതിയെന്നാണ് നിര്‍ദേശം.ഇതില്‍ സര്‍ക്കാര്‍ സ്‌കൂളിനും തുടര്‍ന്ന് കോര്‍പ്പറേറ്റ് മാനേജ്‌മെന്‍റ് സ്‌കൂളുകള്‍ക്കും മുന്‍ഗണന നല്‍കി അഞ്ചും എട്ടും ക്ലാസുകള്‍ അനുവദിക്കും.

ഒരു കാരണവശാലും ഇതിന്റെ പേരില്‍ അനംഗീകൃത സ്‌കൂളുകള്‍ക്ക് അംഗീകാരം നല്‍കരുതെന്നാണ് ധാരണ.കേന്ദ്ര നിയമപ്രകാരം നിലവില്‍ പ്രവര്‍ത്തിച്ചുകൊണ്ടിരിക്കുന്ന അനംഗീകൃത സ്‌കൂളുകള്‍ക്ക് അനുമതി നല്‍കേണ്ടതുണ്ട്.എന്നാല്‍ ഇത്തരം സ്‌കൂളുകളില്‍ 25 ശതമാനം കുട്ടികളെ മാത്രമെ സര്‍ക്കാര്‍ ഫീസ് നല്‍കി പഠിപ്പിക്കണമെന്ന് വ്യവസ്ഥയുള്ളൂ.ബാക്കി 75 ശതമാനം കുട്ടികളും സ്വന്തമായി ഫീസ് നല്‍കി പഠിക്കണമെന്ന വ്യവസ്ഥ മറികടക്കാനാണ് ദൂരപരിധിയുടെ ആനുകൂല്യം നല്‍കി അനംഗീകൃത സ്‌കൂളുകള്‍ അംഗീകരിക്കേണ്ടതില്ലെന്ന് സമിതി നിര്‍ദേശിച്ചത്.

അധ്യാപകര്‍ക്ക് അടുത്തവര്‍ഷം മുതല്‍ അഭിരുചി പരീക്ഷ നടപ്പാക്കും.ഹയര്‍ സെക്കന്‍ഡറിയിലെ സെറ്റിന്റെ മാതൃകയിലായിരിക്കും ഇത്.കൂടാതെ എന്‍. സി. ടി. ഇ. നിര്‍ദേശിച്ച മാനദണ്ഡവും ബാധകമാക്കും.ആറ്,ഏഴ്,എട്ട് ക്ലാസുകളില്‍ അധ്യാപകര്‍ക്ക് ബിരുദവും ബി.എഡും അഥവാ ടി.ടി.സി.യും വേണം.എല്‍.പി.യില്‍ പ്ലസ്ടുവും ടി.ടി.സി.യും വേണമെന്നതാണ് പുതിയ ചട്ടം.നിലവിലുള്ള അധ്യാപകരെ ഇതില്‍ നിന്നൊഴിവാക്കും.പുതിയ നിയമനത്തിനായിരിക്കും ഇത് ബാധകമാക്കുക.

സ്‌കൂള്‍ മാനേജ്‌മെന്‍റ് കമ്മിറ്റി പി.ടി.എയെക്കാള്‍ ശക്തമാക്കും.രക്ഷിതാവിന്റെ അധ്യക്ഷതയിലായിരിക്കും കമ്മിറ്റി.എന്നാല്‍ കേന്ദ്ര നിയമത്തില്‍ വ്യവസ്ഥ ചെയ്തതുപോലെ മാനേജ്‌മെന്‍റ് കമ്മിറ്റിക്ക് അധികാരമുണ്ടായിരിക്കില്ല. കേന്ദ്ര വിദ്യാഭ്യാസ നിയമത്തിന്റെ അടിസ്ഥാനത്തില്‍ അംഗീകാരം ആവശ്യപ്പെട്ട് അനംഗീകൃത സ്‌കൂളുകള്‍ സുപ്രീം കോടതിയെ സമീപിച്ചിട്ടുണ്ട്.ഈ കേസ് ഫിബ്രവരി പകുതിക്കുശേഷം കോടതിയില്‍ എത്തും.അപ്പോഴേക്കും കേന്ദ്ര നിയമം നടപ്പാക്കുന്നതിനുള്ള ചട്ടങ്ങള്‍ക്കും കെ. ഇ. ആര്‍. നും ഭേദഗതി കൊണ്ടുവരാനാണ് സര്‍ക്കാരിന്റെ ശ്രമം.

പൊതുവിദ്യാഭ്യാസ സെക്രട്ടറി പി.വനജയുടെ അധ്യക്ഷതയില്‍ ഉന്നത ഉദ്യോഗസ്ഥരും അധ്യാപക സംഘടനാ പ്രതിനിധികളായ സി. ഉസ്മാന്‍(കെ.എസ്. ടി.എ), എന്‍ ശ്രീകുമാര്‍ (എ.കെ.എസ്.ടി.യു.),ജെ. ശശി(ജി.എസ്. ടി.യു.) എന്നിവരടങ്ങുന്ന സമിതിയാണ് പരിഷ്‌കാരങ്ങള്‍ നിര്‍ദേശിക്കുന്നത്.അനംഗീകൃതസ്‌കൂളുകള്‍ക്ക് അംഗീകാരം നല്‍കേണ്ടയെന്നതിലും അനുപാതം കുറയ്ക്കുന്ന കാര്യത്തിലും അധ്യാപക സംഘടനകള്‍ വിട്ടുവീഴ്ചയില്ലാത്ത നിലപാടാണ് സ്വീകരിച്ചത്.

ഒ.എന്‍.വി.ക്ക് പദ്മവിഭൂഷണ്‍, മടവൂരിനും തിരുമുല്‍പ്പാടിനും പദ്മഭൂഷണ്‍,ജയറാമിന് പത്മശ്രീ

2011-01-25T19:52:00.000-08:00

ന്യൂഡല്‍ഹി: പദ്മ പുരസ്‌കാരങ്ങള്‍ പ്രഖ്യാപിച്ചു. കേരളത്തിന്റെ പ്രിയകവി ഒ.എന്‍.വി. കുറുപ്പും വിപ്രോ ചെയര്‍മാന്‍ അസിം പ്രേംജിയും ഉള്‍പ്പെടെ 13 പേര്‍ പദ്മവിഭൂഷണിന് അര്‍ഹരായി. ഭാരതരത്‌നം ഈ വര്‍ഷം ആര്‍ക്കുമില്ല. കഥകളി ആചാര്യന്‍ മടവൂര്‍ വാസുദേവന്‍ നായരും ആയുര്‍വേദാചാര്യന്‍ കെ. രാഘവന്‍ തിരുമുല്‍പ്പാടും മുതിര്‍ന്ന പത്രപ്രവര്‍ത്തകന്‍ ടി.ജെ.എസ്. ജോര്‍ജും ഇന്‍ഫോസിസ് ചെയര്‍മാന്‍ ക്രിസ് ഗോപാലകൃഷ്ണനും ഉള്‍പ്പെടെ 31 പേര്‍ പദ്മഭൂഷണിന് അര്‍ഹരായി. സിനിമാ സംവിധായകന്‍ ഷാജി എന്‍. കരുണ്‍, നടന്‍ ജയറാം എന്നിവരുള്‍പ്പെടെ 84 പേര്‍ക്ക് പദ്മശ്രീ പുരസ്‌കാരമുണ്ട്.

കഴിഞ്ഞ സപ്തംബറില്‍ ജ്ഞാനപീഠം ലഭിച്ചതിനു തൊട്ടുപിറകെയാണ് പദ്മവിഭൂഷണ്‍ ഒ.എന്‍.വി.യെ തേടിയെത്തുന്നത്. 1998-ല്‍ അദ്ദേഹത്തിന് പദ്മശ്രീ ലഭിച്ചിരുന്നു. രാഘവന്‍ തിരുമുല്‍പ്പാടിന് മരണാനന്തര ബഹുമതിയായിട്ടാണ് പദ്മഭൂഷണ്‍ നല്കിയത്. തമിഴ്‌നാടാണ് പദ്മശ്രീ അവാര്‍ഡിന് ജയറാമിനെ ശുപാര്‍ശ ചെയ്തത്. മലയാളിയായ ടി.ജെ.എസ്. ജോര്‍ജിന്റെയും ഇന്‍ഫോസിസ് ചെയര്‍മാന്‍ ക്രിസ് ഗോപാലകൃഷ്ണന്റെയും പേരുകള്‍ നിര്‍ദേശിച്ചത് കര്‍ണാടകയാണ്.

പദ്മശ്രീ അവാര്‍ഡ് ലഭിച്ച മറ്റു മലയാളികള്‍ ഇവരാണ്: പ്രമുഖ മോഹിനിയാട്ടം കലാകാരി കലാമണ്ഡലം ക്ഷേമാവതി, ആര്‍ക്കിടെക്ട് ജി. ശങ്കര്‍, ഹൃദയ ശസ്ത്രക്രിയാ വിദഗ്ധന്‍ ഡോ. ജോസ് ചാക്കോ പെരിയപ്പുറം, ന്യൂറോസര്‍ജനും തിരുവനന്തപുരത്തെ അനന്തപുരി ആസ്പത്രി ചെയര്‍മാനുമായ ഡോ. മാര്‍ത്താണ്ഡ പിള്ള, ചെണ്ടമേള വിദഗ്ധന്‍ പെരുവനം കുട്ടന്‍ മാരാര്‍, പ്രവാസി വ്യവസായി ഡോ. ആസാദ് മൂപ്പന്‍, ആദ്യത്തെ സ്ത്രീപക്ഷ പുസ്തക പ്രസാധകയും എഴുത്തുകാരിയുമായ ഋതു മേനോന്‍ (ഡല്‍ഹി).

അവാര്‍ഡുകള്‍ ലഭിച്ച മറ്റു പ്രമുഖര്‍:

പദ്മവിഭൂഷണ്‍- നര്‍ത്തകിയും കലാ പ്രവര്‍ത്തകയുമായ കപില വാത്സ്യായന്‍, ഇന്ത്യയിലെ ആദ്യ വനിതാ ഫോട്ടോ ജേര്‍ണലിസ്റ്റ് ഹോമി വ്യാരവാലാ, തെലുങ്ക് നടന്‍ എ. നാഗേശ്വര റാവു, പൊതുപ്രവര്‍ത്തകരായ പരാശരന്‍ കേശവ അയ്യങ്കാര്‍, ഡോ: എ.ആര്‍. കിദ്വായ്, സാമ്പത്തിക വിദഗ്ധന്‍ വിജയ് കേല്‍ക്കര്‍, ആസൂത്രണ കമ്മീഷന്‍ ഉപാധ്യക്ഷന്‍ മോണ്ടേക് സിങ് അലുവാലിയ, ശാസ്ത്രജ്ഞന്‍ പല്ലേ രാമറാവു, എന്‍.ഡി.എ. സര്‍ക്കാറില്‍ ദേശീയ സുരക്ഷാ ഉപദേഷ്ടാവായിരുന്ന ബ്രജേഷ് മിശ്ര, സാഹിത്യകാരന്‍ ഡോ: ശ്രീകാന്ത് മഹാപാത്ര, മുന്‍ ആസൂത്രണ കമ്മീഷനംഗം എല്‍.സി. ജെയിന്‍ (മരണാനന്തരം).

പദ്മഭൂഷണ്‍- സിനിമാ സംഗീതസംവിധായകന്‍ ഖയ്യാം, നടന്‍ ശശികപൂര്‍, നടി വഹീദാ റഹ്മാന്‍, ഗായകന്‍ എസ്.പി. ബാലസുബ്രഹ്മണ്യം, ഐ.സി.ഐ.സി.ഐ. ബാങ്ക് ചെയര്‍മാന്‍ ചന്ദാ കൊച്ചാര്‍, ഐ.ടി.സി. ചെയര്‍മാന്‍ വൈ. സി. ദേവേശ്വര്‍, റെഡ്ഡി ലാബ്‌സിലെ ഡോ: കെ. അഞ്ജിറെഡ്ഡി, വ്യവസായി ജി.വി.കെ. റെഡ്ഡി, മണിപ്പാല്‍ സര്‍വകലാശാലാ ചാന്‍സലര്‍ ഡോ: രാംദാസ് മാധവ പൈ തുടങ്ങിയവര്‍.

പദ്മശ്രീ- സിനിമാസംവിധായകന്‍ ഗിരീഷ് കാസറവള്ളി, നടിമാരായ കജോള്‍, തബു, നടന്‍ ഇര്‍ഫാന്‍ ഖാന്‍, ഭരതനാട്യം നര്‍ത്തകി എം.കെ. സരോജ, ഗായിക ഉഷാ ഉതുപ്പ്, കായിക താരങ്ങളായ കുഞ്ച റാണി ദേവി (ഭാരോദ്വഹനം), സുശീല്‍ കുമാര്‍ (ഗുസ്തി), വി.വി.എസ്. ലക്ഷ്മണ്‍ (ക്രിക്കറ്റ്), ഗഗന്‍ നാരംഗ് (ഷൂട്ടിങ്), കൃഷ്ണ പുനിയ (ഡിസ്‌കസ് ത്രോ), ഹര്‍ഭജന്‍ സിങ് (പര്‍വതാരോഹണം) തുടങ്ങിയവര്‍. മാര്‍ച്ച്, ഏപ്രില്‍ മാസങ്ങളില്‍ നടക്കുന്ന ചടങ്ങില്‍ രാഷ്ട്രപതി പദ്മ അവാര്‍ഡുകള്‍ വിതരണം ചെയ്യും.

ഭീംസേന്‍ ജോഷി

2011-01-24T18:25:00.000-08:00

പുണെ: ഹിന്ദുസ്ഥാനി സംഗീതത്തില്‍ ഭീം സേന്‍ ജോഷി എന്ന 'രാഗം' ഇനിയില്ല. ആലാപന സൗകുമാര്യത്തിലൂടെ ഹിന്ദുസ്ഥാനി സംഗീതത്തെ ജനകീയമാക്കിയ ആ മഹാപ്രതിഭ പുണെയിലെ സ്വകാര്യാസ്പത്രിയില്‍ തിങ്കളാഴ്ച രാവിലെ അന്തരിച്ചു. 89 വയസ്സായിരുന്നു.

സംഗീതമികവിന് ഭാരതരത്‌നം ഉള്‍പ്പെടെയുള്ള ബഹുമതികളിലൂടെ രാജ്യം അദ്ദേഹത്തെ ആദരിച്ചു. ദൂരദര്‍ശനിലൂടെ പ്രശസ്തമായ 'മിലേ സുര്‍ മേരാ തുമാരാ...' എന്ന ദേശഭക്തിഗാനംവഴി ഹിന്ദുസ്ഥാനി സംഗീതത്തിലെ ആ കുലപതി സാധാരണക്കാരുടെയും ഹൃദയം കീഴടക്കി.

കര്‍ണാടകത്തിലെ ധാര്‍വാഡ് ജില്ലയില്‍ ബ്രാഹ്മണ കുടുംബത്തില്‍, അധ്യാപകനായ ഗുരു രാജ് ജോഷിയുടെ മകനായി 1922 ഫിബ്രവരി നാലിനാണ് ജോഷിയുടെ ജനനം. തന്റെ ഗുരു സവായ് ഗന്ധര്‍വയുടെ 60-ാം ജന്മദിനം പ്രമാണിച്ച് '47-ല്‍ പുണെയില്‍ നടന്ന സംഗീതോത്സവത്തില്‍ കച്ചേരി അവതരിപ്പിച്ചതാണ് അദ്ദേഹത്തിന്റെ പ്രശസ്തിയിലേക്കുള്ള യാത്രയുടെ തുടക്കം.ഖാന്‍ സാഹിബ് അബ്ദുള്‍കരീം ഖാന്റെ 'കിരാന ഘറാന'യുടെ പ്രയോക്താവായിരുന്നു അദ്ദേഹം.

ഘനഗംഭീര ശബ്ദവും പാടുമ്പോഴുള്ള കൃത്യമായ ശ്വാസനിയന്ത്രണവും സംഗീതത്തില്‍ ആഴത്തിലുള്ള അവഗാഹവും അദ്ദേഹത്തെ ഹിന്ദുസ്ഥാനി സംഗീതലോകത്തെ ഇതിഹാസമാക്കി മാറ്റി. സംഗീതജ്ഞരെയും സാധാരണക്കാരെയും ഒരുപോലെ അദ്ഭുതസ്തബ്ധരാക്കി, അദ്ദേഹം.

ചലച്ചിത്രലോകത്തും അദ്ദേഹം തന്റെ ശബ്ദസാന്നിധ്യം അറിയിച്ചു. താന്‍സന്റെ ജീവിതത്തെ അധികരിച്ചെടുത്ത ബംഗാളി സിനിമയില്‍ ധ്രുപദ് സംഗീതം ആലപിച്ചു. ഫുല ദേശ്പാണ്ഡെയുടെ മറാത്തി ചലച്ചിത്രം 'ഗുല്‍ച്ച ഗണപതി'യില്‍ പിന്നണി ഗായകനായി. 'ബസന്ത് ബഹര്‍', 'ഭൈരവി' എന്നീ ഹിന്ദി സിനിമകളിലും പാടിയിട്ടുണ്ട്.മറാഠി ഭക്തിസംഗീതത്തിന്റെ പാരമ്പര്യവഴികളെ തൊട്ടറിഞ്ഞ 'സന്ത് വാണി' ആലാപനത്തിലൂടെ മഹാരാഷ്ട്രയിലും കര്‍ണാടകയിലും അദ്ദേഹം ജനകീയനായി.

പദ്മശ്രീ (1972), സംഗീതനാടക അക്കാദമി പുരസ്‌കാരം (1975), പദ്മഭൂഷണ്‍ (1985), മധ്യപ്രദേശ് സര്‍ക്കാറിന്റെ താന്‍സന്‍ സമ്മാന്‍ (1992), കേരള സര്‍ക്കാറിന്റെ സ്വാതി സംഗീത പുരസ്‌കാരം (2002), ഭാരതരത്‌നം (2008) എന്നിവ നേടിയിട്ടുണ്ട്.

1999-ല്‍ ബ്രെയിന്‍ ട്യൂമര്‍ ശസ്ത്രക്രിയയ്ക്കും 2005-ല്‍ സുഷുമ്‌ന ശസ്ത്രക്രിയയ്ക്കും വിധേയനായ ജോഷി, 2007-ലാണ് അവസാനമായി വേദിയിലെത്തിയത്. ഗുരുസ്മരണയ്ക്കായി അദ്ദേഹംതന്നെ തുടങ്ങിവെച്ച 'സ്വാമി ഗന്ധര്‍വ' സംഗീതോത്സവത്തിലായിരുന്നു അത്.
ആദ്യ ഭാര്യ സുനന്ദ കാത്തി മരിച്ചതിനെത്തുടര്‍ന്ന് വത്സല മുധോല്‍ക്കറിനെ വിവാഹം കഴിച്ചു. സംഗീതജ്ഞന്‍ ശ്രീനിവാസുള്‍പ്പെടെ ഏഴ് മക്കളുണ്ട്.

മൊബൈല്‍ നമ്പര്‍ പോര്‍ട്ടബിലിറ്റി നിലവില്‍ വന്നു

2011-01-20T05:56:00.001-08:00

ന്യൂഡല്‍ഹി: മൊബൈല്‍ ഫോണ്‍ ഉപഭോക്താക്കള്‍ക്ക് നിലവിലുള്ള മൊബൈല്‍ നമ്പര്‍ മാറ്റാതെ സേവനദാതാവിനെ മാറ്റാനുള്ള സൗകര്യം രാജ്യമൊട്ടാകെ നിലവില്‍ വന്നു. 'ട്രായ്' നിര്‍ദേശ പ്രകാരമാണ് മൊബൈല്‍ കമ്പനികള്‍ മൊബൈല്‍ നമ്പര്‍ പോര്‍ട്ടബിലിറ്റി സൗകര്യം നടപ്പാക്കുന്നത്.

സേവനദാതാവിനെ മാറാന്‍ 'port space മൊബൈല്‍ നമ്പര്‍' എന്ന സന്ദേശം 1900ലേക്കാണ് അയക്കേണ്ടത്. തിരികെ ലഭിക്കുന്ന എട്ട് അക്ക 'യുണീക്ക് പോര്‍ട്ടിങ് കോഡ്' നമ്പര്‍ പോര്‍ട്ടിങ് ഫോമില്‍ രേഖപ്പെടുത്തി മൊബൈല്‍ കണക്ഷനുള്ള അപേക്ഷ സഹിതം തൊട്ടടുത്തുള്ള കസ്റ്റമര്‍ സര്‍വീസ് സെന്‍ററിലോ ഏജന്‍സിയിലോ നല്കണം. ഡല്‍ഹിയിലുള്ള 'ട്രായ്' മൊബൈല്‍ ക്ലിയറിങ് ഹൗസില്‍ നിന്നാണ് കോഡ് നമ്പര്‍ നല്കുന്നത്. അപേക്ഷയോടൊപ്പം ഫോട്ടോയും തിരിച്ചറിയല്‍ കാര്‍ഡിന്റെ പകര്‍പ്പും നല്കണം.

നമ്പര്‍ പോര്‍ട്ടബിലിറ്റി സംവിധാനം ആദ്യം ലഭ്യമാക്കിയ ഹരിയാനയില്‍ സേവനത്തിന് വന്‍ സ്വീകാര്യതയാണ് ലഭിച്ചത്. നവംബര്‍ 24ന് സേവനമാരംഭിച്ചതിന് ശേഷം ഏകദേശം 1,40,000 പേര്‍ ഇതിനായി അപേക്ഷ നല്‍കി. ഇതില്‍ 50,000ത്തോളം അപേക്ഷകള്‍ തള്ളിയതോടെ സേവനം ലഭിച്ചവരുടെ എണ്ണം 80,000ത്തില്‍ എത്തി നില്‍ക്കുകയാണ്.

രാജ്യത്ത് എല്ലായിടത്തുമെത്തും നമ്പര്‍ പോര്‍ട്ടബിലിറ്റി സേവനംസേവനം നിലവില്‍ വന്നത് യഥാര്‍തത്തില്‍ മൊബൈല്‍ സേവനദാതാക്കളെ വെട്ടിലാക്കിയിരിക്കുകയാണ്. ഉപഭോക്താക്കള്‍ ചോരുന്നത് തടയാനായി വിവിധ ഓഫറുകളും ഇവര്‍ അവതരിപ്പിച്ചിട്ടുണ്ട്. എന്നാല്‍, ഇതൊന്നും നമ്പര്‍ പോര്‍ട്ടബിലിറ്റി സേവനം ഉപയോഗിക്കുന്നതില്‍ നിന്നും ഉപയോക്താക്കളെ വിട്ടു നിര്‍ത്തുന്നില്ലെന്നാണ് കണക്കുകള്‍ വ്യക്തമാക്കുന്നത്.

പുതിയ സേവനം നിലവില്‍ വരുന്നതോടെ രാജ്യത്തെ മൊബൈല്‍ സേവന ദാതാക്കള്‍ സേവനം മെച്ചപ്പെടുത്തുന്നതിനായി കടുത്ത മത്സരം നടത്തേണ്ടി വരും. നേരത്തേയുള്ള കണക്കനുസരിച്ച് 25 ശതമാനത്തോളം പേര്‍ നമ്പര്‍ പോര്‍ട്ടബിലിറ്റി ഉപയോഗപ്പെടുത്തുമെന്നാണ് കണക്കാക്കിയിരുന്നത്.

സ്‌കൂള്‍ മീറ്റില്‍ പതിന്നാലാമതും കേരളം

2011-01-07T07:20:00.000-08:00

പുണെ: അത്‌ലറ്റിക്‌സിലെ അജയ്യശക്തിയാണെന്ന് അരയ്ക്കിട്ടുറപ്പിച്ച് കേരളം ദേശീയ സ്‌കൂള്‍ അത്‌ലറ്റിക് മീറ്റില്‍ തുടര്‍ച്ചയായ പതിന്നാലാം തവണയും കിരീടം പിടിച്ചെടുത്തു. പുണെയിലെ ബാലേവാടി ഛത്രപതി ശിവജി സ്റ്റേഡിയത്തില്‍ നടന്ന മേളയില്‍ 40 സ്വര്‍ണം കരസ്ഥമാക്കിയാണ് കേരളം ചാമ്പ്യന്മാരായത്. ഹരിയാണ 12 സ്വര്‍ണവുമായി രണ്ടാം സ്ഥാനത്തെത്തി. പാലക്കാട് പറളി സ്‌കൂളിന്റെ താരങ്ങള്‍ ഏഴ് സ്വര്‍ണം കരസ്ഥമാക്കി. നാലുദിവസത്തെ മീറ്റില്‍ ആകെ 12 ദേശീയ റെക്കോഡുകളാണ് പിറന്നത്. ഇതില്‍ നാലെണ്ണം കേരളത്തിന്റെ പേരില്‍ കുറിക്കപ്പെട്ടു.

ട്രാക്കിലും ഫീല്‍ഡിലും സര്‍വാധിപത്യം തെളിയിക്കുന്ന പ്രകടനമായിരുന്നു കേരളത്തിന്റെത്. പാലക്കാട് പറളി സ്‌കൂളിലെ മാജിദ നൗറീന്‍ മൂന്നു വ്യക്തിഗത സ്വര്‍ണമുള്‍പ്പെടെ നാലിനങ്ങളില്‍ സ്വര്‍ണം സ്വന്തമാക്കി കേരളത്തിന്റെ അഭിമാനമുയര്‍ത്തി. പാലക്കാട് മുണ്ടൂര്‍ സ്‌കൂളിലെ പി.യു. ചിത്ര ദീര്‍ഘദൂര വിഭാഗത്തില്‍ മൂന്നു സ്വര്‍ണം കരസ്ഥമാക്കി ഭാവി വാഗ്ദാനമാണെന്ന് തെളിയിച്ചു. ഇരട്ട സ്വര്‍ണം നേടിയ പി. മെര്‍ലിന്‍, നയന ജയിംസ്, ലുക്മല്‍ ഹക്കിം, നീന എലിസബത്ത് ബേബി, കെ.കെ. വിദ്യ എന്നിവരുടെ പ്രകടനങ്ങളും കിരീടനേട്ടത്തില്‍ നിര്‍ണായകമായി.

പതിന്നാലാം കിരീടത്തിലേക്ക് കേരളത്തിന്റെ കുതിപ്പ് സ്വര്‍ണറിലേയോടെയായിരുന്നു. ഒന്നിനുപിറകെ ഒന്നായി സ്വര്‍ണം കേരളത്തിന്റെ ഖജനാവിലേക്ക് ഒഴുകിയെത്തി. അവസാന ദിവസം ഉച്ചയ്ക്കുശേഷം നടന്ന 12 ഇനങ്ങളില്‍ പതിനൊന്നിലും സ്വര്‍ണം നേടിയാണ് പുണെയില്‍ കേരളം രാജാക്കന്മാരായത്. ക്രോസ് കണ്‍ട്രിയുള്‍പ്പെടെ 40 സ്വര്‍ണവും 17 വെള്ളിയും 24 വെങ്കലവും. കഴിഞ്ഞതവണ അമൃത്‌സറില്‍ 28 സ്വര്‍ണത്തിലേക്ക് ചുരുങ്ങിപ്പോയ കേരളത്തിന്റെ കുതിപ്പായിരുന്നു പുണെയില്‍. എന്നാല്‍, സന്ധ്യയോടെ കേരള താരം പ്രായപരിശോധനയില്‍ പരാജയപ്പെട്ടതും രണ്ട് വെള്ളിമെഡലുകള്‍ നഷ്ടപ്പെട്ടതും കേരളത്തിന്റെ ആഹ്ലാദത്തില്‍ കല്ലുകടിയായി. എതിരാളികളെ ബഹുദൂരം പിന്നിലാക്കിയാണ് കേരളത്തിന്റെ കുതിപ്പ്. 12 സ്വര്‍ണമുള്ള ഹരിയാണയാണ് രണ്ടാംസ്ഥാനത്ത്. കഴിഞ്ഞവര്‍ഷം അമൃത്‌സറില്‍ 28സ്വര്‍ണം നേടിയ കേരളം ഇക്കുറി മികച്ച കുതിപ്പാണ് നടത്തിയത്. എന്നാല്‍, പ്രായപരിശോധനയില്‍ കോതമംഗലം സെന്റ് ജോര്‍ജിലെ റിജിന്‍ ജോസ് പരാജയപ്പെട്ടതും രണ്ട് വെള്ളിമെഡലുകള്‍ നഷ്ടപ്പെട്ടതും നാണക്കേടിനും വഴിവെച്ചു.

സുവര്‍ണദിനം

പാലക്കാട് പറളി സ്‌കൂളിലെ എം.ഡി. താരയാണ് അവസാനദിനം കേരളത്തിന്റെ സ്വര്‍ണക്കുതിപ്പിന് തുടക്കമിട്ടത്. ക്രോസ് കണ്‍ട്രിയിലായിരുന്നു ഈ നേട്ടം. 14 സ്വര്‍ണമാണ് അവസാന ദിവസം കേരളം സ്വന്തമാക്കിയത്. റിലേയില്‍ സബ്ജൂനിയര്‍ ആണ്‍കുട്ടികള്‍ക്കുമാത്രമാണ് സ്വര്‍ണം നേടാനാകാതെ പോയത്. സീനിയര്‍ ആണ്‍കുട്ടികളും പെണ്‍കുട്ടികളും സ്പ്രിന്റ് റിലേയില്‍ പുതിയ ദേശീയ റെക്കോഡിട്ടു. ജിജിന്‍ വിജയന്‍(കുറുമ്പനാടം സെന്റ് പീറ്റേഴ്‌സ്), ഒ.എസ്.സുജിത് (പെരുന്ന എന്‍.എസ്.എസ്.), ബിനീഷ് കെ.ഷാജി (കോതമംഗലം സെന്റ് ജോര്‍ജ്), സുജിത് കുട്ടന്‍ (തേവര എസ്.എച്ച്) എന്നിവരാണ് സീനിയര്‍ റിലേയില്‍ റെക്കോഡോടെ സ്വര്‍ണം (41.70 സെ.) നേടിയത്. കേരളത്തിന്റെ തന്നെ 2002ലെ 41.8 സെക്കന്‍ഡിന്റെ റെക്കോഡാണ് ഇവര്‍ പിന്നിട്ടത്. സീനിയര്‍ പെണ്‍കുട്ടികളില്‍, കെ.മഞ്ജു (കണ്ണൂര്‍ സ്‌പോര്‍ട്‌സ് ഡിവിഷന്‍), എ.എസ്. ദിവ്യ (പാലക്കാട് പി.എം.ജി.), റിന്റു മാത്യു (സെന്റ് ജോര്‍ജ്), ജി. ലാവണ്യ (കല്ലടി) എന്നിവര്‍ 47.97 സെക്കന്‍ഡില്‍ ഓടിയെത്തി 2005-ലെ 48.05 സെക്കന്‍ഡിന്റെ റെക്കോഡ് പഴങ്കഥയാക്കി.
റിലേ കഴിഞ്ഞാല്‍ ജമ്പിനങ്ങളാണ് കേരളം ഇക്കുറി തൂത്തുവാരിയത്. ഒമ്പതിനങ്ങളില്‍ കേരളം സ്വര്‍ണം നേടി. അവസാന ദിവസം സീനിയര്‍ പെണ്‍കുട്ടികളുടെ ലോങ്ജമ്പില്‍ മേഴ്‌സിക്കുട്ടന്‍ അക്കാദമിയിലെ ആല്‍ഗ വിന്നി ജയിംസാണ് (പെരുമ്പാവൂര് ആശ്രമം സ്‌കൂള്‍) കേരളത്തിന്റെ കുത്തക നിലനിര്‍ത്തിയത്. ആറുമീറ്ററാണ് ആല്‍ഗ താണ്ടിയത്. അഞ്ചുകിലോമീറ്റര്‍ നടത്തത്തില്‍ അഞ്ചാം ദേശീയ സ്വര്‍ണം തേടിയെത്തിയ മങ്കര സ്‌കൂളിലെ കെ.എം. മീഷ്മയെ പിന്തള്ളി പഞ്ചാബിന്റെ കുശ്ബീര്‍ കൗര്‍ (23:12.82 സെ.) സ്വര്‍ണം നേടിയതാണ് കേരളത്തിന് അവസാന ദിവസം നേരിട്ട തിരിച്ചടി. മീഷ്മയുടെ പേരിലുള്ള റെക്കോഡാണ് കുശ്ബീര്‍ തകര്‍ത്തത്. ജൂനിയര്‍ മൂന്ന് കിലോമീറ്റര്‍ നടത്തില്‍ പറളിയുടെ കെ.ടി.നീന കേരളത്തിന്റെ ക്ഷീണം തീര്‍ത്തു. 800 മീറ്ററില്‍ കല്ലടി സ്‌കൂളിലെ ലിജോമാണിയും (1:55.2 സെ.) ജൂനിയര്‍ പെണ്‍കുട്ടികളില്‍ ഉഷ സ്‌കൂളിലെ ജെസ്സി ജോസഫും (2:13.34 സെ.) സ്വര്‍ണം നേടി. സബ്ബ്ജൂനിയര്‍ പെണ്‍കുട്ടികളുടെ 200 മീറ്ററില്‍ 26.52 സെക്കന്‍ഡില്‍ ഫിനിഷ് ചെയ്താണ് മാജിദ ട്രിപ്പിള്‍ തികച്ചത്.

വ്യക്തിഗത മികവ്

അഞ്ച് വ്യക്തിഗത ചാമ്പ്യന്മാരാണ് കേരളത്തിന് ഇത്തവണയുള്ളത്. സീനിയര്‍ വിഭാഗത്തില്‍ ആണ്‍കുട്ടികളില്‍ കോതമംഗലം സെന്റ് ജോര്‍ജിലെ ലുക്മല്‍ ഹക്കിമും (400മീ, 400 മീ. ഹര്‍ഡില്‍സ് സ്വര്‍ണം) പെണ്‍കുട്ടികളില്‍ മുണ്ടൂര്‍ സ്‌കൂളിലെ പി.യു.ചിത്രയും (1500, 3000, 5000 സ്വര്‍ണം, ക്രോസ് കണ്‍ട്രി വെങ്കലം) വ്യക്തിഗത ചാമ്പ്യന്മാരായി. ജൂനിയര്‍ പെണ്‍കുട്ടികളില്‍ പറളി സ്‌കൂളിലെ പി. മെര്‍ലിനും (ഹൈജമ്പ്, 100 മീ. ഹര്‍ഡില്‍സ്) കുളത്തുവയല്‍ സെന്റ് ജോര്‍ജിലെ നയന ജയിംസും (ലോങ്ജമ്പ്, ട്രിപ്പിള്‍ ജമ്പ്) ചാമ്പ്യന്‍ പട്ടം പങ്കുവെച്ചപ്പോള്‍, സബ്ജൂനിയര്‍ പെണ്‍കുട്ടികളില്‍ മൂന്ന് സ്വര്‍ണവുമായി പറളിയുടെ മാജിദനൗറിന്‍ (100, 200, 80 മീ.ഹര്‍ഡില്‍സ്). മാജിദയ്ക്ക് റിലേയിലും സ്വര്‍ണമുണ്ട്.

പറന്നുകയറിയത് പറളി

ദേശീയ സ്‌കൂള്‍ കായികമേളയിലെ വ്യക്തിഗത പ്രകടനങ്ങള്‍ വിലയിരുത്തുമ്പോള്‍, പാലക്കാട് ജില്ലയ്ക്കാണ് ആധിപത്യം. ചാമ്പ്യന്‍ ജില്ലയായ എറണാകുളത്തെ പാലക്കാടുനിന്നുള്ള പറളി, മുണ്ടൂര്‍, കല്ലടി സ്‌കൂളുകള്‍ പിന്തള്ളി. പറളിയാണ് ദേശീയ മീറ്റിലെ ചാമ്പ്യന്‍ സ്‌കൂള്‍. ക്രോസ് കണ്‍ട്രിയടക്കം ഏഴ് സ്വര്‍ണമാണ് പറളിയുടെ നേട്ടം. കേരളത്തിലെ ചാമ്പ്യന്‍പട്ടം തിരിച്ചുപിടിച്ച കോതമംഗലം സെന്റ് ജോര്‍ജാണ് രണ്ടാം സ്ഥാനത്ത്. അഞ്ചുസ്വര്‍ണവും നാല് വെള്ളിയും ഒരു വെങ്കലവും. ട്രിപ്പിള്‍ നേടിയ ചിത്രയുടെയും ഡബ്ള്‍ നേടിയ വിദ്യയുടെയും മികവില്‍ പാലക്കാട് മുണ്ടൂര്‍ സ്‌കൂള്‍ അഞ്ച് സ്വര്‍ണം കരസ്ഥമാക്കി. കോതമംഗലം മാര്‍ ബേസിലും പാലക്കാട് കല്ലടിയും മൂന്ന് സ്വര്‍ണം വീതം നേടി. പി.ടി. ഉഷയുടെയും മേഴ്‌സിക്കുട്ടന്റെയും അക്കാദമികള്‍ക്ക് രണ്ടുവീതം സ്വര്‍ണമുണ്ട്. നയന ജയിംസിന്റെ ഇരട്ട സ്വര്‍ണത്തോടെ ചക്കിട്ടപാറ ഗ്രാമീണ്‍ സ്‌പോര്‍ട്‌സ് അക്കാദമിയും രണ്ട് സ്വര്‍ണം നേടി.

കേരളത്തിന്റെ മെഡല്‍നേട്ടക്കാര്‍

സ്വര്‍ണം: എം.ഡി.താര (ക്രോസ് കണ്‍ട്രി), കെ.ടി.നീന (ജൂനി. 3 കി.മി. നടത്തം), ആല്‍ഗ വിന്നി ജയിംസ് (സീനി.ലോങ്ജമ്പ്), ലിജോ മാണി (ജൂനി 800മീ.), ജെസ്സി ജോസഫ് (ജൂനി.800 മീ.), ലുക്മല്‍ ഹക്കിം (സീനി. 400 മീ.ഹര്‍ഡില്‍സ്), മാജിത നൗറിന്‍ (സബ്ജൂനി 200 മീ.), സീനി. ആണ്‍ 4-100 മീ. റിലേ (ജിജിന്‍ വിജയന്‍,ഒ.എസ്. സുജിത്, ബിനീഷ്‌കെ. ഷാജി, സുജിത് കുട്ടന്‍), സീനി. പെണ്‍ 4-100 മീ റിലേ (കെ.മഞ്ജു, എ.എസ്.ദിവ്യ, റിന്റു മാത്യു, ജി. ലാവണ്യ), ജൂനി. ആണ്‍ 4-100 മീ. റിലേ (എ.കെ.ഉനൈസ്, അബ്ദുസമദ്, ആര്‍.ഭരത്. എസ്.ലിഖിന്‍), ജൂനി. പെണ്‍ 4-100 മീ റിലേ (ടി.എസ്.ആര്യ, ഡോണ ഷിബു, സാന്ദ്ര സത്യന്‍, എ.പി.ഷില്‍ഡ), സബ്ജൂനി. പെണ്‍ 4-100 മീ.റിലേ (അലീന തോമസ്, ആതിര മുരുകേഷ്, അര്‍ച്ചന കെ.രാജു, മാജിത നൗറീന്‍), 4-400 മീ.റിലേ ആണ്‍ (അലക്‌സ് ഷാജി, വിഷ്ണു വി. സാബു, ജിതിന്‍ ബേബി, ലുക്മല്‍ ഹക്കിം), 4-400 മീ. റിലേ പെണ്‍ (അനില്‍ഡ തോമസ്, എം.വി.ഷീന, കെ.സിന്‍ഷ, അഞ്ജു വര്‍ഗീസ്). വെള്ളി: കെ.എം.മീഷ്മ (സീനി. 5 കി.മി.നടത്തം), എം.വി.ഷീന (സീനി. 400 മീ.ഹര്‍ഡില്‍സ്), കെ.സിന്‍ഷ (സീനിയര്‍ 800 മീ.), വിഷ്ണു വി. സാബു (സീനിയര്‍ 400 മീ.ഹര്‍ഡില്‍സ്), എ.ജി. രഘില്‍ (സബ്ജൂനി 200 മീ.). വെങ്കലം: തെരേസ ജോസഫ് (ജൂനി. 800 മീ.), പി.യു.ചിത്ര (ക്രോസ് കണ്‍ട്രി), ശില്‍പ ചാക്കോ (സീനി. ലോങ്ജമ്പ്), ഭാഗ്യലക്ഷ്മി (സീനി. ഹാമര്‍ത്രോ), പി.ജെ.ജോസ്മി (സീനി. 400 മീ. ഹര്‍ഡില്‍സ്), അര്‍ച്ചന കെ.രാജു (സബ്ജൂനി. 200 മീ .)

റിജിന് അയോഗ്യത: കേരളത്തിന് രണ്ടുമെഡലുകള്‍ നഷ്ടം
സബ്ജൂനിയര്‍ വിഭാഗത്തില്‍ മത്സരിച്ച കോതമംഗലം സെന്റ് ജോര്‍ജ് സ്‌കൂളിലെ റിജിന്‍ ജോസ് പ്രായപരിശോധനയില്‍ പരാജയപ്പെട്ടതോടെ, കേരളത്തിന് രണ്ടുമെഡലുകള്‍ നഷ്ടമാകും. ഹൈജമ്പില്‍ വെള്ളിനേടിയ റിജിന്‍, സബ്ജൂനിയര്‍ റിലേയിലും പങ്കെടുത്തിരുന്നു. ഈ രണ്ടിനങ്ങളിലെയും വെള്ളിമെഡലുകള്‍ കേരളത്തിന് നഷ്ടമായി. 14 വയസ്സില്‍താഴെയുള്ളവര്‍ക്കാണ് സബ്ബ്ജൂനിയര്‍ വിഭാഗത്തില്‍ മത്സരിക്കാനാവുക. ദേശീയ സ്‌കൂള്‍ ഗെയിംസ് ഫെഡറേഷനാണ് പരിശോധന നടത്തിയത്. ഹൈജമ്പില്‍ സ്വര്‍ണം നേടിയ ഉത്തര്‍ പ്രദേശിന്റെ അനില്‍ കുമാര്‍ സാഹുവിനെ നേരത്തേതന്നെ അയോഗ്യനാക്കിയിരുന്നു. എക്‌സ്‌റേ പരിശോധനയാണ് നടത്തിയത്.

ചരിത്രമായി ലീഡര്‍ - മാതൃഭൂമി

2010-12-23T11:02:00.000-08:00

തിരുവനന്തപുരം: മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ കെ.കരുണാകരന്‍ (93) അന്തരിച്ചു. തിരുവനന്തപുരത്തെ സ്വകാര്യ ആസ്പത്രിയില്‍ വൈകീട്ട് 5.30 ഓടെയായിരുന്നു അന്ത്യം

കടുത്ത പനിയും ശ്വാസതടസ്സവും അനുഭവപ്പെട്ടതിനെ തുടര്‍ന്ന് ഈ മാസം 10നാണ് അദ്ദേഹത്തെ ആസ്പത്രിയില്‍ പ്രവേശിപ്പിച്ചത്. ഇടയ്ക്ക് ആരോഗ്യനില വഷളായെങ്കിലും പതിവുപോലെ കരുണാകരന്‍ ആരോഗ്യനില വീണ്ടെടുത്തു. എന്നാല്‍ ബുധനാഴ്ചയോടെ സ്ഥിതി വീണ്ടും ഗുരുതരമായി. വ്യാഴാഴ്ച രാവിലെ അദ്ദേഹത്തെ സി.ടി സ്‌കാനിന് വിധേയനാക്കി. ബ്രെയിന്‍ സ്‌റ്റെമ്മിന് തകരാറുള്ളതായും തലച്ചോറില്‍ രക്തം കട്ട പിടിച്ചതായും സ്‌കാനിങ്ങില്‍ കണ്ടെത്തിയിരുന്നു. വൈകിട്ട് അഞ്ചരയോടെ ഡോക്ടര്‍മാര്‍ മരണവിവരം സ്ഥിരീകരിച്ചു. മരണസമയത്ത് മക്കളായ കെ.മുരളീധരനും പത്മജ വേണുഗോപാലും സമീപത്തുണ്ടായിരുന്നു.

ആറു പതിറ്റാണ്ടിലേറെക്കാലം കേരള രാഷ്ട്രീയത്തില്‍ നിറഞ്ഞുനിന്ന കരുണാകരന്‍ 1977 മുതല്‍ വിവിധ കാലങ്ങളിലായി നാലു തവണ മുഖ്യമന്ത്രിയും ഒരു തവണ കേന്ദ്ര വ്യവസായ വകുപ്പ് മന്ത്രിയുമായി. 1965ല്‍ മാളയില്‍ നിന്നാണ് ആദ്യമായി കേരള നിയമസഭയിലെത്തിയത്. അതിന് മുന്‍പ് 1948ല്‍ ഒല്ലൂക്കരയില്‍ നിന്ന് പ്രജാ മണ്ഡലത്തിലേയ്ക്കും 1954ല്‍ മണലൂരില്‍ നിന്ന് തിരുകൊച്ചി നിയമസഭയിലുമെത്തി. 1996ല്‍ തൃശൂരില്‍ സി.പി.ഐ.യിലെ വി.വി. രാഘവനോട് തോറ്റതാണ് കരുണാകരന്റെ തിരഞ്ഞെടുപ്പ് ചരിത്രത്തിലെ പ്രധാന തോല്‍വി.

കണ്ണൂര്‍ ചിറക്കല്‍ തെക്കേടത്ത് രാമുണ്ണി മാരാരുടെയും കണ്ണോത്ത് കല്ല്യാണി മാരസ്യാരുടെയും മകനായി 1918 ജൂലായ് അഞ്ചിനായിരുന്നു കരുണാകരന്റെ ജനനം. കണ്ണില്‍ വെള്ളം നിറയുന്ന രോഗംമൂലം എട്ടാം ക്ലാസില്‍ പഠനം നിര്‍ത്തേണ്ടിവന്നു. പിന്നീട് പത്താം ക്ലാസ് വരെ പഠിച്ചെങ്കിലും പരീക്ഷയെഴുതാനായില്ല. അതിനുശേഷമാണ് ചിത്രകല പഠിക്കാനായി രാഷ്ട്രീയ തട്ടകമായ തൃശൂരിലേയ്ക്ക് പോയത്. തൃശൂര്‍ മഹാരാജ് ടെക്‌നോളജിക്കല്‍ ഇന്‍സ്റ്റിറ്റിയൂട്ടില്‍ നിന്ന് സ്വര്‍ണമെഡലോടെ പെയിന്റിങ്ങും ഡ്രോയിങ്ങും പാസ്സായി.

1936ല്‍ കോണ്‍ഗ്രസ് അംഗമായ കരുണാകരന്റെ പ്രവര്‍ത്തനരംഗം തൊഴിലാളി പ്രസ്ഥാനമായിരുന്നു. 1942 ല്‍ സ്വാതന്ത്ര്യസമരത്തില്‍ പങ്കെടുത്ത് അറസ്റ്റ് വരിച്ചു. 1945 ല്‍ തൃശൂര്‍ മുനിസിപ്പല്‍ കൗണ്‍സിലറായി. ഐ. എന്‍.ടി.യു.സി.യുടെ പ്രഥമ ജനറല്‍ സെക്രട്ടറിയായ കരുണാകരന്‍ 1960ല്‍ സംഘടനയുടെ സംസ്ഥാന പ്രസിഡന്റുമായി. കേരളപ്പിറവിക്ക് ശേഷം നിയമസഭയിലേക്ക് മത്സരിച്ച കരുണാകരന്‍ എ.ആര്‍ മേനോനോട് തോറ്റു. 1969ല്‍ കോണ്‍ഗ്രസ് പ്രവര്‍ത്തക സമിതി അംഗമായി.

1971ല്‍ അച്യുതമേനോന്‍ മന്ത്രിസഭയില്‍ ആഭ്യന്തരമന്ത്രിയായി. അടിയന്തരാവസ്ഥക്കാലത്ത് കരുണാകരനായിരുന്നു ആഭ്യന്തരവകുപ്പിന്റെ കടിഞ്ഞാണ്‍. 1977 മാര്‍ച്ച് 25നാണ് ആദ്യമായി മുഖ്യമന്ത്രിയായി സത്യപ്രതിജ്ഞ ചെയ്യുന്നത്. ഒരു മാസത്തിന് ശേഷം ഏപ്രില്‍ 25ന് മുഖ്യമന്ത്രി പദം ഒഴിയേണ്ടിവന്നു. പിന്നീട് 81 ഡിസംബര്‍ 28ന് മുഖ്യമന്ത്രി പദത്തില്‍ തിരിച്ചെത്തി. മന്ത്രിസഭ നിലംപതിച്ചതിനെ തുടര്‍ന്ന് 1982 മെയ് 24ന് മൂന്നാം തവണയും മുഖ്യമന്ത്രി പദവിയിലെത്തി.

1991 ല്‍ യു.ഡി.എഫ് അധികാരത്തിലെത്തിയപ്പോള്‍ ജൂണ്‍ 24ന് നാലാം തവണയും മുഖ്യമന്ത്രി കസേരയില്‍ അവരോധിതനായി. 1992 ലാണ് കരുണാകരന്റെ രാഷ്ട്രീയ ജീവിതം ഏറ്റവും പരീക്ഷണങ്ങള്‍ നേരിട്ടത്. വ്യക്തിപരമായും സംഘടനാപരമായും ലീഡര്‍ അഗ്നിപരീക്ഷകളെ നേരിട്ടു. 1992 ജൂണ്‍ മൂന്നിന് തിരുവനന്തപുരം പള്ളിപ്പുറത്തുണ്ടായ കാറപകടത്തില്‍ ഗുരുതരമായി പരിക്കേറ്റ കരുണാകരന്‍ വിദഗ്ധ ചികിത്സാര്‍ഥം വിദേശത്തേക്ക് പോയി. ആ സമയത്താണ് ഐ ഗ്രൂപ്പില്‍ നടന്ന വിപ്ലവത്തില്‍ കരുണാകരന് രാഷ്ട്രീയ രക്തസാക്ഷിത്വം വഹിക്കേണ്ടി വന്നത്. മുന്നില്‍ നിന്നും പിന്നില്‍ നിന്നും കുത്തിയതിന്റെ മുറിവുണങ്ങും മുമ്പ് തന്നെ ജീവിതത്തിലെ ഏറ്റവും വേദനാജനകമായ സംഭവവുമുണ്ടായി. 1993 മാര്‍ച്ച് 25ന് ഭാര്യ കല്യാണിക്കുട്ടിയുടെ വേര്‍പാട് കരുണാകരന് താങ്ങാവുന്നതിലധികമായി. ഗ്രഹപ്പിഴകള്‍ അവസാനിച്ചില്ല.

1995 മാര്‍ച്ച് 16ന് ഐ.എസ്ആര്‍.ഒ ചാരക്കേസിനെ തുടര്‍ന്ന് മുഖ്യമന്ത്രിപദം ഒഴിഞ്ഞതിനുശേഷം രാജ്യസഭയിലെത്തി. ജൂണ്‍ 10ന് അദ്ദേഹം കേന്ദ്ര വ്യവസായ വകുപ്പില്‍ കാബിനറ്റ് മന്ത്രിയായി. രാജ്യസഭാ കാലാവധി തീരുന്നതിന് മുമ്പ് തന്നെ ലോക്‌സഭയിലേക്ക് മത്സരിക്കാന്‍ കരുണാകരന്‍ തീരുമാനിച്ചു. തന്റെ രാഷ് ട്രീയം തട്ടകമായ തൃശൂരിലാണ് കരുണാകരന്‍ വിശ്വാസം അര്‍പ്പിച്ചത്. പക്ഷേ കടുത്ത പരീക്ഷണം നേരിട്ട തിരഞ്ഞെടുപ്പില്‍ സി.പി.ഐ.യിലെ വി.വി. രാഘവനോട് 1480 വോട്ടുകള്‍ക്ക് തോറ്റു. കരുണാകരന്റെ പരാജയം രാഷ്ട്രീയകേരളം ഞെട്ടിയ സംഭവമായിരുന്നു. കരുണാകരന്റെ തിരഞ്ഞെടുപ്പ് ചരിത്രത്തിലെ പ്രധാന തോല്‍വിയായിരുന്നു ഇത്.

1998ല്‍ തട്ടകം തിരുവനന്തപുരത്തേക്ക് മാറ്റി. സിറ്റിങ് എം.പി കെ.വി സുരേന്ദ്രനാഥിനെ 15,398 വോട്ടുകള്‍ പരാജയപ്പെടുത്തി കരുണാകരന്‍ തിരിച്ചെത്തി. 1999ല്‍ പിന്നെയും മണ്ഡലം മാറി. യു.ഡി.എഫിന്റെ സുരക്ഷിത മണ്ഡലമായി കരുതപ്പെട്ട മുകുന്ദപുരമാണ് അദ്ദേഹം തിരഞ്ഞെടുത്തത്. 50,000 ത്തിലധികം വോട്ടുകളുടെ വ്യത്യാസത്തില്‍ സാക്ഷാല്‍ ഇ.എം.എസിന്റെ മകന്‍ ഇ.എം ശ്രീധരനെയാണ് പരാജയപ്പെടുത്തിയത്.

ഇന്ദിരാഗാന്ധിയുടെ വത്സലശിഷ്യനായി നിലകൊണ്ട കരുണാകരന്‍ പാര്‍ട്ടിയുടെ നിയന്ത്രണം സോണിയ ഗാന്ധിയിലെത്തിയപ്പോള്‍ ഇടക്കാലത്ത് പാര്‍ട്ടിയുമായി തെറ്റി മകന്‍ കെ.മുരളീധരനോടൊപ്പം ഡി.ഐ.സി. രൂപീകരിച്ചു. പഞ്ചായത്ത് തിരഞ്ഞെടുപ്പില്‍ ഇടതുമുന്നണിക്കൊപ്പം മത്സരിച്ച് ഡി.ഐ.സി.സാന്നിധ്യമറിയിച്ചെങ്കിലും ഉറച്ച കോണ്‍ഗ്രസുകാരനായ കരുണാകരന് ഇടതുമുന്നണിയുമായുള്ള ചങ്ങാത്തം അധികകാലം തുടരാനായില്ല. ഡി.ഐ.സി ഒരു രാഷ്ട്രീയ പരാജയമാണെന്ന് തിരിച്ചറിഞ്ഞ കരുണാകരന്‍ കോണ്‍ഗ്രസില്‍ മടങ്ങിയെത്തി. അതുവരെ കരുണാകരനൊപ്പം ഉറച്ചുനിന്ന മകന്‍ കെ മുരളീധരന്‍ കരുണാകരനെ രാഷ്ട്രീയത്തില്‍ ആദ്യമായി തള്ളിപ്പറഞ്ഞു.

കരുണാകരനെ ഉപേക്ഷിച്ച് മുരളീധരന്‍ എന്‍.സി.പിക്കൊപ്പം നിലകൊണ്ടു. മുരളിയുടെ മടങ്ങിവരവായിരുന്നു അവസാനകാലത്തും കരുണാകരന്റെ ആഗ്രഹിച്ചിരുന്നത്. മുരളീധരന്റെ കോണ്‍ഗ്രസ് പുന:പ്രവേശത്തിനുള്ള സാഹചര്യങ്ങള്‍ അനുകൂലമാകുകയും പ്രഖ്യാപനം മാത്രം ശേഷിക്കെയാണ് മരണത്തിന്റെ വിളി കരുണാകരനെ തേടിയെത്തിയത്. മരിക്കുമ്പോള്‍ എ.ഐ.സി.സി നിര്‍വാഹക സമിതി അംഗമായിരുന്നു കരുണാകരന്‍.

അന്തരിച്ച കല്ല്യാണിക്കുട്ടി അമ്മയാണ് ഭാര്യ. കെ. മുരളീധരനും കെ.പത്മജയുമാണ് മക്കള്‍. മരുമക്കള്‍: ഡോ. വേണുഗോപാല്‍, ജ്യോതി.

ലീഡര്‍ അന്തരിച്ചു... ജന്മഭൂമി

2010-12-23T09:21:00.001-08:00

തിരുവനന്തപുരം : മുതിര്‍ന്ന കോണ്‍ഗ്രസ്‌ നേതാവ്‌ കെ. കരുണാകരന്‍ അന്തരിച്ചു . 92 വയസ്സായിരുന്നു. ഇന്ന്‌ വൈകീട്ട്‌ 5.30 തിരുവനന്തപുരത്തെ സ്വകാര്യ ആശുപത്രിയില്‍ വച്ചായിരുന്നു അന്ത്യം.

തഹസില്‍ദാറായിരുന്ന കണ്ണൂര്‍ ചിറക്കല്‍ കണ്ണോത്ത് രാമുണ്ണി മാരാരുടെയും കല്യാണിയമ്മയുടെയും മകനായി 1918 ജുലൈ അഞ്ചിന് ജനിച്ച കരുണാകരന്‍ ചിറക്കല്‍ രാജാസ് ഹൈസ്‌കൂളില്‍ എട്ടാം ക്ലാസ് പഠനം കഴിഞ്ഞ് തൃശൂരില്‍ എത്തിയത് ചിത്ര രചന പഠിക്കാനാണ്. എന്നാല്‍ പഠിച്ചത് രാഷ്ട്രീയം. അങ്ങനെയാണ് ഇരുപത്തിയേഴം വയസ്സില്‍ നഗരസഭാ തെരഞ്ഞെടുപ്പില്‍ സ്ഥാനാര്‍ഥിയായത്. ചെമ്പുക്കാവ് വാര്‍ഡില്‍ നിന്നാണ് അന്ന് വിജയിച്ചത്. പിന്നീട് നിയമനിര്‍മാണ സഭകളിലേക്ക് തെരഞ്ഞെടുക്കപ്പെട്ടതിനാല്‍ നഗരസഭയിലേക്ക് മല്‍സരിച്ചില്ല. മൂന്ന് വര്‍ഷമാണ് നഗരസഭാ കൗണ്‍സിലര്‍ എന്ന നിലയില്‍ കരുണാകരന്‍ സജീവമായത്. 1945 മുതല്‍ 1947 വരെ.

1948ല്‍ കൊച്ചി നിയമസഭയിലേക്ക് തെരഞ്ഞെടുപ്പ് വന്നപ്പോള്‍ ഒല്ലൂക്കര മണ്ഡലത്തില്‍ മല്‍സരിച്ച് കരുണാകരന്‍ നിയമസഭയിലെത്തി. 1951ല്‍ തിരു-കൊച്ചി നിയമസഭയിലേക്ക് വിയ്യൂരില്‍ നിന്ന്‌തെരഞ്ഞെടുക്കപ്പെട്ടു. 1954ലെ തെരഞ്ഞെടുപ്പില്‍ മണലൂര്‍ മണ്ഡലത്തില്‍ നിന്ന് മന്ത്രി കെ. പി. രാജേന്ദ്രന്റെ പിതാവ് കെ. പി. പ്രഭാകരനെ പരാജയപ്പെടുത്തിയും വിജയിച്ചു. പക്ഷേ, ഐക്യ കേരളത്തിലെ ആദ്യ തെരഞ്ഞെടുപ്പില്‍ സ്വന്തം തട്ടകമായ തൃശൂരില്‍ സ്വതന്ത്രനായ ഡോ. എ. ആര്‍. മേനോനോട് പരാജയമറിഞ്ഞു. മേനോന്‍ ആദ്യ ഇ.എം.എസ് മന്ത്രിസഭയില്‍ ആരോഗ്യ മന്ത്രിയായിരുന്നു.

1965 ല്‍ മാള നിയോജക മണ്ഡലം രൂപവത്കരിക്കപ്പെട്ടതോടെയാണ് വീണ്ടും മല്‍സരത്തിനിറങ്ങിയത്. മാളയില്‍ കരുണാകരന് വീടില്ലെങ്കിലും 1996 ലെ തെരഞ്ഞെടുപ്പ് വരെ മാളയുടെ പ്രതിനിധിയായിരുന്നു. പിന്നീട് ലോകസഭയിലേക്കും രാജ്യസഭയിലേക്കും തെരഞ്ഞെടുക്കപ്പെട്ടു. 1969 മുതല്‍ 1995 വരെ കോണ്‍ഗ്രസ് പ്രവര്‍ത്തകസമതി അംഗമായിരുന്നു. 1995-ല്‍ രാജ്യസഭയിലേക്കു തെരഞ്ഞെടുക്കപ്പെട്ട കരുണാകരന്‍ ഒരു വര്‍ഷത്തോളം കേന്ദ്ര വ്യവസായ മന്ത്രിയായിരുന്നു. കേരള നിയമസഭയിലേക്ക് ഏഴ് തവണ തിരഞ്ഞെടുക്കപ്പെട്ടിട്ടുണ്ട്. ഐ.എന്‍..ടി.യു.സിയുടെ സ്ഥാപക അംഗമായിരുന്നു.

കേരള രാഷ്ട്രീയത്തിലെ ഏറ്റവും വിവാദപുരുഷനും വാര്‍ത്തകളില്‍ നിറഞ്ഞു നിന്നതുമായ വ്യക്തിയാണ് കരുണാകരന്‍. ഇന്ദിരാഗാന്ധിയുടെ വിശ്വസ്തനായിരുന്നു. നാലു തവണ കേരള മുഖ്യമന്ത്രിയായ കരുണാകരന്‌ രാജന്‍ കൊലക്കേസ് തീരാക്കളങ്കം ഉണ്ടാക്കി. അടിയന്തരാവസ്ഥക്കാ‍ലത്ത് കരുണാകരന്‍ ആഭ്യന്തര മന്ത്രിയായിരുന്നപ്പോള്‍ അറസ്റ്റ് ചെയ്യപ്പെട്ട രാജനെ കോടതിയില്‍ 24 മണിക്കൂറിനകം ഹാജരാക്കാന്‍ കേരള ഹൈക്കോടതി ഉത്തരവിട്ടു. രാജന്റെ പിതാവ് ഈച്ചരവാര്യര്‍ സമര്‍പ്പിച്ച ഹേബിയസ് കോര്‍പ്പസ് ഹര്‍ജ്ജിയിര്‍ വാദം കേള്‍ക്കവേയാണ് ഹൈക്കോടതി ഈ ഉത്തരവു പുറപ്പെടുവിച്ചത്. വിധി വന്ന സമയത്ത് മുഖ്യമന്ത്രിയായിരുന്ന കരുണാകരന് രാജി വയ്ക്കേണ്ടി വന്നു.

ഒരേ ഒരു ലീഡര്‍ - മാധ്യമം

2010-12-23T09:19:00.000-08:00

കൊച്ചി, തിരുകൊച്ചി, കേരള നിയമസഭകളിലും പാര്‍ലമെന്റിന്റെ ഇരുസഭകളിലും അംഗമാകാന്‍ കഴിഞ്ഞ ഏക വ്യക്തി കരുണാകരന്‍ മാത്രമാണ്. 1945ല്‍ തൃശൂര്‍ മുനിസിപ്പല്‍ കൗണ്‍സിലറായി തെരഞ്ഞെടുക്കപ്പെട്ട കരുണാകരന്‍ 1948ല്‍ ഒല്ലൂര്‍ക്കരയില്‍നിന്ന് കൊച്ചി പ്രജാരാജ്യ നിയമസഭാ മണ്ഡലത്തിലേക്ക് കൊളങ്ങാട് നാരായണമേനോനെതിരെ വിജയിച്ചു. ഇതേ മണ്ഡലത്തില്‍ 1951, 1954 വര്‍ഷങ്ങളിലും വിജയം ആവര്‍ത്തിച്ചു. 1957ല്‍ തൃശൂര്‍ മണ്ഡലത്തില്‍ ഡോ. എ.ആര്‍. മേനോനോട് പരാജയപ്പെട്ടു.

1960ലെ തെരഞ്ഞെടുപ്പില്‍ സീറ്റിനുവേണ്ടി ശ്രമിച്ചെങ്കിലും നിരാശയായിരുന്നു ഫലം. 60ല്‍ കെ.പി.സി.സി പ്രസിഡന്റായ സി.കെ. ഗോവിന്ദന്‍ നായരുടെ ആജ്ഞാനുവര്‍ത്തിയായി മാറി. 1962ല്‍ തൃശൂര്‍ മണ്ഡലത്തില്‍നിന്ന് പാര്‍ലമെന്റിലേക്ക് മല്‍സരിക്കാന്‍ ശ്രമിച്ചെങ്കിലും ഫലം കണ്ടില്ല. 1963ല്‍ രാജ്യസഭാ സീറ്റും കോണ്‍ഗ്രസ് നേതൃത്വം നല്‍കിയില്ല. ഈ സമയത്തെല്ലാം സാമ്പത്തികമായി ഏറെ ബുദ്ധിമുട്ടിലായിരുന്നു ലീഡര്‍.

1964ല്‍ കോണ്‍ഗ്രസ് പിളര്‍ന്ന് കേരള കോണ്‍ഗ്രസ് ഉണ്ടായി. തുടര്‍ന്ന് 1965ല്‍ മാളയില്‍ നടന്ന തെരഞ്ഞെടുപ്പില്‍ കരുണാകരന്‍ വിജയിച്ചു. എന്നാല്‍, ആര്‍ക്കും നിയമസഭയില്‍ വ്യക്തമായ ഭൂരിപക്ഷം തെളിയിക്കാന്‍ കഴിയാഞ്ഞതിനാല്‍ നിയമസഭ ചേരാതെ പിരിഞ്ഞു. 1967ല്‍ വീണ്ടും നടന്ന തെരഞ്ഞെടുപ്പില്‍ പ്രമുഖ കോണ്‍ഗ്രസ് നേതാക്കളെല്ലാം പരാജയപ്പെട്ടുവെങ്കിലും കരുണാകരനെ മാള തുണച്ചു. ഈ തെരഞ്ഞെടുപ്പില്‍ കോണ്‍ഗ്രസിന് ലഭിച്ചത് ആകെ ഒമ്പതു സീറ്റാണ്. മുതിര്‍ന്ന നേതാവ് അലക്‌സാണ്ടര്‍ പറമ്പിത്തറ നിയമസഭാ കക്ഷി നേതാവാകാന്‍ വിസമ്മതിച്ചതിനാല്‍ കരുണാകരന്‍ നേതൃത്വം ഏറ്റെടുത്തു. കരുണാകരന്‍ എന്ന രാഷ്ട്രീയ നേതാവിന്റെ വളര്‍ച്ചയും പ്രശസ്തിയും ആരംഭിച്ചത് ഇവിടെനിന്നാണ്്. സ്വന്തം പാര്‍ട്ടിയില്‍ എ.കെ. ആന്റണിയുമായുള്ള ഏറ്റുമുട്ടല്‍ ആരംഭിക്കുന്നതും ഇവിടെവെച്ചുതന്നെ.

K. കരുണാകരന്‍ അന്തരിച്ചു‍‍- മംഗളം

2010-12-23T09:17:00.000-08:00

തിരുവനന്തപുരം: മുതിര്‍ന്ന കോണ്‍ഗ്രസ്‌ നേതാവും മുന്‍മുഖ്യമന്ത്രിയുമായ കെ.കരുണാകരന്‍ അന്തരിച്ചു. ഇന്ന്‌ അഞ്ചരയോടു കൂടിയാണ്‌ 92 കാരനായ അദ്ദേഹം അന്തപുരി ആശുപത്രിയില്‍ അന്തരിച്ചത്‌ . ഈ മാസം ആദ്യമാണ്‌ അദ്ദേഹത്തെ അനന്തപുരി ആശുപത്രിയില്‍ പ്രവേശിപ്പിച്ചത്‌ . അസുഖങ്ങളോട്‌ തന്റെ പതിവു ശൈലിയില്‍ പൊരുതിയെങ്കിലും വിധിക്കു വഴങ്ങി അദ്ദേഹം ചരിത്രത്തിന്റെ ഭാഗമാകുകയാണ്‌. പരേതയായ കല്യാണിക്കുട്ടിയമ്മയാണ്‌ ഭാര്യ. കെ.പി.സി.സി. അധ്യക്ഷനായിരുന്ന കെ. മുരളീധരന്‍, പദ്‌മജാ വേണുഗോപാല്‍ എന്നിവരാണ്‌ മക്കള്‍.

കണ്ണൂര്‍ ജില്ലയിലെ ചിറക്ക്‌കല്‍ കണ്ണോത്തു കല്യാണി വാരസ്യാരുടെ മകനായി 1918 ജൂലൈ അഞ്ചിന്‌ കാര്‍ത്തിക നണക്ഷത്രത്തിലായിരുന്നു കരുണാകരന്റെ ജനനം. മുത്തച്‌ഛന്‍ കൃഷ്‌ണന്‍ നമ്പൂതിരി കുഞ്ഞിന്റെ ഗ്രഹനില ഗണിച്ച്‌ അച്‌ഛന്‍ രാമുണ്ണി മാരാരോട്‌ പറഞ്ഞു. ഇവന്‌ രാജയോഗമുണ്ട്‌. മുത്തച്‌ഛന്റെ നാവ്‌ പൊന്നായി. രാജയോഗവുമായി ജനിച്ച കരുണാകരന്‍ അനുയായികളുടെ വികാരമായി ലീഡറായി വളര്‍ന്നു. 1931 -ല്‍ 13 -ാം വയസില്‍ ഗാന്ധിജിയെ കാണാന്‍ അവസരം ലഭിച്ചതാണ്‌ അദ്ദേഹത്തിന്റെ ജീവിതത്തില്‍ വഴിത്തിരിവ്‌ ഉണ്ടാക്കിയത്‌ . പിന്നീട്‌ ചിത്രകാരന്‍ എന്ന നിലയിലും ശ്രദ്ധേയനായി. എണ്ണച്ചായമായിരുന്നു കരുണാകരന്റെ പ്രിയപ്പെട്ട മീഡിയം. അന്നു കരുണാകരന്‍ വരച്ച പോര്‍ട്രേറ്റുകളില്‍ ചിലതു ഇന്നും തൃശൂരിലെ മ്യൂസിയത്തിലുണ്ട്‌. ചില പോര്‍ട്രേറ്റുകള്‍ക്കാണ്‌ അഞ്ഞൂറുരൂപവരെ ലഭിച്ചിരുന്നുവത്രേ. എന്നാല്‍ 1942 ല്‍ രാഷ്‌ട്രീയത്തില്‍ കേന്ദ്രീകരിക്കാന്‍ അദ്ദേഹം തീരുമാനിക്കുകയായിരുന്നു. 1942 ല്‍ പ്രജാമണ്ഡലം യോഗത്തില്‍ അദ്ദേഹം സജീവ സാന്നിധ്യമായി. അന്ന്‌ അദ്ദേഹം മുഴക്കിയ മുദ്രാവാക്യങ്ങള്‍ പിന്നീട്‌ ജനലക്ഷങ്ങള്‍ ഏറ്റുവാങ്ങി. 1947 ആയപ്പോള്‍ കേരളത്തിലെ മുതിര്‍ന്ന തൊഴിലാളി നേതാവായി അദ്ദേഹം ഉയര്‍ന്നിരുന്നു.

ഇടതുപക്ഷത്തെ നേരിടാന്‍ അദ്ദേഹം തുടങ്ങിയ ഐക്യജനാധിപത്യ മുന്നണി(യുഡിഎഫ്‌) അന്നു മുതല്‍ ഇന്നു വരെ കേരള രാഷ്‌ട്രീയത്തിലെ പ്രമുഖശക്‌തിയാണ്‌ . നെഹ്‌റു കുടുംബത്തോടുള്ള അടുപ്പമാണ്‌ അദ്ദേഹത്തെ കേന്ദ്രരാഷ്‌ട്രീയത്തില്‍ കരുത്തനാക്കിയത്‌ . ഇന്ദിരാഗാന്ധിയുമായുളള അടുപ്പം മൂലം കേരളത്തിലെ കോണ്‍ഗ്രസ്‌ നേതാക്കളില്‍ കരുത്തനായി മാറാന്‍ അദ്ദേഹത്തിന്‌ കഴിഞ്ഞു. അടിയന്താരാവസ്‌ഥ കാലത്ത്‌ കേരളത്തിന്റെ ആഭ്യന്തര മന്ത്രിയായി. സി.അച്യുമേനോന്‍ അന്ന്‌ മുഖ്യമന്ത്രിയായിരുന്നെങ്കിലും കരുണാകരനാണ്‌ ഏറെ ശ്രദ്ധേയനായത്‌ .1977 മാര്‍ച്ച്‌ മൂന്നിനാണ്‌ ആദ്യമായി അദ്ദേഹം കേരളാ മുഖ്യമന്ത്രിയായത്‌. 1981ലും , 1982-ലും 1991-ല്‍ അദ്ദേഹം അധികാരത്തില്‍ മടങ്ങിയെത്തി. എന്നാല്‍ ഉമ്മന്‍ ചാണ്ടിയുടെ നേതൃത്വത്തില്‍ എ ഗ്രൂപ്പ്‌ ആധിപത്യം നേടിയതോടെ അധികാരം എ.കെ. ആന്റണിയെ അദ്ദേഹത്തിന്‌ ഏല്‍പ്പിക്കേണ്ടി വന്നു.

കരുണാകരന്റെ പിന്തുണയോടെ പ്രധാനമന്ത്രിയായ പി.പി. നരസിംഹ റാവു അദ്ദേഹത്തെ 1995ല്‍ കേന്ദ്രമന്ത്രിസഭയിലെടുത്തു. വ്യവസായമന്ത്രിയായെങ്കിലും മനസ്‌ കേരളത്തിലായിരുന്നു. മകന്‍ കെ. മുരളീധരന്‍ രാഷ്‌ട്രീയത്തില്‍ സജീവമായതോടെ അദ്ദേഹം നേതൃത്വം നല്‍കിയ ഐ ഗ്രൂപ്പില്‍ ശിഥിലീകരണം ആരംഭിച്ചു. എന്നാല്‍ രാജ്യസഭാ- ലോക്‌സഭാ അംഗമെന്ന നിലയില്‍ കേന്ദ്രരാഷ്‌ട്രീയത്തില്‍ തളയ്‌ക്കാനായിരുന്നു കോണ്‍ഗ്രസ്‌ നേതൃത്വത്തിന്റെ തീരുമാനം.

ആന്റണി അധികാരത്തില്‍ മടങ്ങിയെത്തിയപ്പോള്‍ മകന്‍ കെ.മുരളീധരനെ കെപിസിസി അധ്യക്ഷനായി അവരോധിക്കാന്‍ അദ്ദേഹത്തിന്‌ കഴിഞ്ഞു. പിന്നീട്‌ നടത്തിയ വിമത നീക്കങ്ങള്‍ അദ്ദേഹത്തെ ഹൈക്കമാന്‍ഡുമായി അകറ്റി. മുരളിയെ മന്ത്രിയാക്കിയും കരുണാകരനും മകള്‍ പദ്‌മജയ്‌ക്കും സീറ്റുകള്‍ നല്‍കി ഒത്തുതീര്‍പ്പിന്‌ ഹൈക്കമാന്‍ഡ്‌ ശ്രമിച്ചു. എന്നാല്‍ മക്കളിരുവരും തെരഞ്ഞെടുപ്പുകളില്‍ തോറ്റു പുറത്തായതോടെ കരുണാകരന്റെ ഗ്രൂപ്പിന്റെ ശക്‌തിശോഷണം ആരംഭിച്ചു.

ആന്റണിയ്‌ക്കു പകരം ഉമ്മന്‍ ചാണ്ടി അധികാരത്തിലെത്തിയതോടെ മാറിയ ഗ്രൂപ്പ്‌ സമവാക്യങ്ങള്‍ അദ്ദേഹത്തിന്‌ തിരിച്ചടിയായി. 2005 മെയ്‌ ഒന്നിന്‌ മകനും കൂട്ടാളികള്‍ക്കുമൊപ്പം ഡമോക്രാറ്റിക്‌ ഇന്ദിരാ കോണ്‍ഗ്രസ്‌(കരുണാകരന്‍) എന്ന പാര്‍ട്ടി രൂപീകരിച്ചു. ഇടതു സഖ്യത്തിന്‌ ശ്രമിച്ചെങ്കിലും പരാജയമായി. യുഡിഎഫിനൊപ്പം ചേര്‍ന്ന്‌ തെരഞ്ഞെടുപ്പില്‍ മത്സരിച്ചെങ്കിലും ഒരു എംഎല്‍എയെ മാത്രമാണ്‌ വിജയിപ്പിക്കാനായത്‌ . കെ.മുരളീധരനും , ടി.എം. ജേക്കബും അടക്കമുള്ള പ്രമുഖര്‍ തോല്‍വിയുടെ രുചിയറിഞ്ഞു.

ഇടതു പ്രവേശനത്തിന്‌ ശരത്‌ പവാറിന്റെ എന്‍സിപിയില്‍ സ്വന്തം പാര്‍ട്ടിയെ ലയിപ്പിച്ചെങ്കിലും നീക്കം പാളി. എന്‍സിപി ഇടതു മുന്നണിയില്‍ നിന്ന്‌ പുറത്തായി. അവസാനം മകള്‍ പദ്‌മജാ വേണുഗോപാലിനൊപ്പം അദ്ദേഹം മാതൃസംഘടനയിലേക്ക്‌ മടങ്ങി. അന്ന്‌ കൂടെകൂടാതിരുന്ന കെ. മുരളീധരന്‍ ഇപ്പോഴൂം പാര്‍ട്ടിയുടെ വിളികാത്തിരിക്കുകയാണ്‌. വര്‍ക്കിംഗ്‌ കമ്മിറ്റിയിലെ പ്രത്യേക ക്ഷണിതാവ്‌ സ്‌ഥാനം നല്‍കി കോണ്‍ഗ്രസ്‌ അദ്ദേഹത്തെ ആദരിച്ചെങ്കിലും വിശ്വസ്‌ഥര്‍ക്ക്‌ വേണ്ടത്ര പരിഗണന കിട്ടിയില്ല. അവര്‍ പലഗ്രൂപ്പുകളിലായി ചേരി തിരിഞ്ഞു. കേരളത്തിലെ യുഡിഎഫ്‌ രാഷ്‌ട്രീയത്തിന്റെ ഭാവി നിര്‍ണയിച്ച അദ്ദേഹം അനാരോഗ്യത്തെ തുടര്‍ന്ന്‌ ചെറിയ വിഭാഗത്തിന്റെ നേതാവായി , ചെറിയ പരാതികളുമായി വാര്‍ത്തകളില്‍ നിറഞ്ഞുനിന്നു. അവസാനം പാര്‍ട്ടിയിലെ കാരണവര്‍ എന്ന ബഹുമാനം ഏറ്റുവാങ്ങി അദ്ദേഹം വിടപറഞ്ഞു.

പടര്‍ന്നു പന്തലിച്ചു, വടവൃക്ഷമായി - കേരളകൌമുദി

2010-12-23T09:14:00.000-08:00

പൂങ്കുന്നത്തെ സീതാറാം മില്ളിന്‍െറ പടിവാതില്‍ക്കല്‍ ചേറ്റുപുഴക്കാരന്‍ പടിഞ്ഞാറേത്തല നാണു എഴുത്തച്ഛന്റെ ചായക്കടയിലെ മരബഞ്ച്. ഈ മരബഞ്ചിലിരുന്നാണ് കരുണാകരന്‍ തൊഴിലാളികളെ ചാക്കിട്ട് പിടിച്ച് കോണ്‍ഗ്രസിന് പൂങ്കുന്നത്തെ സീതാറാമില്‍ യൂണിയനുണ്ടാക്കിയത്. കേരളത്തിലെ തൊഴിലാളി പ്രസ്ഥാനങ്ങളെ കുറിച്ച് പറയുമ്പോള്‍ ആ തൊഴിലാളി കൂട്ടായ്മയില്‍ നിന്നു തുടങ്ങണം. 1960. തൊഴിലാളികള്‍ കൈയില്‍ ചെങ്കൊടി പിടിച്ചപ്പോള്‍ 40 പേരെകൊണ്ട് കരുണാകരന്‍ മൂവര്‍ണ്ണക്കൊടി പിടിപ്പിച്ചു!കമ്മ്യൂണിസ്റ്റുകാര്‍ക്ക് അന്ന് മുതല്‍ക്ക് കരുണാകരന്‍ കണ്ണിലെ കരടായി. കേരള രാഷ്ട്രീയത്തില്‍ അന്നാദ്യം കരിങ്കാലി എന്ന പ്രയോഗം വന്നു. തൊഴിലാളി പ്രവര്‍ത്തനം നടത്തിവന്ന കരുണാകരന്‍ ബാരിസ്റ്റര്‍ മേനോന്റെ ഒഴിവിലേക്ക് മത്സരിച്ച് തൃശൂര്‍ നഗരസഭ കൌണ്‍സിലറായത് പൂങ്കുന്നം എന്ന 'പൊങ്ങണ'ത്തെ നെയ്ത്തു കമ്പനിയിലെ സമരാങ്കണത്തില്‍ നിന്നായിരുന്നു. കെ.കെ. വാര്യര്‍, അമ്പാടി ശങ്കരന്‍കുട്ടി, സി. അച്യുതമേനോന്‍, വി.ടി. ഇന്ദുചൂഢന്‍, സോളമന്‍, സി.എല്‍. വര്‍ക്കി, എ.എം. പരമന്‍, എ.മാധവന്‍ തുടങ്ങി നിരവധി പ്രമുഖര്‍ അന്ന് സീതാറാമിലെ തൊഴിലാളികളെ നയിച്ചു.
ഗാന്ധിജി പ്രസംഗിച്ച മണികണ്ഠനാല്‍ത്തറ
ആദ്യമായി മൂവര്‍ണ്ണക്കൊടി ഉയര്‍ത്തി കരുണാകരന്‍ യുവതുര്‍ക്കിയായത് ഈ തറയിലായിരുന്നു. 1942 ആഗസ്റ്റ് 12. പൊലീസിന്റെ ക്രൂരമായ ലാത്തിച്ചാര്‍ജ്. അടികൊണ്ട് വീഴുമ്പോഴും ആവേശത്തോടെ മുന്നോട്ട് കുതിച്ച് ആ തറയില്‍ മൂവര്‍ണ്ണക്കൊടി ചാര്‍ത്തി.
വിയ്യൂര്‍ജയില്‍.
സൂര്യകാന്തിപ്പൂവും ചെമ്പരത്തിപ്പൂവും കൂട്ടിത്തേച്ച് കുങ്കുമവര്‍ണ്ണമുണ്ടാക്കി ആര്യവേപ്പും മാവിലയും ചേര്‍ത്ത് പച്ചനിറം ചാലിച്ച്, നീലം കൊണ്ട് ചര്‍ക്ക വരച്ച് മൂവര്‍ണ്ണക്കൊടി ഉയര്‍ത്തിയതിവിടെയായിരുന്നു. നിറത്തിന് വലിയ ചന്തമുണ്ടായില്ലെങ്കിലും ആ പതാക കൈയിലേന്തിയപ്പോള്‍ കരുണാകരന്‍ എന്ന നേതാവിന്റെ ഉളളിലുണര്‍ത്തിയ വികാരത്തിന് ഒരുപാട് നിറങ്ങളായിരുന്നു. ജയില്‍ കെട്ടിടത്തിന്റെ മുകളില്‍ കൊടി ഉയര്‍ത്തിയപ്പോള്‍ ലോകം മുഴുവന്‍ കീഴടക്കിയതായും ഇന്ത്യ സ്വതന്ത്രയായതു പോലെയും തോന്നിയതായി അദ്ദേഹം എഴുതിയിട്ടുണ്ട്. ബ്രിട്ടീഷ് പൊലീസിന്റെ നിഷ്ഠൂരമായ ബലപ്രയോഗങ്ങളെ എതിരിടാനും ആ മൂവര്‍ണ്ണക്കൊടി ഉയര്‍ത്തിയ വികാരമായിരുന്നു അദ്ദേഹത്തിന് ശക്തിയായത്.
ഗുരുവായൂര്‍.
ഗുരുവായൂരപ്പന്‍ ലീഡറുടെ മനസ്സില്‍ പ്രതിഷ്ഠയാകുന്നത് വിവാഹജീവിതത്തിന്റെ തുടക്കകാലത്താണ്. പിന്നീട് നാളിതുവരെ എല്ലാ മലയാളമാസം ഒന്നാം തീയതിയും കണ്ണനെ കാണാന്‍ അദ്ദേഹമെത്തി. ചുരുക്കം ചിലപ്പോള്‍ പല കാരണങ്ങളാലും ആ സന്ദര്‍ശനം മുടങ്ങിയിട്ടുണ്ട്. ഗുരുവായൂരപ്പഭക്തിയെക്കുറിച്ച് അദ്ദേഹം എഴുതി: "ജീവിതത്തില്‍ എന്തെങ്കിലും നേടിയിട്ടുണ്ടെങ്കില്‍ അത് ഭഗവാന്റെ കൃപ കൊണ്ടാണ്. എന്റെ ശരണാലയം ഭഗവാനാണ്. ആ വിശ്വാസം ഇന്നുവരെ തെറ്റിയിട്ടില്ല. വിളക്ക് കണികണ്ടാണ് ഞാന്‍ ഉണരുക പതിവ്. ആ വിളക്കാണ് എന്റെ സത്യം. എന്നെ തളളിപ്പറഞ്ഞവര്‍ വീണ്ടും എന്റെ മുന്നില്‍ വന്നിട്ടുണ്ട്. അപ്പോള്‍ ഞാന്‍ അഹങ്കരിച്ചില്ല. എന്റെ ഗുരുവായൂര്‍ യാത്രയെ കുറിച്ച് കെ. ആര്‍. ഗൌരി അമ്മ നിയമസഭയിലും പുറത്തും എത്രയോ വിമര്‍ശിച്ചു. അവരുടെ കൈയില്‍ ഗുരുവായൂരപ്പന്റെ പ്രസാദം കൊടുക്കാന്‍ എനിക്ക് യോഗമുണ്ടായി. ഒരിക്കല്‍ ഗുരുവായൂരില്‍ ചെന്നപ്പോള്‍ ആഞ്ഞം കൃഷ്ണന്‍നമ്പൂതിരി പറഞ്ഞതും അതു തന്നെ: കാരുണ്യനിധിയായ ഗുരുവായൂരപ്പന്‍ ഒരിക്കലും നമ്മെ കൈവിടുകയില്ല...."
2009 ല്‍ അതീവ ഗുരുതരാവസ്ഥയില്‍ നിന്ന് മോചിതനായി ബോധം തെളിഞ്ഞപ്പോള്‍ കണ്ണന്റെ ചിത്രം ചോദിച്ച ലീഡര്‍.ആശുപത്രിക്കിടക്കയ്ക്കു സമീപം വച്ച ഭഗവാന്റെ ചിത്രം കണ്ട് നിര്‍വൃതിയിലാണ്ട ലീഡര്‍. മരണത്തെ മുഖാമുഖം കണ്ട് കിടക്കയില്‍ കിടന്ന് രാഷ്ട്രീയത്തിലെ ആ ഭീഷ്മാചാര്യന്‍ ഉളളുരുകിയപ്പോഴെല്ലാം കണ്ണന്‍ വിളികേട്ടിട്ടുണ്ടെന്ന് വിശ്വസിക്കുന്നവരാണ് അദ്ദേഹത്തിന്റെ അനുയായികളും ആരാധകരുമെല്ലാം.
അഴീക്കോടന്‍ കുത്തേറ്റു വീണ ചെട്ടിയങ്ങാടി. കരുണാകരനെയും കോണ്‍ഗ്രസ്സിനെയുമൊക്കെ സംശയത്തിന്‍െറ മുള്‍മുനയിലേക്ക് കൊണ്ടു നിറുത്തിയ ആക്ഷേപങ്ങള്‍ ഇവിടെ നിന്നുയര്‍ന്നു. സി.പി.എം. നേതാവ് അഴീക്കോടന്‍ രാഘവന്റെ കൊലപാതകവുമായി ബന്ധപ്പെടുത്തി കരുണാകരനെതിരെ ആരോപണം ഉയര്‍ത്തിയത് ആദ്യം നവാബായിരുന്നു. തൃശൂരിന്റെ നവാബ് രാജേന്ദ്രന്‍.
; ഭാര്യ കല്യാണിക്കുട്ടിയമ്മയുടെ സ്മൃതികൂടീരമുളള പൂങ്കുന്നം,
ചിത്രം വര പഠിച്ച ഫൈന്‍ ആര്‍ട്സ് കോളേജ്, എക്കാലവും വിജയക്കൊടി നാട്ടിയ വളക്കൂറുളള മാള മണ്ഡലം, പ്ളാന്റേഷന്‍ തൊഴിലാളികളെ കോര്‍ത്തിണക്കിയ വാണിയമ്പാറ-മലക്കപ്പാറ വനപ്രദേശം, ഓട്ടുകമ്പനിതൊഴിലാളികളെ സംഘടിപ്പിച്ച പുതുക്കാട്, റബര്‍തൊഴിലാളികളെ ഒന്നിച്ചു നിറുത്തിയ തട്ടില്‍ എസ്റ്റേറ്റ്.....അങ്ങനെ തൃശൂരിലെ പലതരം മണ്ണ്. ആ മണ്ണിലെ ചേറും ചെളിയും വിഷങ്ങളുമെല്ലാം വളമാക്കി വളര്‍ന്നു, പടര്‍ന്നു പന്തലിച്ചു, വടവൃക്ഷം കണക്കെ ആ പൂമരം!!!

കെ.കരുണാകരന്‍: തളര്‍ച്ചയറിയാത്ത പോരാളി- മലയാള മനോരമ

2010-12-23T09:09:00.000-08:00

തിരുവനന്തപുരം: കേരള രാഷ്ട്രീയത്തിലെ ഭീഷ്മാചാര്യനും ഇന്ത്യന്‍ നാഷനല്‍ കോണ്‍ഗ്രസിന്റെ സമുന്നത നേതാവും സ്വാതന്ത്യ്രസമര സേനാനിയും പാര്‍ട്ടി പ്രവര്‍ത്തകരുടെ പ്രിയപ്പെട്ട ലീഡറുമായ കെ.കരുണാകരന്‍ (92) അന്തരിച്ചു. ഇന്ന് അഞ്ചരയോടെ അനന്തപുരി ആശുപത്രിയിലായിരുന്നു അന്ത്യം. പനിയും ശ്വാസതടസവും മൂലം കഴിഞ്ഞ പത്തിനാണ് കരുണാകരനെ ആശുപത്രിയില്‍ പ്രവേശിപ്പിച്ചത്. ചികില്‍സയിലായിരിക്കെ രക്തത്തിലെ പ്ളേറ്റ്ലെറ്റ് കൌണ്ട് കുറയുകയും വ്യക്കകളുടെ പ്രവര്‍ത്തനം തകരാറിലാകുകയും ചെയ്തതോടെ 12ന് വെന്റിലേറ്ററിലേക്കു മാറ്റിയിരുന്നു. പിന്നീട് രോഗം നിയന്ത്രണവിധേയമാകുകയും നിലമെച്ചപ്പെടുകയും ചെയ്തു. വെന്റിലേറ്ററിന്റെ സഹായമില്ലാതെ ശ്വസിക്കുകയും ചെയ്തു.

ഇന്നലെ രാവിലെ പത്തുമണിയോടെ ശ്വാസതടസ്സം അനുഭവപ്പെട്ടതിനെത്തുടര്‍ന്ന് അദ്ദേഹത്തെ വീണ്ടും വെന്റിലേറ്ററിലേക്കു മാറ്റി. രക്തത്തിലെ ഒാക്സിജന്റെ അളവില്‍ കുറവുണ്ടായി. ശ്വാസകോശത്തിന്റെ പ്രവര്‍ത്തനക്ഷമത കുറഞ്ഞു. രണ്ടുതവണ പക്ഷാഘാതമുണ്ടായതായും ഡോക്ടര്‍മാര്‍ അറിയിച്ചു. ജീവിതത്തിലെ പല പ്രതിസന്ധികളില്‍ നിന്നുമെന്നപോലെ അദ്ദേഹം അപകടനില തരണം ചെയ്തു ആരോഗ്യം വീണ്ടെടുക്കുമെന്നു പ്രതീക്ഷിച്ചിരുന്നെങ്കിലും ഇന്നു രാവിലെ പത്തുമണിയോടെ അപ്രതീക്ഷിതമായി നില വഷളാവുകയായിരുന്നു. വിദഗ്ധ ഡോക്ടര്‍മാരുടെ സംഘം കിണഞ്ഞു പരിശ്രമിച്ചെങ്കിലും ആറു പതിറ്റാണ്ടിലേറെ കേരള രാഷ്ട്രീയത്തിന്റെ നിറസാന്നിധ്യമായിരുന്ന ലീഡര്‍ ചരിത്രത്തിലേക്കു വിടവാങ്ങി.

മരണസമയത്ത് മക്കളായ മുരളീധരനും പത്മജാ വേണുഗോപാലും അരികത്തുണ്ടായിരുന്നു. ഭാര്യ പരേതയായ കല്യാണിക്കുട്ടിയമ്മ.

ക്വിറ്റ് ഇന്ത്യാ സമരത്തില്‍ പങ്കെടുക്കുകയും ജയില്‍വാസം അനുഷ്ഠിക്കുകയും ചെയ്ത് രാഷ്ട്രീയത്തില്‍ ഹരിശ്രീ കുറിച്ച കെ.കരുണാകരന്റെ രാഷ്ട്രീയകളരിയില്‍ പഠിച്ചുവന്നവരാണ് ഇന്നത്തെ കോണ്‍ഗ്രസ് നേതാക്കളില്‍ ഏറെയും. കരുണാകരന്റെ ശൈലിയെന്നു വിമര്‍ശിക്കുന്നവരും പ്രകീര്‍ത്തിക്കുന്നവരും അദ്ദേഹത്തെ കേരളം കണ്ട ഏറ്റവും മികച്ച ഭരണാധികാരികളിലൊരാളായി വിലയിരുത്തുന്നു. നാലു തവണ കേരള മുഖ്യമന്ത്രിയും ഒരു തവണ കേന്ദ്രമന്ത്രിയുമായിരുന്നു കെ.കരുണാകരന്‍ കേരളത്തിലെ മുന്നണി രാഷ്ട്രീയത്തിന്റെ തലതൊട്ടപ്പനാണ്. നെടുമ്പാശേരി വിമാനത്താവളം, ഗോശ്രീ പദ്ധതി, ഗുരുവായൂര്‍ റയില്‍വേ ലൈന്‍, കൊച്ചി ജവഹര്‍ലാല്‍ നെഹൃു രാജ്യാന്തര സ്റ്റേഡിയം, കായംകുളം താപവൈദ്യുത നിലയം തുടങ്ങി എണ്ണമറ്റ വികസന പദ്ധതികള്‍ക്ക് കരുണാകരന്‍ ഭരണനേതൃത്വം നല്‍കി. തൃശൂര്‍ സീതാറാം മില്ലിലെ തൊഴിലാളികളെ സംഘടിപ്പിച്ചു സജീവ രാഷ്ട്രീയത്തിലേക്കിറങ്ങിയ കരുണാകരന്‍ 1947ല്‍ അതിനായി രൂപീകരിച്ച ഐഎന്‍ടിയുസി ഇന്ന് ഇന്ത്യയിലെ ഏറ്റവും വലിയ തൊഴിലാളി പ്രസ്ഥാനമാണ്.

കേരളത്തില്‍ ഏറ്റവും കൂടുതല്‍ പ്രാവശ്യം മുഖ്യമന്ത്രി, കേരളത്തില്‍ ഏറ്റവും കൂടുതല്‍ കാലം ഭരിച്ച കോണ്‍ഗ്രസ് മുഖ്യമന്ത്രി, ഒരു നിയമസഭയുടെ കാലാവധി തികച്ചു ഭരിച്ച ആദ്യ കോണ്‍ഗ്രസ് മുഖ്യമന്ത്രി(1982-87) എന്നീ റെക്കോര്‍ഡുകള്‍ക്ക് ഉടമയാണ് കരുണാകരന്‍. ഏറ്റവും കുറച്ചുകാലം ഭരിച്ച മന്ത്രിസഭയ്ക്കു നേതൃത്വം നല്‍കിയതിന്റെ റെക്കോര്‍ഡും അദ്ദേഹത്തിന്റെ പേരിലാണ്; 1977 മാര്‍ച്ച് 25 മുതല്‍ ഏപ്രില്‍ 27 വരെ 33 ദിവസം.

1969ലെ ഭിന്നിപ്പില്‍ ഇന്ദിരാഗാന്ധിയോടൊപ്പം നിന്ന കെ.കരുണാകരന്‍ 69 മുതല്‍ കോണ്‍ഗ്രസ് വര്‍ക്കിങ് കമ്മിറ്റിയിലും 70 മുതല്‍ പാര്‍ലമെന്ററി ബോര്‍ഡിലും അംഗമായിരുന്നു. പക്ഷേ, പാര്‍ട്ടിയിലെ ഒരു വിഭാഗവുമായി വര്‍ഷങ്ങള്‍ നീണ്ട അഭിപ്രായ വ്യത്യാസം 2005ല്‍ അദ്ദേഹം പുതിയ പാര്‍ട്ടി രൂപീകരിക്കുന്നതില്‍ ചെന്നെത്തി. എങ്കിലും, താമസിയാതെ തന്നെ പ്രവര്‍ത്തകരുടെ പ്രിയപ്പെട്ട ലീഡര്‍ തന്റെ മകനെ 'ഉപേക്ഷിച്ച് ജീവാത്മാവായ പാര്‍ട്ടിയിലേക്കു തന്നെ തിരികെചെന്നു.

നെഹ്റു കുടുംബത്തോടുള്ള അദ്ദേഹത്തിന്റെ അചഞ്ചലമായ കൂറ് ഗുരുവായൂരപ്പനോടുള്ള അദ്ദേഹത്തിന്റെ ഭക്തിപോലെ പ്രസിദ്ധമാണ്. ഉള്‍പ്പാര്‍ട്ടി പോരില്‍ പതറാതെ പിടിച്ചുനിന്ന ലീഡര്‍ രാജന്‍ കേസും പാമോലിന്‍ കേസും ചാരക്കേസും സ്വതസിദ്ധമായ മന:സ്ഥൈര്യത്തോടെ നേരിട്ടു.

കണ്ണൂര്‍ ജില്ലയില്‍ തെക്കേടത്തു രാവുണ്ണി മാരാരുടെയും കന്നോത്ത് കല്യാണി അമ്മയുടെയും മകനായി 1918 ജൂലൈ അഞ്ചിനാണ് ജനനം. സഹോദരങ്ങള്‍: കുഞ്ഞിരാമന്‍ മാരാര്‍, ബാലന്‍, അപ്പുണ്ണി മാരാര്‍, അഞ്ചാം വയസ്സില്‍ പരേതയായ ദേവകി. മക്കള്‍ മുരളീധരനും പത്മജാ വേണുഗോപാലും.

സംഭവബഹുലമായ ആ ജീവിതത്തിലൂടെ...

. ജനനം: 1918 ജൂലൈ 5ന്, കണ്ണൂരിലെ ചിറയ്ക്കലില്‍
. മാതാപിതാക്കള്‍: തെക്കേടത്ത് രാവുണ്ണി മാരാരും കന്നോത്ത് കല്യാണി അമ്മയും
. വിവാഹം: 1954 ല്‍ അമ്മാവന്റെ മകളായ കല്യാണിക്കുട്ടി അമ്മയുമായി
. 1942: ക്വിറ്റ് ഇന്ത്യാ പ്രസ്ഥാനത്തില്‍ പങ്കെടുത്ത് രാഷ്ട്രീയത്തില്‍
. 1945: തൃശൂര്‍ മുനിസിപ്പല്‍ കൌണ്‍സില്‍ അംഗം
. 1947 മേയ്: ഐന്‍ടിയുസി രൂപീകരിച്ചു
. 1948: കൊച്ചി നിയമസഭാംഗം
.1949, 52, 54: തിരു-കൊച്ചി നിയമസഭാംഗം
. 1969 മുതല്‍ കോണ്‍ഗ്രസ് പ്രവര്‍ത്തക സമിതി അംഗം
. 1970 മുതല്‍ കോണ്‍ഗ്രസ് പാര്‍ലമെന്ററി ബോര്‍ഡ് അംഗം
. 1970: യുഡിഎഫ് രൂപീകരിച്ചു
. 1971-77: അച്യുതമേനോന്‍ മന്ത്രിസഭയില്‍ ആഭ്യന്തരമന്ത്രി
. 1977, 81-82, 82-87, 91-95: മുഖ്യമന്ത്രി
.1977: രാജന്‍ കേസിനെ തുടര്‍ന്നു മുഖ്യമന്ത്രി പദം ഒഴിഞ്ഞു
.1994: ചാരക്കേസിനെ തുടര്‍ന്നു മുഖ്യമന്ത്രി പദം ഒഴിഞ്ഞു
. 1967-69, 1980-81, 1987-91: പ്രതിപക്ഷ നേതാവ്
. 1993 മാര്‍ച്ച് 25: കല്യാണിക്കുട്ടി അമ്മയുടെ മരണം
. 1995-96: കേന്ദ വ്യവസായ മന്ത്രി
. 1995-97, 1997-98, 2004-2005: രാജ്യസഭാംഗം
. 1996: ലോക്സഭയിലേക്ക് മത്സരിച്ചു പരാജയപ്പെട്ടു
. 1998, 1999: ലോക്സഭാംഗം
. 2005 മേയ് ഒന്ന് : ഡിഐസി രൂപീകരിച്ചു
. 2006: ഡിഐസി എന്‍സിപിയില്‍ ലയിച്ചു
. 2008: കോണ്‍ഗ്രസിലേക്കു മടക്കം

സംസ്ഥാന സ്ക്കൂള്‍ കായികമേള - ഈ മീറ്റ് അടിമുടി 'ഇ-മീറ്റ്'

2010-12-18T07:32:00.000-08:00

തിരുവനന്തപുരം: സംസ്ഥാന സ്‌കൂള്‍ അത്‌ലറ്റിക് മീറ്റ് ഇത്തവണ ഒട്ടേറെ സവിശേഷതകള്‍ നിറഞ്ഞതാണ്. സ്‌പോര്‍ട്‌സ് ഡിവിഷനെന്നോ ജനറലെന്നോ വ്യത്യാസമില്ലാതെ ഒന്നിച്ചു മത്സരിക്കുന്നുവെന്നതുമാത്രമല്ല, പ്രത്യേകത. ഇന്ത്യയില്‍ത്തന്നെ പൂര്‍ണമായും ഓണ്‍ലൈന്‍ സംവിധാനത്തില്‍ നടത്തപ്പെടുന്ന ആദ്യ സ്‌കൂള്‍മീറ്റുകൂടിയാകും ഇത്. സംഘാടകര്‍ പ്രതീക്ഷിക്കുന്ന രീതിയില്‍ കാര്യങ്ങള്‍ നടന്നാല്‍, ശരിക്കും 'ഇ-മീറ്റ്'. ത്രോ ഇനങ്ങളും പോള്‍വോള്‍ട്ടും സെന്‍ട്രല്‍ സ്റ്റേഡിയത്തിലേക്ക് മാറ്റേണ്ടിവന്നുവെന്നതുമാത്രമാണ് മീറ്റിലെ ഏക കല്ലുകടി.
രാജ്യത്തുതന്നെ രജിസ്‌ട്രേഷനും മത്സരഫലം പ്രഖ്യാപിക്കലുമുള്‍പ്പെടെ പൂര്‍ണമായും ഓണ്‍ലൈന്‍ സംവിധാനത്തില്‍ സംഘടിപ്പിക്കുന്ന ആദ്യ മേളയാണിത്. നന്രന്ര.്http://www.schoolsports.in/ എന്ന സൈറ്റിലൂടെ കായികമേളയുടെ ഓരോ നിമിഷാര്‍ധവും ഒരു മൗസ് ക്ലിക്കില്‍ ലഭ്യമാകും. സബ്ജില്ലാതലം മുതല്‍ ഓണ്‍ലൈന്‍ രജിസ്‌ട്രേഷനിലൂടെയാണ് ഗെയിംസ് സംഘടിപ്പിച്ചതെന്നത് അഭിമാനിക്കാവുന്ന നേട്ടമാണ്.
സ്‌പോര്‍ട്‌സ് ഡിവിഷന്‍, ജനറല്‍ സ്‌കൂള്‍വിദ്യാര്‍ഥികള്‍ ജില്ലാതലംമുതല്‍ക്ക് ഒന്നിച്ചുമത്സരിച്ചാണ് സംസ്ഥാന മീറ്റിനെത്തിയിരിക്കുന്നത്. ഓരോയിനങ്ങളിലും ജില്ലാതലത്തിലെ ആദ്യ മൂന്ന് സ്ഥാനക്കാരാണ് ഇവിടെ മത്സരിക്കുക. വെവ്വേറെ മത്സരമില്ലെന്നത് പങ്കാളിത്തം കുറയ്ക്കുകയും ആവേശമേറ്റുകയും ചെയ്യും. സബ്ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി 92 ഇനങ്ങളിലാണ് മെഡല്‍ നിര്‍ണയിക്കപ്പെടുക.
ഇ-നേട്ടം മാത്രമല്ല മീറ്റിനെ ശ്രദ്ധേയമാക്കുക. നിലവാരമുള്ള സിന്തറ്റിക് ട്രാക്കിലേക്ക് സ്‌കൂള്‍ അത്‌ലറ്റിക്‌സ് ഇടവേളയ്ക്കുശേഷം തിരിച്ചുവന്നിരിക്കുന്നുവെന്നതും പ്രതീക്ഷയുണര്‍ത്തുന്ന കാര്യമാണ്. ദേശീയ ഗെയിംസിനു മുന്നോടിയായി യൂണിവേഴ്‌സിറ്റി സ്റ്റേഡിയത്തില്‍ തയ്യാറാക്കിയ സിന്തറ്റിക് ട്രാക്കിലാണ് ട്രാക്കിനങ്ങളും ജമ്പിനങ്ങളും നടക്കുക. ദേശീയ ഗെയിംസിനുവേണ്ടി ഫീല്‍ഡില്‍ പാകിയ പുല്ലിന് ക്ഷതം സംഭവിക്കാതിരിക്കാനാണ് ഫീല്‍ഡിനങ്ങളിലേറെയും സെന്‍ട്രല്‍സ്റ്റേഡിയത്തിലേക്ക് മാറ്റിയത്. മത്സരഫലം പ്രഖ്യാപിക്കാന്‍ ഫോട്ടോ ഫിനിഷ് ഉള്‍പ്പെടെയുള്ള സംവിധാനങ്ങളും ഉപയോഗിക്കുന്നുവെന്നത് മീറ്റിനെ കുറ്റമറ്റതാക്കും. സംസ്ഥാന മീറ്റ് സിന്തറ്റിക് ട്രാക്കില്‍ നടക്കുന്നുവെന്നത് ദേശീയകിരീടം നിലനിര്‍ത്താനൊരുങ്ങുന്ന കേരളത്തിന് ഏറെ സന്തോഷകരമായ കാര്യമാണ്. പുണെയിലെ ബാലെവാഡി സ്റ്റേഡിയത്തില്‍ ജനവരി ആദ്യവാരം നടക്കുന്ന ദേശീയമീറ്റും സമാനമായ പ്രതലത്തിലാണ്. അതിനുള്ള തയ്യാറെടുപ്പുകൂടിയാകും ജേതാക്കള്‍ക്ക് ഈ മീറ്റ്.
രണ്ട് വേദികളില്‍ സംഘടിപ്പിച്ചത് മീറ്റിന്റെ മോടി കുറയ്ക്കുമെന്ന് പരാതിയുള്ളവരുമുണ്ട്. ഫീല്‍ഡിനങ്ങള്‍ക്ക് കാണികള്‍ കുറയുമെന്നും ആ മത്സരങ്ങളുടെ ആവേശം ചോരുമെന്നും പരാതിപ്പെടുന്നവരേറെ. ദേശീയ ഗെയിംസ് ലക്ഷ്യമിട്ട് സ്റ്റേഡിയത്തിന്റെ നവീകരണപ്രവൃത്തികള്‍ നടക്കുന്നതിനാല്‍, യൂണിവേഴ്‌സിറ്റി സ്റ്റേഡിയം സ്‌കൂള്‍ അത്‌ലറ്റിക്‌സിനായി സജ്ജീകരണങ്ങള്‍ വെള്ളിയാഴ്ച വൈകിയും തുടരുന്നുണ്ടായിരുന്നു.
ജില്ലാ, സംസ്ഥാന, ദേശീയ ജൂനിയര്‍ അത്‌ലറ്റിക് മീറ്റുകളുടെയും ജില്ലാ സ്‌കൂള്‍കായികമേളകളുടെയും തിരക്കുപിടിച്ച സീസണിന്റെ തുടര്‍ച്ചയായാണ് സംസ്ഥാനമീറ്റും വരുന്നത്. കോതമംഗലം സ്‌കൂളുകളെപ്പോലെ, ജൂനിയര്‍ അത്‌ലറ്റിക് മീറ്റ് ഉപേക്ഷിച്ചവര്‍ക്കുമാത്രമാണ് തിരുവനന്തപുരത്ത് പൂര്‍ണസജ്ജരാകാന്‍ പറ്റിയിട്ടുള്ളത്. എന്നാല്‍, കേരളത്തിനായി മൈസൂരില്‍ നടന്ന ദേശീയ ജൂനിയര്‍ മീറ്റില്‍ മെഡല്‍നേടിയ താരങ്ങളിലേറെപ്പേരും തിരുവനന്തപുരത്തും പ്രതീക്ഷയോടെ എത്തിയിട്ടുണ്ട്.

ഇന്ത്യന്‍ ക്രെഡിറ്റ് കാര്‍ഡ് അടുത്ത വര്‍ഷം

2010-12-16T22:24:00.000-08:00

മുംബൈ: ഇന്ത്യന്‍ ക്രെഡിറ്റ് കാര്‍ഡ് വിപണിയില്‍ വിപ്ലവമാകുമെന്ന് പ്രതീക്ഷിക്കുന്ന ഇന്ത്യാപേ അടുത്ത വര്‍ഷം പകുതിയോടെ പുറത്തിറങ്ങും. ക്രെഡിറ്റ് കാര്‍ഡ് രംഗത്തെ ആഗോള ഭീമന്മാരായ വിസ, മാസ്റ്റര്‍കാര്‍ഡ് എന്നിവയോട് മത്സരിക്കാന്‍ പോന്നതായിരിക്കും ഇന്ത്യാപേ എന്ന പേരിലുള്ള ഈ ഇന്ത്യന്‍ പേയ്‌മെന്റ് ഗേറ്റ്‌വേ.

പൂര്‍ണമായും ഇന്ത്യന്‍ സാങ്കേതികതയില്‍ വികസിപ്പിക്കുന്ന ഇന്ത്യാപേ കാര്‍ഡ്, റിസര്‍വ് ബാങ്കാണ് പ്രൊമോട്ട് ചെയ്യുന്നത്. നാഷണല്‍ പേയ്‌മെന്റ്‌സ് കോര്‍പ്പറേഷന്‍ ഓഫ് ഇന്ത്യ (എന്‍പിസിഐ)യാണ് ഇത് വികസിപ്പിക്കുന്നത്. ആറ് പൊതുമേഖലാ ബാങ്കുകള്‍ ഉള്‍പ്പെടെ മൊത്തം 10 ബാങ്കുകള്‍ 'ഇന്ത്യാപേ'യുടെ ഓഹരിയുടകളുമായിരിക്കും. രാജ്യത്തെ മുന്‍നിര ബാങ്കുകളായ സ്റ്റേറ്റ് ബാങ്ക് ഓഫ് ഇന്ത്യ, പഞ്ചാബ് നാഷണല്‍ ബാങ്ക്, ഐസിഐസിഐ ബാങ്ക്, എച്ച്ഡിഎഫ്‌സി ബാങ്ക് എന്നിവ ഇതില്‍ പെടുന്നു.

ഇന്ത്യാപേയുടെ വരവ് ക്രെഡിറ്റ് കാര്‍ഡ് രംഗത്ത് വിസ, മാസ്റ്റര്‍കാര്‍ഡ് എന്നിവയുടെ മേധാവിത്വം തകര്‍ക്കുമെന്നാണ് വിലയിരുത്തുന്നത്. നിലവില്‍ ഓരോ 100 രൂപയുടെ ഇടപാടിനും രണ്ട് രൂപയാണ് കാര്‍ഡ് കമ്പനികളും ഇടനിലക്കാരും ചേര്‍ന്ന് നിലവില്‍ ഈടാക്കുന്നത്. എന്നാല്‍ ഇന്ത്യാപേ ഒരു രൂപ മാത്രമേ ഈടാക്കൂവെന്നാണ് അറിയുന്നത്. ട്രാന്‍സാക്ഷന്‍ നിരക്കുകള്‍ കുറയ്ക്കുന്നതോടെ ക്രെഡിറ്റ് കാര്‍ഡ് ഇടപാടുകള്‍ രാജ്യത്ത് വ്യാപകമാകുമെന്നാണ് പ്രതീക്ഷിക്കുന്നത്. അതിനാല്‍ ഇന്ത്യന്‍ ബാങ്കുകള്‍ വന്‍തോതില്‍ ഇതിനെ പിന്തുണയ്ക്കും.

ഇന്ത്യാപേ കാര്‍ഡ് വ്യാപകമാക്കാന്‍ രാജ്യത്തൊട്ടാകെയുള്ള ഷോപ്പിങ് കേന്ദ്രങ്ങളില്‍ പോയന്റ് ഓഫ് സെയില്‍ ടെര്‍മിനലുകള്‍ സ്ഥാപിക്കേണ്ടതുണ്ട്. ഇതിന് വന്‍ തുക ചെലവാകുമെന്നാണ് കരുതുന്നത്. അതിനാല്‍ നിലവിലുള്ള ടെര്‍മിനലുകളും ഇന്ത്യാപേ ഉപയോഗിച്ചേക്കും. മറ്റു കാര്‍ഡ് കമ്പനികള്‍ക്ക് ഇതിന് താത്പര്യമുണ്ടാവില്ലെങ്കിലും റിസര്‍വ് ബാങ്ക് നിര്‍ദ്ദേശിച്ചാല്‍ അവര്‍ അതിന് വഴങ്ങേണ്ടിവരും.

രാജ്യത്ത് നാല് കോടി പ്ലാസ്റ്റിക് കാര്‍ഡുകളാണ് (ക്രെഡിറ്റ് കാര്‍ഡും ഡെബിറ്റ് കാര്‍ഡും) നിലവിലുള്ളത്. ഇവയുടെ ബഹുഭൂരിപക്ഷവും വിസ, മാസ്റ്റര്‍കാര്‍ഡ് എന്നീ കമ്പനികളുടെ പേയ്‌മെന്റ് പ്രോസസിങ് പ്ലാറ്റ്‌ഫോം ആണ് ഉപയോഗിക്കുന്നത്.

ലോകത്തിലേറ്റവും വിലയുള്ള പുസ്തകം 'അമേരിക്കയിലെ പക്ഷികള്‍'

2010-12-08T20:47:00.000-08:00

ലണ്ടന്‍: ലോകത്തില്‍ ഏറ്റവും വിലയേറിയ പുസ്തകം എന്ന ബഹുമതി ബേര്‍ഡ്‌സ് ഓഫ് അമേരിക്ക എന്ന പക്ഷിനിരീക്ഷണ ഗ്രന്ഥം ഒരിക്കല്‍ കൂടി കരസ്ഥമാക്കി. ലണ്ടനില്‍ നടന്ന ലേലത്തില്‍ 70 ലക്ഷം പൗണ്ടിനാ (ഏതാണ്ട് 50 കോടി രൂപ) ജെയിംസ് ഓഡുബോണ്‍ 19-ാം നൂറ്റാണ്ടിലെഴുതിയ ഈ പുസ്തകത്തിന്റെ പ്രതി ബുധനാഴ്ച വിറ്റുപോയത്. ഇതേ പുസ്തകത്തിന്റെ വേറൊരു പ്രതി പത്തുവര്‍ഷം മുമ്പ് 60 ലക്ഷം പൗണ്ടിന് ലേലത്തില്‍ പോയിരുന്നു.

ലോകത്തിലെ ഏറ്റവും മികച്ച സചിത്ര ഗ്രന്ഥം എന്നു വിശേഷിപ്പിക്കപ്പെട്ട പുസ്തകത്തിന്റെ കേടുപാടുകളില്ലാത്ത 119 കോപ്പികളെ ഇപ്പോള്‍ അവശേഷിക്കുന്നുള്ളൂ. അതില്‍ 108ഉം വായനശാലകളുടെയും മ്യൂസിയങ്ങളുടെയും കൈവശമാണ്. ഹെസ്‌കെത് പ്രഭു എന്ന പുസ്തക പ്രേമിയുടെ കൈവശമുണ്ടായിരുന്ന കോപ്പിയാണ് ഇപ്പോള്‍ ലേലം ചെയ്തത്.

അമേരിക്കയിലെ പക്ഷികളുടെ സമ്പൂര്‍ണ വിവരങ്ങളടങ്ങിയ പുസ്തകത്തില്‍ ആയിരം മുഴുവലിപ്പ ജലച്ചായ ചിത്രങ്ങളുണ്ട്. 12 വര്‍ഷമെടുത്താണ് ഓഡുബോണ്‍ ഇവ വരച്ചുതീര്‍ത്തത്. മിഴിവ് ഒട്ടും ചോര്‍ന്നുപോകാതെയാണ് ഇവയുടെ പകര്‍പ്പ് പുസ്തകത്തില്‍ ചേര്‍ത്തത്. ഓഡുബോണ്‍ വരച്ച യഥാര്‍ഥ ചിത്രങ്ങള്‍ ന്യൂയോര്‍ക്കിലെ ഹിസ്റ്റോറിക്കല്‍ സൊസൈറ്റിയിലാണു സൂക്ഷിച്ചിരിക്കുന്നത്.

മഞ്ഞില്‍ കുടുങ്ങി ഒമ്പതു നാള്‍, മദ്യശാലയില്‍ അവര്‍ക്കു സുഖവാസം

2010-12-06T21:45:00.000-08:00

ലണ്ടന്‍: മലയുടെ മുകളില്‍ മഞ്ഞുവീണു മൂടിയ കെട്ടിടത്തിനുള്ളില്‍ പുറത്തിറങ്ങാനാവാതെ ഒമ്പതു ദിവസം. നരകയാതനയെന്നു പറയാന്‍ വരട്ടെ, പരമസുഖമായിരുന്നു ആ ഏഴു പേര്‍ക്കും. കാരണം, ബ്രിട്ടനിലെ ഒരു ആഡംബര മദ്യശാലയിലാണ് അവര്‍ കുടുങ്ങിക്കിടന്നത്. തണുക്കുമ്പോള്‍ നുണഞ്ഞിറക്കാന്‍ ഇഷ്ടം പോലെ മദ്യം, ശരീരം ചൂടാക്കാന്‍ വിറകടുപ്പ്, അടുക്കളയില്‍ നൂറ്റമ്പതു പേര്‍ക്കുള്ള ഭക്ഷണം, കിടന്നുറങ്ങാന്‍ നല്ല മുറി. എവിടെയെങ്കിലും കുടുങ്ങിപ്പോവുകയാണെങ്കില്‍ ഇങ്ങനെ വേണമെന്നാണ് ഇക്കാര്യം റിപ്പോര്‍ട്ടു ചെയ്ത മാധ്യമങ്ങള്‍ അഭിപ്രായപ്പെട്ടത്.

നോര്‍ത്ത് യോര്‍ക്‌ഷെയറിലെ ബ്ലാക്കി മലയ്ക്കു മുകളിലുള്ള ലയണ്‍ ഇന്‍ മദ്യശാലയാണ് യൂറോപ്പിലെങ്ങും പടരുന്ന കൊടും തണുപ്പില്‍ മഞ്ഞിനുള്ളിലായിപ്പോയത്. ബ്രിട്ടനിലെ ഏറ്റവുമുയരെയുള്ള മദ്യശാലകളിലൊന്നാണ് ജനവാസ കേന്ദ്രങ്ങളില്‍ നിന്ന് ഏറെയകന്നുള്ള ലയണ്‍ ഇന്‍. നവംബര്‍ 26-ഓടെ ഇരുപതടി ഉയരത്തിലാണിവിടെ മഞ്ഞുവീണത്. പുറത്തേക്കുള്ള പാതകളെല്ലാം മൂടിപ്പോയി. നിറുത്തിയിട്ട വാഹനങ്ങള്‍ പുറത്തുകാണാനാകാത്തവിധം മഞ്ഞില്‍പ്പുതഞ്ഞു. മദ്യശാലയുടെ താഴേ നിലയുടെ വാതിലും ജനലും തുറക്കാന്‍ പറ്റാതായി. പൂര്‍ണമായും ഒറ്റപ്പെട്ട അവസ്ഥ.

ലഹരി നുണയാനെത്തിയ ഒരു ഭാര്യയും ഭര്‍ത്താവും ഒരു യുവതിയടക്കം അഞ്ച് ജീവനക്കാരുമാണ് അപ്പോള്‍ അകത്തുണ്ടായിരുന്നത്. ദിവസം നൂറ്റമ്പതോളം ഉപഭോക്താക്കളെത്തുന്ന ലയണ്‍ ഇന്നില്‍ അത്രയും പേര്‍ക്കുള്ള ഭക്ഷണം കരുതിവെച്ചിരുന്നു. ഭക്ഷണം പാകം ചെയ്തു കഴിച്ചും ലഹരി നുണഞ്ഞ് കളിച്ചും സൊറ പറഞ്ഞും അവരേഴുപേരും അവിടെത്തന്നെ കഴിഞ്ഞു. ശ്വാസം മുട്ടുന്നതായി തോന്നുമ്പോള്‍ മുകളിലെ നിലയുടെ ജാലകങ്ങള്‍ അല്പനേരത്തേക്കു തുറന്നിടും. തണുപ്പ് അരിച്ചു കടക്കുമ്പോള്‍ വീണ്ടും അടച്ചിടും. കിടപ്പുമുറികള്‍കൂടിയുണ്ടായിരുന്നതുകൊണ്ട് വിശ്രമവും പ്രശ്‌നമായില്ല. ഇന്റര്‍നെറ്റ് കണക്ഷനും ടി.വിയും ഫോണുമെല്ലാമുണ്ടായിരുന്നതുകൊണ്ട് പുറംലോകവുമായുള്ള ബന്ധം അറ്റുപോയതുമില്ല.

ഫോണ്‍ ചെയ്തവരെല്ലാം തങ്ങളുടെ അവസ്ഥയില്‍ അസൂയ പ്രകടിപ്പിക്കുകയാണ് ചെയ്തതെന്ന് ലയണ്‍ ഇന്നിലെ പാചകക്കാരന്‍ ഡാനിയേല്‍ ബട്ടര്‍വര്‍ത്ത് പറയുന്നു. പക്ഷേ, അവസാനമായപ്പോഴേക്കും മടുത്തു. സ്വയം സംസാരിച്ചാണ് വിരസതയകറ്റിയത്-ഡാനിയേല്‍ പറയുന്നു. എട്ടാം ദിവസം മഞ്ഞു മാറ്റാനെത്തിയ വാഹനത്തിലേറിയാണ് ദമ്പതിമാര്‍ പുറത്തുകടന്നത്. അടുത്തദിവസം റോഡിലെ മഞ്ഞുമാറ്റി ഗതാഗതം പുനഃസ്ഥാപിച്ചതിനു ശേഷമാണ് ജീവനക്കാര്‍ വീട്ടില്‍പ്പോയത്.

ഐ.പി.എല്‍ - കൊച്ചിയും

2010-12-06T07:15:00.000-08:00

മുംബൈ: മാസങ്ങള്‍ നീണ്ട തര്‍ക്കങ്ങള്‍ക്കും വിവാദങ്ങള്‍ക്കും അറുതി. ഇന്ത്യന്‍ പ്രീമിയര്‍ ലീഗ് ക്രിക്കറ്റില്‍ കൊച്ചി ടീം ഇനി യാഥാര്‍ഥ്യം. ഏപ്രിലില്‍ ആരംഭിക്കുന്ന നാലാം ഐ.പി.എല്‍. സീസണില്‍ കൊച്ചി ടീമും മത്സരരംഗത്തുണ്ടാവും. ഞായറാഴ്ച മുംബൈയില്‍ ചേര്‍ന്ന ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡി (ബി.സി.സി.ഐ.) ന്റെ ഐ.പി.എല്‍. ഭരണ സമിതി യോഗം കൊച്ചി ടീമിന് അംഗീകാരം നല്‍കിയതോടെയാണിത്. ബി.സി.സി.ഐ. നല്‍കിയ നോട്ടീസിന് കൊച്ചി ടീം ഉടമകള്‍ നല്‍കിയ മറുപടി തൃപ്തികരമാണെന്ന് യോഗം വിലയിരുത്തി. ടീം ഉടമകളുടെ ഓഹരി പങ്കാളിത്തത്തെക്കുറിച്ചുള്ള വിവരങ്ങള്‍ സമിതിക്ക് ബോധ്യപ്പെട്ടിട്ടുണ്ട്. റോന്ദേവൂ കണ്‍സോര്‍ഷ്യത്തിനു പകരം 'കൊച്ചി ക്രിക്കറ്റ് പ്രൈവറ്റ് ലിമിറ്റഡ്' എന്ന പേരിലാണ് ടീം ഉടമകള്‍ പുതിയ കമ്പനി രജിസ്റ്റര്‍ ചെയ്തിട്ടുള്ളത്. കേരളത്തില്‍ നിന്നുള്ള വിദേശകാര്യ സഹമന്ത്രി സ്ഥാനമൊഴിഞ്ഞതും ഐ.പി.എല്‍. മുന്‍ചെയര്‍മാന്‍ ലളിത് മോഡി അഴിമതി ആരോപണങ്ങളെ തുടര്‍ന്ന് രാജ്യംവിടേണ്ടിവന്നതും കൊച്ചി ഐ.പി.എല്ലിന്റെ ബാക്കി പത്രമാണ്. ലേലം നടന്ന് ഏഴു മാസങ്ങള്‍ക്കുശേഷമാണ് കൊച്ചി ടീമിന്റെ ജാതകം കുറിക്കാനായത്.

ഞായറാഴ്ച കാലത്ത് രണ്ടുമണിക്കൂര്‍ നീണ്ട ചര്‍ച്ചയ്‌ക്കൊടുവിലാണ് ബി.സി.സി.ഐ.യുടെ പ്രഖ്യാപനം വന്നത്. എന്നാല്‍ ഞായറാഴ്ച നടക്കുന്ന ഐ.പി.എല്‍. ഭരണ സമിതി യോഗത്തിന് മുന്നോടിയായി ശനിയാഴ്ച ബറോഡയില്‍ ബി.സി.സി.ഐ. അംഗങ്ങള്‍ രഹസ്യയോഗം ചേര്‍ന്ന് ഈ പ്രശ്‌നത്തില്‍ കൈക്കൊള്ളേണ്ട തീരുമാനങ്ങളെക്കുറിച്ച് വിശദമായി ചര്‍ച്ച ചെയ്തിരുന്നു. ഞായറാഴ്ച വീണ്ടും കൊച്ചി ടീം ഉടമകളുമായി ബി.സി.സി.ഐ. ചര്‍ച്ച നടത്തിയശേഷമാണ് അവസാന തീരുമാനം പുറത്തുവിട്ടത്.

ഐ.പി.എല്‍. ടീമുകളില്‍ ഏറ്റവും വിലകൂടിയ രണ്ടാമത്തെ (1533.33 കോടി) ടീമായ കൊച്ചി ഐ.പി.എല്ലിനെ ലേലത്തില്‍ എടുത്തത് ഗെയ്ക്‌വാദ് കുടുംബത്തിന്റെ റോന്ദേവൂ സ്‌പോര്‍ട്‌സ് വേള്‍ഡ് ആയിരുന്നു. ശശി തരൂരിന്റെ ഭാര്യ സുനന്ദ പുഷ്‌കര്‍ തിരികെ നല്‍കിയ 10 ശതമാനം വിയര്‍പ്പ് ഓഹരിയടക്കം ഇവരുടെ പക്കല്‍ 26 ശതമാനം ഓഹരിയുണ്ടായിരുന്നു. ആങ്കര്‍ എര്‍ത്ത് (27 ശതമാനം), പരിണി ഡവലപ്പേഴ്‌സ് (26), ഫിലിം വേവ് (12), ആനന്ദ് ശ്യാം (8), വിവേക് വേണുഗോപാല്‍ (1) എന്നിവര്‍ക്കാകെ 74 ശതമാനം ഓഹരിയും. റോന്ദേവൂ ഗ്രൂപ്പിന് 25 ശതമാനം വിയര്‍പ്പ് ഓഹരികള്‍ നല്‍കാന്‍ കഴിയില്ല എന്ന് മറ്റ് ഓഹരിയുടമകള്‍ ശഠിച്ചതാണ് കൊച്ചി ടീമിന്റെ ഭാവി തുലാസിലാക്കിയത്. വിയര്‍പ്പോഹരി 10 ശതമാനത്തിലേക്ക് കുറയ്ക്കണമെന്ന അവരുടെ ആവശ്യം അവസാനനിമിഷം അംഗീകരിക്കുവാന്‍ ഗെയ്ക്‌വാദ് കുടുംബം തയ്യാറായതോടെയാണ് പ്രശ്‌നങ്ങള്‍ക്ക് പരിഹാരമായത്. ഈ മാറ്റത്തിന് ബി.സി.സി.ഐ.യുടെ ഇടപെടലും ഉണ്ടായിട്ടുണ്ടെന്നാണ് ക്രിക്കറ്റ് വൃത്തങ്ങള്‍ ചൂണ്ടിക്കാട്ടുന്നത്.

പുതിയ കമ്പനിയുടെ അധികാരം പരിണി ഡവലപ്പേഴ്‌സിന്റെ നിയന്ത്രണത്തിലാവുമെന്നാണ് സൂചന. ഇനി കാര്യങ്ങള്‍ തീരുമാനിക്കുക കമ്പനിയുടെ ഡയറക്ടര്‍ ബോര്‍ഡ് ആയിരിക്കുമെന്ന് പരിണി ഡവലപ്പേഴ്‌സ് മേധാവി മുകേഷ് പട്ടേല്‍ വ്യക്തമാക്കി.

''ഇനി ഞങ്ങള്‍ എല്ലാവരും ഒന്നിച്ചു നീങ്ങും. പ്രശ്‌നങ്ങള്‍ മുഴുവന്‍ പരിഹരിക്കപ്പെട്ടു. അക്കാര്യത്തില്‍ എല്ലാവര്‍ക്കും സന്തോഷമുണ്ട്. കമ്പനി ഇനി ഒറ്റക്കെട്ടായി മുന്നോട്ടുപോകും. ഓരോ തീരുമാനവും ഡയറക്ടര്‍ ബോര്‍ഡ് ആയിരിക്കും എടുക്കുക'' -മുകേഷ് പട്ടേല്‍ പറഞ്ഞു. എന്നാല്‍ സുനില്‍ ഗാവസ്‌കര്‍ ടീമിന്റെ നിയന്ത്രണം ഏറ്റെടുക്കുമോ എന്ന ചോദ്യത്തിന് അതൊക്കെ പിന്നീട് തീരുമാനിക്കുമെന്നായിരുന്നു അദ്ദേഹത്തിന്റെ മറുപടി.

പുതിയ കമ്പനിയുടെ ബോര്‍ഡ് യോഗം ഉടന്‍തന്നെ കൂടുമെന്നും ഭാവിപരിപാടികള്‍ വൈകാതെ തന്നെ ആസൂത്രണം ചെയ്യുമെന്നും റോന്ദേവൂ സ്‌പോര്‍ട്‌സ് വേള്‍ഡ് വക്താവ് സത്യജിത് ഗെയ്ക്‌വാദ് അറിയിച്ചു. ഒരു മികച്ച ടീം ഉണ്ടാക്കുകയാണ് ആദ്യ ലക്ഷ്യം. ഇന്ത്യയിലെ പ്രത്യേകിച്ച് കേരളത്തിലെ ക്രിക്കറ്റ് പ്രേമികളുടെ പ്രതീക്ഷയ്‌ക്കൊത്ത് ഉയരാന്‍ കൊച്ചി ടീമിന് കഴിയുമെന്നാണ് ഞങ്ങളുടെ പ്രതീക്ഷ - അദ്ദേഹം പറഞ്ഞു.

ഉടമകള്‍ തമ്മിലുള്ള പ്രശ്‌നങ്ങള്‍ പരിഹരിക്കുവാന്‍ മൂന്നുതവണ ബി.സി.സി.ഐ. കൊച്ചി ടീമിന് സമയം നീട്ടിക്കൊടുത്തിരുന്നു. സമയപരിധി അവസാനിക്കുന്നതിന് മണിക്കൂറുകള്‍ മുമ്പാണ് പ്രശ്‌നങ്ങള്‍ തീര്‍ത്തുകൊണ്ട് ടീം ഉടമകള്‍ ബി.സി.സി.ഐ.യ്ക്ക് കത്തുനല്‍കിയത്.

മൊബൈല്‍ വരിക്കാരുടെ ഉറക്കം കെടുത്തിയാല്‍ വന്‍ പിഴ

2010-12-01T18:48:00.000-08:00

ജനവരിയില്‍ പ്രാബല്യത്തില്‍

ന്യൂഡല്‍ഹി: അനാവശ്യ ഫോണ്‍കോളുകള്‍, വാണിജ്യവാഗ്ദാനങ്ങള്‍, മൊബൈല്‍ സന്ദേശങ്ങള്‍ എന്നിവയില്‍ നിന്ന് വരിക്കാര്‍ക്ക് ആശ്വാസം നല്‍കുന്ന മാര്‍ഗനിര്‍ദേശങ്ങള്‍ 'ട്രായ്' പ്രഖ്യാപിച്ചു. 2011 ജനവരി ഒന്നുമുതല്‍ ഇവ പ്രാബല്യത്തില്‍ വരും. വ്യവസ്ഥകള്‍ ലംഘിക്കുന്ന കമ്പനികള്‍ക്ക് രണ്ടരലക്ഷം രൂപവരെ പിഴ ചുമത്തും. അനാവശ്യകോളുകള്‍ വേണ്ടെന്ന് അറിയിക്കാത്ത വരിക്കാര്‍ക്കുപോലും രാത്രി ഒമ്പതുമുതല്‍ രാവിലെ ഒമ്പതുവരെ ഇത്തരം കോളുകളോ സന്ദേശങ്ങളോ അയക്കരുതെന്ന് വ്യവസ്ഥയുണ്ട്. തിരിച്ചറിയാനായി ഇവയ്ക്ക് 70 ല്‍ തുടങ്ങുന്ന നമ്പറുകളാവും നല്‍കുക.

അനാവശ്യകോളുകളും സന്ദേശങ്ങളും പൂര്‍ണമായി ഒഴിവാക്കുന്ന സൗകര്യം വിപുലപ്പെടുത്തിയതിനു പുറമെ വരിക്കാര്‍ക്ക് തിരഞ്ഞെടുത്ത സന്ദേശങ്ങള്‍മാത്രം ലഭിക്കാനുള്ള സൗകര്യവും ട്രായ് നല്‍കുന്നുണ്ട്. ബാങ്കിങ്ങ്, ധനകാര്യം, റിയല്‍ എസ്റ്റേറ്റ്, വിദ്യാഭ്യാസം, ആരോഗ്യം, ഉപഭോക്തൃ സാധനങ്ങള്‍, വാഹനം, വിനോദം, ടൂറിസം എന്നിങ്ങനെയുള്ള വിഷയങ്ങളെ ഏഴു വിഭാഗങ്ങളിലായാണ് പെടുത്തിയത്.

പുതുക്കിയ മാര്‍ഗനിര്‍ദേശങ്ങള്‍ അനുസരിച്ച് വ്യവസ്ഥ ആദ്യംലംഘിക്കുന്ന കമ്പനികള്‍ക്ക് 25,000 രൂപ, രണ്ടാംതവണത്തെ ലംഘനത്തിന് 75,000, മൂന്നാം തവണ 80,000 എന്നിങ്ങനെയാണ് പിഴ നല്‍കേണ്ടിവരിക. നാലാം തവണ ഒന്നേകാല്‍ ലക്ഷവും അഞ്ചാംതവണ ഒന്നരലക്ഷവും നല്‍കണം. ആറാം തവണ രണ്ടരലക്ഷമാവും പിഴ. വീണ്ടും ലംഘനം തുടര്‍ന്നാല്‍ കമ്പനികളെ കരിമ്പട്ടികയില്‍പ്പെടുത്താനും വ്യവസ്ഥയുണ്ട്.

പിക്കാസോയുടെ അപൂര്‍വചിത്രങ്ങള്‍ കണ്ടെത്തി

2010-11-30T23:53:00.000-08:00

ലണ്ടന്‍: പ്രശസ്ത ചിത്രകാരന്‍ പാബ്ലോ പിക്കാസോയുടെ പുറംലോകം കാണാത്ത 271-ഓളം പെയിന്‍റിങ്ങുകള്‍ കണ്ടെടുത്തു. പിക്കാസോയുടെ വീടുകളില്‍ അലാറം സംവിധാനം ഒരുക്കിയ പിയറിലെ ശ്വെനെക് (71) എന്ന ഇലക്ട്രീഷ്യന്റെ തെക്കന്‍ ഫ്രാന്‍സിലെ വീട്ടില്‍ സ്‌പെഷലിസ്റ്റ് ആര്‍ട്ട് പോലീസ് നടത്തിയ പരിശോധനയിലാണ് ചിത്രങ്ങള്‍ കണ്ടെടുത്തത്. ലിതോഗ്രാഫുകളും ക്യുബിക് ചിത്രങ്ങളും ജലച്ചായാചിത്രങ്ങളും ചിത്രങ്ങളടങ്ങിയ നോട്ട്ബുക്കും കണ്ടുകെട്ടിയവയില്‍ ഉള്‍പ്പെടുന്നു. ഒക്ടോബറില്‍ നടത്തിയ റെയ്ഡിന്റെ വിവരങ്ങള്‍ ഫ്രഞ്ച് മാധ്യമങ്ങളാണ് പുറത്തുകൊണ്ടുവന്നത്.

ആറുകോടി യൂറോ (360 കോടി രൂപ) വിലമതിക്കുന്ന ചിത്രങ്ങളാണ് പിയറിയില്‍നിന്ന് കണ്ടെടുത്തത്. ക്യുബിക് മാതൃകയിലുള്ള ഒമ്പത് ചിത്രങ്ങള്‍ക്കുമാത്രം നാലുകോടി യൂറോ വിലവരുമെന്ന് വിദഗ്ധര്‍ പറയുന്നു. പിക്കാസോയുടെ 'നീല കാലഘട്ട'ത്തിലെ ജലച്ചായാചിത്രവും പിയറിയുടെ ശേഖരത്തില്‍ ഉള്‍പ്പെടുന്നു.

പിക്കാസോ സമ്മാനിച്ചതെന്നവകാശപ്പെട്ട് പിയറി ലെ ശ്വെനെക് തന്നെയാണ് ചിത്രങ്ങള്‍ കൈവശമുള്ള കാര്യം വെളിപ്പെടുത്തിയത്. ചിത്രങ്ങളുടെ കൈവശാവകാശത്തിനായി ഇയാള്‍ സപ്തംബറില്‍ പിക്കാസോയുടെ മകന്‍ ക്ലോഡ് പിക്കാസോയെ സമീപിക്കുകയായിരുന്നു. ചിത്രങ്ങള്‍ യഥാര്‍ഥമാണെന്ന് തിരിച്ചറിഞ്ഞതിനെത്തുടര്‍ന്ന് ക്ലോഡ് ഫ്രാന്‍സ് സ്‌പെഷലിസ്റ്റ് ആര്‍ട് പോലീസിനെ വിവരമറിയിക്കുകയായിരുന്നു. ചിത്രങ്ങള്‍ അനധികൃതമായി സൂക്ഷിച്ചതിന് ഇയാള്‍ക്കെതിരെ കേസ് നല്‍കിയിരിക്കുകയാണ് ക്ലോഡ്. പിക്കാസോ ചിത്രങ്ങള്‍ സംബന്ധിച്ച പിയറിയുടെ വിശദീകരണം ക്ലോഡ് പിക്കാസോ അംഗീകരിച്ചില്ലെന്നും ഇത്രയധികം സൃഷ്ടികള്‍ ഒരാള്‍ക്കുമാത്രമായി പിക്കാസോ നല്‍കില്ലെന്ന് ക്ലോഡ് പറഞ്ഞതായും ഫ്രഞ്ച് പത്രമായ ലിബറേഷന്‍ റിപ്പോര്‍ട്ട് ചെയ്തു. ഇലക്ട്രീഷ്യനായ പിയറിക്ക് ചിത്രങ്ങള്‍ കിട്ടിയതിനെക്കുറിച്ച് അന്വേഷണം നടന്നുവരികയാണ്. ഇയാളെ അന്വേഷണോദ്യോഗസ്ഥര്‍ ചോദ്യംചെയ്തതായും അറിയുന്നു. പെയിന്‍റിങ്ങുകളുടെ ഉടമസ്ഥാവകാശം സംബന്ധിച്ച കോടിക്കണക്കിന് യൂറോയുടെ നിയമയുദ്ധത്തിനാണ് ചിത്രങ്ങളുടെ കണ്ടെത്തല്‍ തുടക്കമിട്ടിരിക്കുന്നത്.

1900നും 1932നും ഇടയ്ക്ക് രചിച്ച ചിത്രങ്ങളാണ് പിയറിയുടെ വീട്ടില്‍നിന്ന് കണ്ടെടുത്തതെന്ന് ഗാര്‍ഡിയന്‍ ദിനപത്രം റിപ്പോര്‍ട്ടുചെയ്തു. സപ്തംബര്‍ ഒമ്പതിനാണ് ക്ലോഡ് പിക്കാസോ (63) യുടെ ഓഫീസില്‍ (പിക്കാസോ അഡ്മിനിസ്‌ട്രേഷന്‍) പിയറി ചിത്രങ്ങളുമായി എത്തിയത്. 175 ഓളം വ്യത്യസ്ത ചിത്രങ്ങള്‍ അന്നുതന്നെ ക്ലോഡിനെ കാണിച്ചതായി ഗാര്‍ഡിയന്‍ പറയുന്നു. പിക്കാസോയുടെ ആദ്യഭാര്യ ഓള്‍ഗ ഖോക്‌ലോവയുടെ ഛായാചിത്രങ്ങളും പിയറിയുടെ കൈവശമുണ്ടായിരുന്നു. പിക്കാസോയുടെ കാനിലെയും നോത്രെദാമിലെയും മറ്റു വീടുകളില്‍ അലാറം സംവിധാനം ഒരുക്കിയതിന് പിക്കാസോയാണ് തനിക്ക് പെയിന്‍റിങ്ങുകള്‍ നല്‍കിയതെന്നാണ് പിയറിയുടെ അവകാശവാദം.

ചിത്രങ്ങളില്‍ പലതിലും തീയതികളില്ലെന്നും അതിനാല്‍തന്നെ അവയെക്കുറിച്ച് പുറംലോകം അറിഞ്ഞിരിക്കാന്‍ സാധ്യതയില്ലെന്നും ക്ലോഡ് പിക്കാസോ പറഞ്ഞു. കലയിലെ വിപ്ലവകരമായ മുന്നേറ്റമാണ് പെയിന്‍റിങ്ങുകളുടെ കണ്ടെത്തലെന്നും ചിത്രശേഖരത്തിന് ചരിത്രപരമായ പ്രാധാന്യമുണ്ടെന്നും ക്ലോഡ് അഭിപ്രായപ്പെട്ടു.

ഇനിയെന്നും ഒരേ നമ്പര്‍

2010-11-25T08:35:00.000-08:00

ന്യൂഡല്‍ഹി: നമ്പര്‍ മാറാനുള്ള ബുദ്ധിമുട്ട് കാരണം ഒരേ മൊബൈല്‍ കമ്പനിയുടെ സേവനം തുടരുന്നവര്‍ക്ക് ഒരു ശുഭവാര്‍ത്ത. നിലവിലെ കമ്പനിയുടെ സേവനം തൃപ്തികരമല്ലാത്ത സാഹചര്യത്തില്‍ നമ്പര്‍ നിലനിര്‍ത്തിക്കൊണ്ട് തന്നെ കമ്പനി മാറാം. ഒരേ നമ്പറില്‍ തുടരാന്‍ സഹായിക്കുന്ന മൊബൈല്‍ നമ്പര്‍ പോര്‍ട്ടബിലിറ്റി എന്ന സംവിധാനം ഹരിയാനയില്‍ ഇന്ന് നടപ്പാക്കും. ഈ സൗകര്യം ഡിസംബര്‍ അവസാനത്തോടെ മറ്റ് സംസ്ഥാനങ്ങളിലും ലഭ്യമാവുമെന്ന് കരുതുന്നു

മൊബൈല്‍ നമ്പര്‍ പോര്‍ട്ടബിലിറ്റിക്കായി ഒരു മൊബൈല്‍ സന്ദേശം(എസ്.എം.എസ്) അയക്കേണ്ട ആവശ്യമേ ഉള്ളു. പോര്‍ട്ട്(PORT) എന്ന് ടൈപ്പ് ചെയ്തതിന് ശേഷം ഒരു സ്‌പേസ് ഇട്ട്, മൈബൈല്‍ നമ്പര്‍ ടൈപ്പ് ചെയ്ത് സന്ദേശം 1900 എന്ന നമ്പറിലേക്ക് അയക്കുകയാണ് ചെയ്യേണ്ടത്. ഉടന്‍ തന്നെ നിലവിലെ കമ്പനിയില്‍ നിന്ന് പുതിയ കമ്പനിയിലേക്ക് നമ്പര്‍ മാറ്റുന്നതിനായുള്ള കോഡ് അഥവാ യുണീക്ക് പോര്‍ട്ടിങ് കോഡ് (യു.പി.സി) ഉപഭോക്താവിന് ലഭിക്കും. പിന്നീട് ഈ കോഡ് ഉള്‍പ്പെടുത്തി പുതിയ കമ്പനിയില്‍ അപേക്ഷ നല്‍കുകയാണ് വേണ്ടത്. അപേക്ഷ ലഭിച്ചാലുടന്‍ സേവനം ലഭ്യമാക്കാന്‍ വേണ്ട നടപടികള്‍ പുതിയ കമ്പനി കൈക്കൊള്ളും. ഏഴു ദിവസങ്ങള്‍ക്കുള്ളില്‍ നമ്പര്‍ നിലനിര്‍ത്തികൊണ്ടുള്ള സേവനവും ലഭ്യമാകും. ഈ സേവനത്തിനായി പുതിയ കമ്പനിയ്ക്ക് 19 രൂപ സര്‍വീസ് ചാര്‍ജ് ഈടാക്കാവുന്നതാണ്.

എന്നാല്‍, പോസ്റ്റ് പെയ്ഡ് സേവനങ്ങളില്‍ ഈ സൗകര്യത്തിനായി അപേക്ഷിക്കും മുന്‍പ് അവസാന മാസത്തെ ബില്‍ തുക അടച്ചിട്ടുണ്ടോ എന്ന് ഉറപ്പ് വരുത്തണം. അടച്ചില്ലെങ്കില്‍ അപേക്ഷ നിരാകരിക്കപ്പെടും. എന്നാല്‍ പ്രീപെയ്ഡ് ഉപഭോക്താവിനെ സംബന്ധിച്ച് പഴയ അക്കൗണ്ടിലെ ബാക്കി തുക പുതിയതില്‍ ലഭ്യമാവുകയില്ല.

ഒരു തവണ കമ്പനി മാറിയാല്‍ 90 ദിവസം കഴിഞ്ഞ് മാത്രമേ വീണ്ടുമൊരു മാറ്റം സാധ്യമാവൂ. പുതിയ സേവനം ലഭ്യമാകുന്നതോടെ മൊബൈല്‍ കമ്പനികള്‍ സേവനം മെച്ചപ്പെടുത്താന്‍ നിര്‍ബന്ധിതരാവുമെന്ന് ടെലികോം റെഗുലേറ്ററി അതോറിറ്റി ഓഫ് ഇന്ത്യ(ട്രായ്) വ്യക്തമാക്കി. പുതിയ സംവിധാനം സി.ഡി.എം.എ വിഭാഗത്തെയായിരിക്കും ബാധിക്കുക. സി.ഡി.എം.എ വിഭാഗത്തില്‍ നിന്നും ജി.എസ്.എം വിഭാഗത്തിലേക്ക് ഉപഭോക്താക്കളുടെ ഒഴുക്കുണ്ടാവുമെന്നാണ് നിരീക്ഷിക്കുന്നത്.

മുംബൈ: മൊബൈല്‍ പോര്‍ട്ടബിലിറ്റി സംവിധാനം എത്തുന്നതോടുകൂടി ഉപഭോക്താക്കള്‍ ചോരുന്നത് തടയാന്‍ മൊബൈല്‍ കമ്പനികള്‍ പുതിയ ഓഫറുകളുമായി രംഗത്തെത്തി. കുറഞ്ഞ താരിഫ് നിരക്കുകളും അവതരിപ്പിച്ചതോടെ കമ്പനികള്‍ക്കിടയിലുള്ള താരിഫ് യുദ്ധം പരകോടിയിലെത്തും. പ്രീപെയ്ഡിനെ അപേക്ഷിച്ച് പോസ്റ്റ് പെയ്ഡ് ഉപഭോക്താക്കള്‍ ചോരുന്നതാണ് കമ്പനികള്‍ക്ക് തലവേദന സൃഷ്ടിക്കുക.

രാജ്യത്തെ പോസ്റ്റ്‌പെയ്ഡ് ഉപോഭോക്തള്‍ മൊത്തം വരിക്കാരുടെ ഏഴു ശതമാനം മാത്രമാണ്. എന്നാല്‍, ഇവര്‍ അടിക്കടി കമ്പനി മാറാത്തതിനാല്‍ ഈ വിഭാഗത്തില്‍ സേവന ദാതാക്കള്‍ക്ക് അധികം ഓഫറുകള്‍ നല്‍കേണ്ടി വന്നിട്ടില്ല.

അതേസമയം, 40 ശതമാനത്തോളം പ്രീപെയ്ഡ് ഉപഭോക്താക്കള്‍ വര്‍ഷാ വര്‍ഷം കമ്പനി മാറുന്നവരാണ്. എങ്കിലും ഇൗ മേഖലയിലുള്ള മത്സരവും ശക്തമാകുമെന്നാണ് കരുതുന്നത്.

പത്ത് ശതമാനത്തോളം ഉപഭോക്താക്കള്‍ ആദ്യ വര്‍ഷം തന്നെ പുതിയ സംവിധാനം ഉപയോഗിക്കുമെന്നാണ് ട്രായുടെ വിലയിരുത്തല്‍. എന്നാല്‍, മൂന്നു വര്‍ഷങ്ങള്‍ക്കുള്ളില്‍ ഇത് അഞ്ച് ശതമാനമായി ചുരുങ്ങുമെന്നും ട്രോയ് പറയുന്നു. അതേസമയം, 10-15 ശതമാനം ഉപഭോക്താക്കള്‍ പുതിയ സൗകര്യം ഉപയോഗപ്പെടുത്തുമെന്ന് നിരീക്ഷകരുടെ അഭിപ്രായം.